စံချိန်တင်ဈေးမြင့်ခဲ့တဲ့ မြေပဲ ဒီတစ်ပတ်ဈေးပြန်ကျ (ဈေးကွက်သုံးသပ်ချက်)

ပဲစဥ်းငုံနီ

ပဲစင်းငုံနီက တစ်တန်ကို သိန်း ၅၀ အထက်ထိ မြင့်တက်လာပါတယ်။ ပြည်တွင်းမှာတော့ ဈေးကွက်ဖွင့်ပေမယ့် လက်ကျန် မရှိသလောက် ဖြစ်နေတဲ့အတွက် အရောင်းအဝယ်သိပ်မရှိဘူးလို့ ကုန်သည်အချို့က ပြောပါတယ်။

ဆက်တိုက်ကျဆင်းခဲ့တဲ့ ပဲစင်းငုံနီက အိန္ဒိယနိုင်ငံ ချန်နိုင်းဈေးကွက်မှာ ဈေးပြန်မြင့်တက်လာပါတယ်။ အိန္ဒိယနိုင်ငံရဲ့ ပဲစင်းငုံ လိုအပ်ချက် မြင့်မားနေတဲ့အပြင် အကျဈေးနဲ့ ပြန်လည် ဝယ်ယူတာတွေကြောင့် ဈေးက ပြန်မြင့်တက်လာတာလို့ သိရပါတယ်။

လက်ရှိ ချန်နိုင်းဈေးကွက်မှာ ပဲစင်းငုံနီ တစ်တန်ကို ရူပီး ၁၀၂၀၀ ရှိနေပြီး ပြီးခဲ့တဲ့ အပတ်နဲ့ယှဉ်ရင် တစ်တန်ကို ၄၀၀ ရူပီး ဈေးတက်ပါတယ်။ပြည်တွင်း FOB ဈေးနှုန်းကတော့ တစ်တန်ကို ၁၀၇၅ မှ ၁၀၈၅ ဒေါ်လာ ရှိပြီး တစ်တန်ကို ၄၅ ဒေါ်လာ ဈေးကျဆင်းသွားခဲ့ပါတယ်။

ရန်ကုန်စျေးကွက်မှာ ပြီးခဲ့တဲ့ အပတ် သောကြာနေ့က ပဲစဥ်းငုံနီတစ်တန်ကို ကျပ် ၄၇၅၀၀၀၀ ကျပ်၊ တနင်္လာနေ့မှာလည်း တစ်တန်ကို ၄၈၅၀၀၀၀ ၊ အင်္ဂါနေ့မှာ တစ်တန်ကို ၅၀၆၅၀၀၀၊ ဗုဒ္ဓဟူးနေ့မှာတော့ တစ်တန်ကို ၅၁၃၀၀၀၀ ၊ကြာသပတေးနေ့မှာ တစ်တန်ကို ၅၀၅၀၀၀၀ ၊ ပေါက်ဈေးရှိပြီး ပြီးခဲ့တဲ့ အပတ်ယှဉ်ရင် တစ်တန်ကို ၃ သိန်း ကျပ်ဈေးတက်ပါတယ်။

မန္တလေးဈေးကွက်မှာတော့ ပဲစင်းငုံနီက တစ်အိတ်ကို ၄၈၀၀၀၀မှ ၄၈၅၀၀၀ ပေါက်ဈေးရှိပြီးတစ်အိတ်ကို ၃၀၀၀၀ ကျပ်ဈေးတက်ပါတယ်။

ကုလားပဲ

ကုလားပဲ က ဒီတစ်ပတ်မှာလည်း ဈေးတက်ပေမယ့် အနည်းငယ်သာ ဈေးတက်တော့တဲ့ အခြေအနေ ဖြစ်ပါတယ်။ နေ့စဉ် အဝင်ပေါ် မူတည်ပြီး အတက်အကျရှိနေတာဖြစ်ပြီး အရောင်းအဝယ်ကတော့ ပုံမှန်ရှိတယ်လို့ ပဲကုန်သည်တွေက ပြောပါတယ်။

ရန်ကုန်ဈေးကွက်မှာတော့ ကုလားပဲခြမ်းကဈေးပြန်ကျပြီး တစ်ပိဿာကို ၆၈၀၀ မှ ၇၁၀၀ ပေါက်ဈေးရှိပြီး တစ်ပိဿာကို ၁၀၀ ကျပ်ဈေးကျပါတယ်။

မန္တလေးဈေးကွက်မှာတော့ ကုလားပဲ 929 က တစ်အိတ်ကို ၂၉၀၀၀၀ မှ ၂၉၃၀၀၀ ပေါက်ဈေးရှိပြီး တစ်အိတ်ကို ၃၀၀၀ ကျပ်နဲ့ ကုလားပဲ ထိုင်ဝမ်က တစ်အိတ်ကို ၂၈၃၀၀၀ မှ ၂၈၅၀၀၀ ရှိပြီး တစ်အိတ်ကို ၅၀၀၀ ကျပ် ဈေးတက်ပြီး ကုလားပဲလုံး v2 က တစ်အိတ်ကို ၃၁၀၀၀၀ မှ ၃၁၅၀၀၀ ရှိကာ ဈေးအပြောင်းအလဲ မရှိပါဘူး။

မြေပဲ

စံချိန်တင် ဈေးမြင့်တက်ခဲ့တဲ့ မြေပဲက ဒီတစ်ပတ်မှာ ဈေးတွေ ပြန်ကျဆင်းပါတယ်။ ဈေးကွက်ထဲအသစ်တွေ အဝင်ရှိနေတဲ့အတွက် ဈေးက ကျဆင်းသွားတာ ဖြစ်ပါတယ်။ အရောင်းအဝယ်ကတော့ ဆီ အတွက် ဝယ်ယူတာတွေ ရှိနေတဲ့အတွက် သွက်နေတယ်လို့သိရပါတယ်။

မန္တလေးဈေးကွက်မှာ မြေပဲအနီလုံးဆံက တစ်ပိဿာကို ၈၅၀၀ မှ ၉၀၀၀ ရှိပြီးတစ်ပိဿာကို ၂၅၀၀ ကျပ် ဈေးကျဆင်းပါတယ်။

အောင်လံဈေးကွက်မှာလည်း မြေပဲလုံးဆံနီက တစ်ပိဿာကို ၈၈၀၀ ရှိပြီး တစ်ပိဿာကို ၁၂၀၀ ကျပ်၊ မြေပဲလုံးဆံဖြူက တစ်ပိဿာကို ၈၈၀၀ မှ ၉၀၀၀ရှိပြီးတစ်ပိဿာကို ၁၅၀၀ ကျပ် ဈေးကျဆင်းပါတယ်။

မြေပဲ တစ်ပိဿာကို ငွေကျပ် ၂၀၀၀ နီးပါးအသီးသီးဈေးပြန်ကျဆင်းသွားပါတယ်။

ကြက်သွန်နီ

ကြက်သွန်နီက ဈေးကွက်ထဲ အဝင်များလာပေမယ့် ဈေးကတော့ အမြင့်ဈေးနဲ့ ရှိနေပါတယ်။ နေ့စဉ် ပိဿာချိန် တစ်သိန်းနဲ့အထက် အဝင်ရှိနေပါတယ်။

ဘုရင့်နောင်ဈေးကွက်မှာကြက်သွန်နီ (ဆိပ်ဖြူ၊ မုံရွာ၊ မြင်းခြံ၊ တောင်သာတို့က)က တစ်ပိဿာကို အနိမ့်ဆုံး ဈေး ၁၄၀၀ မှ အမြင့်ဆုံးဈေး ၂၃၀၀ ကြား ရှိပြီး ပြီးခဲ့တဲ့အပတ်ကအတိုင်း ဈေးအပြောင်းအလဲ မရှိပါဘူး။

ငရုတ်

လ အတန်ကြာ ဈေးငြိမ်နေတဲ့ ငရုတ်က ဒီတစ်ပတ်မှာ ‌ဈေးပြန်မြင့်တက်လာပါတယ်။ ဈေးကွက်ထဲ အရောင်းအဝယ်ကတော့ ပုံမှန်ရှိနေပြီး ငွေကြေးဈေးကြောင့် ပြန်မြင့်တက်လာတာလို့ သိရပါတယ်။

ငရုတ်(ပန်းရဲသစ်)က တစ်ပိဿာကို ၆၀၀၀ မှ ၆၅၀၀ ကျပ်ရှိပြီး တစ်ပိဿာကို ၅၀၀ ကျပ်၊မြှားနီ သစ်က တစ်ပိဿာကို ၅၅၀၀ မှ ၆၀၀၀ ရှိပြီး တစ်ပိဿာကို ၅၀၀ ကျပ်၊ပန်းတနော်က ၅၀၀၀ မှ ၅၅၀၀ ရှိပြီးတ စ်ပိဿာကို ၁၀၀၀ ကျပ် အသီးသီးဈေးမြင့်တက်ပါတယ်။

ဆင်ဖြူကျွန်း ကတော့ တစ်ပိဿာကို ၉၀၀၀ မှ ၁၁၀၀၀ကျပ်၊မြစ်ဝပုက တစ်ပိဿာကို ၉၀၀၀ မှ ၁၀၅၀၀ကျပ် ရှိပြီး ဈေးအပြောင်းအလဲ မရှိဘဲ ဈေးငြိမ်နေပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...