တစ်ပတ်စာ သီးနှံဈေးကွက်သုံးသပ်ချက်(၂၅-၂၉.၈. ၂၀၂၅)

မတ်ပဲ

မတ်ပဲကတော့ ယခုတစ်ပတ်မှာလည်း စျေးတန်းထပ်ကျလာပြီး တစ်တန်ကို ၂၉ သိန်းအောက်အထိစျေးတန်းပြုတ်ကျသွားတာတွေ့ရပါတယ်။ FOB စျေးလည်းကျလာပြီး အမေရိကန်ဒေါ်လာ ၇၀၀ မှ ၇၁၀ သာရှိပါတော့တယ်။ လက်ရှိမှာ အိန္ဒိယဘက်က ဝယ်လိုအားနည်းနေတဲ့အပြင်အရောင်းအဝယ်အေးနေတာကြောင့်စျေးကွက်လည်းအကျသာရှိနေတာဖြစ်ပါတယ်။

ရွှေစျေးဒေါ်လာစျေးဂယက်ကြောင့်လည်း ပို့ကုန်ပဲစျေးက အကျဘက်ကိုပြုတ်ကျခဲ့တာဖြစ်ပါတယ်။ နယ်စျေးကွက်မှာလည်း မတ်ပဲတစ်တင်းကို ၉၀၀၀၀ မှ ၉၂၀၀၀ ကျပ်သာရှိပါတယ်။

ရန်ကုန်ဘုရင့်နောင်ဈေးကွက်မှာ တနင်္လာ မှာ ၂၈၉၂၀၀၀၊ အင်္ဂါ‌နေ့မှာ ၂၈၈၄၀၀၀ ၊ ဗုဒ္ဓဟူးနေ့မှာ ၂၈၈၅၀၀၀ ၊ ကြာသပတေး‌နေ့မှာ ၂၈၈၀၀၀၀ ၊သောကြာ‌နေ့မှာ ၂၈၈၄၀၀၀ စျေးတန်းသာရှိပါတယ်။

အရင်အပတ်က မတ်ပဲ FAQ တစ်တန်ကိုတနင်္လာ မှ သောကြာနေ့အတွင်း ၂၉၅၁၀၀၀ မှ ၂၉၇၈၀၀၀ ကျပ်ရှိခဲ့တာကြောင့် တပတ်အတွင်းမှာ ၈၀၀၀၀ ကျပ်လောက်စျေးထပ်ကျခဲ့ပါတယ်။

ပဲစင်းငုံ

ပဲစင်းငုံကလည်း အခုတစ်ပတ်မှာ စျေးတန်းထပ်ကျပြီး တစ်တန်ကို ၂၆ သိန်းကျပ်အောက်ကိုစျေးတန်းပြုတ်ကျသွားပါတယ်။ အရင်တစ်ပတ်နဲ့ယှဥ်ရင် တစ်တန်ကို ၁သိန်းကျော်လောက် ထပ်မံ စျေးကျဆင်းတာတာတွေ့ရ ပါတယ်။ ပဲစင်းငုံကလည်း ပြည်ပအဝယ်နည်းပြီး စျေးကအေးနေပါတယ်။လက်ကျန်လည်းနည်းနေပါတယ်။ FOB စျေးလည်းကျလာပါတယ်။ အရင်က အမေရိကန်ဒေါ်လာ ၆၆၀ မှ ၆၇၀ ရှိရာကနေ ယခု အမေရိကန်ဒေါ်လာ ၆၄၀ မှ ၆၅၀ သာရှိပါတယ်။

ရန်ကုန်ဘုရင့်နောင်ကုန်စည်ဒိုင်မှာ တနင်္လာနေ့က ၂၅၆၄၀၀၀၊ အင်္ဂါ‌နေ့မှာ ၂၅၃၀၀၀၀ ၊ ဗုဒ္ဓဟူးနေ့မှ သောကြာ‌နေ့အထိ၂၅၂၀၀၀၀ မှ ၂၅၂၂၀၀၀ စျေးတန်းသာရှိပါတယ်။

အရင်အပတ်တုန်းက တနင်္လာ‌နေ့ကနေ သောကြာနေ့အထိ ပဲစင်းငုံနီတစ်တန်ကို ၂၆၆၈၀၀၀ မှ ၂၆၂၀၀၀၀ ကျပ်ရှိခဲ့တာဖြစ် ပါတယ်။

စားတော်ပဲ

စားတော်ပဲကတော့ ယခုတစ်ပတ်မှာ စားတော်ပဲ (ကနေဒါ) က စျေးကျဆင်းပြီး စားတော်ပဲ (ကျွန်း) က စျေးတက်လာတာတွေ့ရပါတယ်။ပြည်တွင်းစျေးကွက်မှာ စားတော်ပဲ(ကျွန်း)က လက်ကျန်နည်းပြီး စျေးကွက်အတွင်း ကုန်ပစ္စည်းအဝင်နည်းတာကြောင့် စျေးကွက်အတက်မှာပဲရှိနေပါတယ်။

လက်ရှိမှာတော့ စျေးကွက်အတွင်း ယူကရိန်း စားတော်ပဲ ပစ္စည်းအဝင်ပြတ်နေပြီး စားတော်ပဲ (ကျွန်း) နဲ့ စားတော်ပဲ (ကနေဒါ) သာ ဝင်ရောက်မှုရှိနေပါတယ်။ စားတော်ပဲက ပြည်တွင်းစားသုံးတဲ့ပဲဖြစ်တာကြောင့် စားသုံးမှုများပြီးဝယ်လိုအားကောင်းပါက စျေးတန်းမြင့်တတ်ပြီး ဝယ်လိုအားကျပါက စျေးကွက်လည်းကျဆင်းတတ်တယ်လို့သိရပါတယ်။

မန္တလေးကုန်စည်စျေးကွက်မှာ စားတော်ပဲ ကနေဒါ ၅၉.၂၅ ပိဿာဝင် သုံးတင်းတစ်အိတ်ကို ၃၉၀၀၀၀ ကျပ်သာရှိပြီး စားတော်ပဲ ( ကျွန်း) ကတော့ တစ်အိတ်ကို ၆၄၀၀၀၀ မှ ၆၇၀၀၀၀ ကျပ်ရှိလာပါတယ်။

ကြက်သွန်နီ

ကြက်သွန်နီကတော့ စျေးတန်းအကျဘက်မှာပဲဆက်ရှိနေပေမယ့် အရောင်းအဝယ်သွက်လာတယ်လို့သိရပါတယ်။ ရန်ကုန်ဘုရင့်နောင် ကုန်စည်ဒိုင်နဲ့နယ်ကုန်စည်ဒိုင်တွေကို ကြက်သွန်ကားအစီးရေ ဝင်ရောက်မှုနည်းသွားတဲ့အတွက် အရောင်းအဝယ်သွက်လာနေတာဖြစ်တယ်လို့သိရပါတယ်။

ယခုအတိုင်းသာ ကြက်သွန်နီကိုထိန်းပြီး ရောင်းမယ်ဆိုရင် စျေးတန်းပြန်လည်မြင့်တက်လာနိုင်တယ်လို့ဆိုကြပါတယ်။ ပြည်ပတင်ပို့မှုအနေနဲ့ကတော့ မြဝတီနယ်စပ်ကနေထိုင်းကိုတင်ပို့မှုရပ်တန့်နေပါတယ်။

ရန်ကုန်ဘုရင့်နောင်ကုန်စည်ဒိုင်မှာ စျေးတန်းအနေနဲ့ ဆိပ်ဖြူက တစ်ပိဿာကို ၇၅၀ ၁၆၀၀ ကျပ်စျေးဖွင့်ထားပါတယ်။ မုံရွာက ၇၅၀ မှ ၁၅၀၀ ကျပ် နဲ့ မြင်းခြံကြက်သွန်က ၆၀၀ မှ ၁၄၅၀ ကျပ်၊ ပခုက္ကူက ၉၀၀ ကျပ်မှ ၁၅၀၀ ကျပ် စျေးတန်းဖွင့်ထားပါတယ်။

ပြောင်း

ပြောင်းဆံကတော့ အရင်ဖြစ်ပေါ်ခဲ့တဲ့အကျစျေးတန်းမှာပဲ ငြိမ်နေတာတွေ့ရပါတယ်။ ထိုင်းကိုအခွန်ကင်းလွတ်ခွင့်နဲ့ ပြောင်းဆံတင်ပို့ခွင့်က ယခုဩဂုတ်လကုန်မှာ ကုန်ဆုံးမှာဖြစ်တာနဲ့အညီ စျေးကွက်ကလည်း အေးနေပါတယ်။ စျေးတန်းအေးပေမယ့် ပြောင်းက အရောင်းအဝယ် ပုံမှန်ရှိနေတယ်လို့သိရပါတယ်။

မန္တလေးကုန်စည်စျေးကွက်မှာ ပြောင်း (ဗမာ) က ပစ္စည်းအဝင်မရှိသလို စျေးတန်းလည်းဖွင့်မထားပါဘူး။ ပြောင်း ( ရှမ်း) ကတော့ ၈၆၅၀၀ မှ ၈၆၀၀၀ ကျပ် ၊ ပြောင်း ( CP) က ၈၆၀၀၀ မှ ၈၇၀၀၀ ကျပ်နဲ့စျေးငြိမ်နေ ပါတယ်။

ရန်ကုန်ဘုရင့်နောင်စျေးကွက်မှာလည်း ပြောင်းတစ်ပိဿာကို ၁၆၃၀ ကျပ်မှ ၁၆၅၀ ကျပ်နဲ့ ငြိမ်နေပါတယ်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...