ဘိုကိတ်ပဲ စိုက်ပျိုးနည်း

    အခုလိုရာသီမှာ စိုက်ပျိုးလို့ သင့်တော်တဲ့ ဘိုကိတ်ပဲစိုက်ပျိုးနည်းလေးကို ပြောပြပေးချင်ပါတယ်ဗျ။

ရာသီဥတု 

- စိုစွတ်တဲ့မိုးရာသီမှာ စိုက်တာများပြီး ခြောက်သွေ့တဲ့ နွေရာသီမှာလည်း ရေသွင်းစိုက်လေ့ရှိကြပါတယ်။ အလွန်အေးပြီး နှင်းကျတဲ့ရာသီဥတုကိုတော့ နှစ်သက်လေ့မရှိပါဘူးဗျ။

မြေအမျိုးအစား

- ရေစီးဆင်းမှုကောင်းပြီး မြေအချဥ်ငံဓာတ် (၆.၅ - ၇) လောက် ​ရှိတဲ့ နုန်းမြေ၊ သဲနုန်းမြေတွေက အသင့်တော်ဆုံးမြေဖြစ်ပါတယ်။ ဒီ​မြေတွေက ရေမြုပ်တာကိုလည်း ရှောင်လွဲပေးနိုင်မှာဖြစ်ပါတယ်။

စိုက်ပျိုးချိန်

- များသောအားဖြင့်တော့ ဧပြီလမှ ဩဂုတ်လ၊ ဩဂုတ်လမှ စက်တင်ဘာလ အစောပိုင်းလောက်အထိ စိုက်ပျိုးကြပါတယ်။

မြေပြင်ခြင်း

- မစိုက်ခင်မှာမြေကို ထယ်ထိုး၊ ထွန်မွှေပြီး ရိုးပြတ်တွေနဲ့ အမှိုက်မှန်သမျှကို ရှင်းလင်းပေးပါ။ ဒါမှ ပေါင်းမြက်ပေါက်ရောက်မှုကို အနည်းဆုံးအနေအထားထိ လျော့ချနိုင်မှာလည်းဖြစ်ပါတယ်ဗျ။

မြေဩဇာထည့်ခြင်း

- ဘိုကိတ်ပဲကိုယ်တိုင်ကိုက နိုက်ထရိုဂျင်ထုတ်ပေးတာမို့ နိုက်ထရိုဂျင်ကျွေးစရာမလိုပါဘူးဗျ။ တစ်ဧကကို နွားချေး (၇)စီး၊ ပုလဲ(၇) ပြည်၊ ပိုတက် (၁၂)ပြည်၊ တီစူပါ(၂၂) ပြည်ကို မြေခံအဖြစ်ထည့်ပေးပါ။

စိုက်ပျိုးခြင်း

- မစိုက်ခင်မှာ မျိုးစေ့တွေကို မှိုသတ်ဆေးတစ်မျိုးမျိုးနဲ့ လူးနယ်ထားပေးပါ။

- တစ်ဧကကို မျိုးစေ့နှုန်းထား (၆-၈) ပြည်အထိ သုံးနိုင်ပါတယ်ဗျ။

- တိုက်ရိုက်အစေ့ချစိုက်လေ့ရှိပြီး ကျင်းအနက် တစ်လက်မလောက် တစ်ကျင်းကို ၂ စေ့နှုန်းနဲ့ စိုက်ပါ။ တစ်ကျင်းနဲ့တစ်ကျင်း အကွာအဝေးကို ၆ လက်မလောက်ခြားပေးပြီး တန်းခြားကို ၁၂ လက်မလောက်ထားပေးပါ။

ရေသွင်းပေးခြင်း

- မိုးရာသီမှာစိုက်ရင် ရေအရမ်းမလိုအပ်ပေမယ့် နွေရာသီမှာစိုက်ရင်တော့ ရေသွင်းပေးဖို့လိုအပ်ပါတယ်ဗျ။ အထူးသဖြင့် အပင်ပေါက်ချိန်နဲ့ အစေ့ဆံတည်ချိန်တွေမှာ ရေလိုအပ်ပါတယ်။ Sprinkler နည်းနဲ့ ရေပေးမယ်ဆိုရင်တော့ တစ်နေ့ကို (၂-၄) နာရီလောက်ရေပေးပါ။

ပေါင်းမြက်ရှင်းခြင်းနဲ့ ကျရာက်တတ်သောပိုးမွှားရောဂါများ

- ပေါင်းမြက်တွေက အပင်အတွက်ပေးတဲ့အာဟာရတွေကို ဖဲ့ယူစားသောက်ကြတာမို့ ပဲသက်တမ်းတစ်လျှောက်လုံးမှာ (၂-၃) ကြိမ်​ ကြားပေါင်းလိုက်ပေးဖို့ လိုပါတယ်ဗျ။

- အဓိကကျရောက်တတ်တဲ့ပိုးကတော့ လှေးပိုးနဲ့ သီးလုံးဖောက်ပိုးဖြစ်ပြီး ပျ၊ ယင်ဖြူနဲ့ အဝါရောင်မိုစေ့ဗိုင်းရပ်စ်ရောဂါလည်း ကျရောက်တတ်ပါတယ်ဗျ။

ခူးဆွတ်ရိတ်သိမ်းခြင်း

-​​ ပျမ်းမျှအားဖြင့်တော့ စိုက်ပြီး ရက်ပေါင်း(၉၀-၁၂၀)လောက် အကြာမှာ ခူးဆွတ်ကြပါတယ်။ တစ်နည်းအားဖြင့် သီးထောင့်ရဲ့ ၉၅ % က ဝါညိုရောင်ပြောင်းလာတဲ့အချိန်မှာ ခူးဆွတ်ကြပါတယ်။ အများအားဖြင့် လက်နဲ့ခူးဆွတ်ကြပြီး ခူးပြီးသားသီးတောင့်တွေကို အရိပ်အောက် အေးတဲ့နေရာမှာ သိုလှောင်ထားလေ့ရှိကြပါတယ်ဗျ။

ထွန်းရာဇာ

Ref; https://blog.agrihomegh.com/keys-to-high-yields-in-cowpea-cultivation/

 https://cropgenebank.sgrp.cgiar.org/index.php/regeneration-guidelines-of-crops/cowpea-mainmenu-401

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်