အစိမ်းရောင်လမ်း

တိရိစ္ဆာန်တစ်ကောင်၏ ဦးချိုပုံသဏ္ဌာန်ကြီးတစ်ခုထဲကနေ ဟင်းသီးဟင်းရွက်သစ်သီးဝလံ ကောက်ပဲသီးနှံတွေ ပြည့်လျှံကျလာတဲ့ ဦးချိုပုံသဏ္ဌာန် အလှဆင်ခြင်းတောင်းကြီးကို တခါတရံမှာ မဂ္ဂဇင်းတွေ၊ စာအုပ်တွေ၊ ဟင်းသီးဟင်းရွက်သစ်သီးဝလံ ပန်းမန်ပြပွဲတွေမှှာ တွေ့ရတတ်ပါတယ်။ မြန်မာလိုတော့ ဘယ်လိုအမည်မှည့်ခေါ်ထားတယ်တော့ သတိမထား မိခဲ့ပါဘူး။ ဂမ္ဘီရဦးချို သို့မဟုတ်ရင်လည်း ဣစ္စသယဦးချိုလို့ အမည်ပေးလိုက်ရင် လိုက်ဖက်မလားလို့ စဉ်းစားကြည့်မိ ပါတယ်။ သူ့ရဲ့ အင်္ဂလိပ်အမည်ကတော့ Cornucopia (korn-yoo-Ko-pee-uh ဟု အသံထြက္သည္) ပါ။

Cornucopia ဟာ လက်တင်ဘာသာစကား Cornu (ဦးချို) နဲ့ Copiae (ပေါများကြွယ်ဝခြင်း) တို့မှ ဆင်းသက်လာတဲ့ စကားလုံးဖြစ်ပါတယ်။ ကောက်ပဲသီးနှံများ ပေါများကြွယ်ဝကြောင်းကို ဖော်ကျူးပြသတဲ့ သင်္ကေတ (A symbol of abundance and nourishment) တစ်ခုအဖြစ် ဥရောပနဲ့ အနောက်နိုင်ငံတွေမှာတော့ လူသိများကြပါတယ်။

Cornucopia ရဲ့ မူရင်းဇစ်မြစ်ဟာ ဂရိဒဏ္ဍာရီလာ ဇာတ်လမ်းတွေက အခြေတည် အစပြုလာခဲ့ပြီး စာပေတွေမှာ သူနဲ့ပတ်သတ်လို့ ဖော်ပြချက်တွေ အမျိုးမျိုးတွေ့ရပါတယ်။ ထင်ရှားတဲ့ ဂရိဒဏ္ဍာရီလာ ဇာတ်လမ်းတစ်ပုဒ်အရ၊ ခရိ (Crete) ကျွန်းရဲ့ အိုင်းဒါး (Ida) တောင်ပေါ် ဂူတစ်ဂူတည်းမှာ ကလေးငယ် ဇူးစ် (Zeus) ကို အသားစားကြူးတဲ့ သူ့ဖခင် ခရိုးနပ်စ် (Cronus) ရန်မှ နတ်ဒေဝါတွေက ကာကွယ်ပြုစုစောင့်ရှောက်ခဲ့တယ်လို့ ဆိုပါတယ်။ နတ်ဒေဝါတွေထဲမှာ အမားလ်သီးယား (Amalthea) အမည်ရ အာဟာရဓာတ်ကိုပေးစွမ်းသော ဆိတ်နတ်သမီးက ကလေးငယ် ဇူးစ်ကို သူ့ရဲ့ နို့ချိုနဲ့ တိုက်ကျွေးပြုစု စောင့်ရှောက်ခဲ့ပါတယ်။ နောင်မှာ နတ်ဒေဝါတွေရဲ့ အကြီးအကဲဖြစ်လာမယ့် ကလေးငယ် ဇူးစ်ဟာ ထူးကဲတဲ့ စွမ်းအားတွေရှိနေပြီး၊ တစ်ရက်မှာတော့ သူ့ရဲ့နို့တိုက်မိခင်ဆိတ်နတ်သမီးနဲ့ ကစားနေရင်း အမှတ်မထင် သူ့နို့တိုက်မိခင်ဆိတ်မရဲ့ ဦးချိုတစ်ချောင်းကို ဆွဲချိုးမိသလို ဖြစ်သွားပါတယ်။ အဲဒီမှာတင် ကလေးငယ် ဇူးစ်ဟာ နတ်ဒေဝါစွမ်းအားတွေနဲ့ သူ့ရဲ့မိခင်ဆိတ်နတ်သမီးအတွက် ကျိုးသွားသော ဦးချိုမှ သူ့မိခင် ဆိတ်နတ်သမီး အလိုရှိတောင်းတမှုမှန်သမျှ အမြဲတမ်း ဆောင်ယူပေးနိုင်ရန် ဖြည့်ဆည်းပေးခဲ့တယ်လို့ ဆိုပါတယ်။

မူလအစတုန်းကတော့ Cornucopia ကို ဆိတ်ချိုအစစ်တွေနဲ့ သစ်သီးတွေ၊ ကောက်ပဲသီးနှံတွေ ဖြည့်ပြီး ပြုလုပ်ဆောင်ရွက်ခဲ့ကြတာပါ။ ယနေ့ခေတ်မှာတော့ တကယ့်ဆိတ်ချိုအစား ကြိမ်၊ ဝါးတို့နဲ့ ရက်လုပ်ထားတဲ့ ဦးချိုပုံစံ ခြင်းတောင်းတွေနဲ့သာ ဆောင်ရွက်ကြပါတော့တယ်။ ဥရောပနဲ့ အနောက်နိုင်ငံတွေမှာ ကောက်ပဲသီးနှံတွေ ရိတ်သိမ်းအပြီး ဘုရားသခင်၏ ကျေးဇူးတော်ကို အောက်မေ့ ချီးကျူးတဲ့ Thanksgiving Day နေ့တွေမှာ ဒီ Cornucopia ဦးချိုကြီးကို သစ်သီးဝလံပန်းမန် ကောက်ပဲသီးနှံတွေနဲ့ လှပဝေဆာစွာ တွေ့မြင်နိုင်ပါတယ်။

အခုဆိုရင် ကျနော်တို့ မြန်မာပြည်မှာလည်း စိုက်ပျိုးရေးနဲ့ပတ်သတ်တဲ့ အထိမ်းအမှတ်ပွဲတွေ၊ ဟင်းသီးဟင်းရွက်နှင့် သစ်သီးဝလံပန်းမန်ပြပွဲ ပြိုင်ပွဲတွေမှာ Cornucopia ဟာ အလှဆင်ပြသစရာတစ်ခုအဖြစ် နေရာယူလာတာ တွေ့မြင်သတိထားမိပါတယ်။

Cornucopia ကို ဟင်းသီးဟင်းရွက်သစ်သီးဝလံ ကောက်ပဲသီးနှံတွေနဲ့ ပတ်သက်လို့ အလှဆင်ပြသတာပဲဖြစ်ဖြစ်၊ တိုင်းပြည်မြို့ရွာနယ်ပယ်ဒေသတစ်ခုရဲ့ စိုက်ပျိုးရေးသီးနှံတွေနဲ့ ပတ်သက်လို့ ပေါများကြွယ်ဝကြောင်း ဖော်ကျူးတင်ဆက်တာပဲဖြစ်ဖြစ် အရေးပါလာတာကြောင့် သူ့ရဲ့အမည်နဲ့ နောက်ခံ ဒဏ္ဍာရီဇာတ်လမ်းလေးဟာ စိတ်ဝင်စားစရာကောင်းပြီး စိုက်ပျိုးရေးသမားတွေအတွက် ဗဟုသုတအဖြစ် သိထားသင့်လို့ မျှဝေ ရေးသားဖော်ပြ လိုက်ပါတယ်။ ။

ဟန်ဖြိုးအောင် (ဥယျာဉ်ခြံ)

4-8-2014

ကုိးကား

၁။ Cornucopia – Meaning, History, Tips and Suggestions (Laura M. Scott)

၂။ Cornucopia (Wikipedia)

၃။ Cornucopia: Horn of Plenty (Selena Fox)

၄။ Webster’s Third New International Dictionary

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...