တစ်ပတ်စာ သီးနှံဈေးကွက်သုံးသပ်ချက် (၄- ၈.၈. ၂၀၂၅)

မတ်ပဲ

မတ်ပဲကတော့ အခုတစ်ပတ်မှာလည်း စျေးတန်းအေးပြီး တစ်တန်ကို သိန်း ၃၀ အထက်ကိုမှာပဲဆက်ရှိနေပါတယ်။ အရင်အပတ်ကထက် တစ်တန်ကို ၆၀၀၀ လောက်သာအကျပြပါတယ်။

မတ်ပဲက အိန္ဒိယရဲ့ ဝယ်လိုအားအပေါ်လိုက်ပြီး စျေးအတက်အကျရှိတာဖြစ်ပါတယ်။ ဒီနှစ်မှာ အိန္ဒိယက မြန်မာ့မတ်ပဲကို ဝယ်လိုအားနည်းတာကြောင့် စျေးကွက်အေးနေတာဖြစ်ပါတယ်။

ရန်ကုန်ဘုရင့်နောင်ဈေးကွက်မှာ တနင်္လာမှ သောကြာနေ့အတွင်း ၃၀၀၇၀၀၀ မှ ၃၀၂၄၀၀၀ ကျပ်အတွင်းစျေးတန်းရှိပါတယ်။

အရင်တစ်ပတ်က မတ်ပဲ FAQ တစ်တန်ကို တနင်္လာမှ သောကြာနေ့အတွင်း ၃၀၀၉၀၀၀ မှ ၃၀၃၀၀၀၀ ကျပ်ရှိခဲ့တာကြောင့် ခုတစ်ပတ်မှာ တစ်တန်ကို ၂၀၀၀ မှ ၆၀၀၀ လောက်အကျပြ ပါတယ်။

ပဲစင်းငုံ

ပဲစင်းငုံကတော့ အခုတစ်ပတ်မှာ စျေးတန်းကျဆင်းသွားပါတယ်။ တစ်တန်ကို ၄၀၀၀၀ လောက်ကျပါတယ်။ ပဲစဥ်းငုံက ပြည်တွင်းမှာ ပစ္စည်းလက်ကျန် နည်းလာပေမယ့်လည်း စျေးကွက်က တက်မလာတဲ့အပြင် အကျဘက်ကိုသာ ရောက်ရောက်လာပါတယ်။ ပဲစင်းငုံကလည်း မတ်ပဲနည်းတူပါပဲ။ အိန္ဒိယဝယ်လိုအားကောင်းမှ စျေးတန်းအတက်ပြပြီး အဝယ်အေးတဲ့အခါ အကျစျေးတန်းမှာပဲ ရှိနေတတ်ပါတယ်။

ရန်ကုန်ဘုရင့်နောင်ကုန်စည်ဒိုင်မှာ တနင်္လာကနေ သောကြာနေ့အတွင်း ပဲစင်းငုံနီတစ်တန်ကို ၂၇၅၅၀၀၀ မှ ၂၇၈၅၀၀၀ ကျပ်ရှိပါတယ်။

အရင်တစ်ပတ်တုန်းက တနင်္လာကနေ သောကြာနေ့မှာဆိုရင် ပဲစင်းငုံနီတစ်တန်ကို ၂၇၉၈၀၀၀ မှ ၂၈၂၀၀၀၀ ကျပ်ရှိခဲ့ပါတယ်။

ကြက်သွန်နီ

ကြက်သွန်နီက လက်ရှိပြည်တွင်း စျေးကွက်က တစ်ပိဿာကို ၅၀ မှ ၁၀၀ ကျပ်လောက်အတက်ပြလာပြီး ရန်ကုန်စျေးကွက်မှာ အရောင်း အဝယ်သွက်လာနေတယ်လို့ ကုန်သည်နဲ့ ပွဲရုံတွေဆီကသိရပါတယ်။

ကုန်သည် ဝယ်လက်တွေက အရည်အသွေးကောင်းတဲ့ ကြက်သွန်ကို ဝယ်ယူမှုများပြားသလို အရည်အသွေးညံ့တဲ့ ကြက်သွန်ကလည်း စျေးအလိုက် အရောင်း အဝယ်ရှိနေတယ်လို့သိရပါတယ်။ တောင်သူတွေသာ ကြက်သွန်ကိုထိန်းပြီး ရောင်းနိုင်ပါက ယခုစျေးတန်းအောက်ထပ်မကျနိုင်ဘဲ အတက်ဘက်သာဦးတည်နိုင်တယ်လို့သိရပါတယ်။

ရန်ကုန်ဘုရင့်နောင်ကုန်စည်ဒိုင်မှာ မုံရွာကြက်သွန်က ၈၅၀ မှ ၁၇၀၀ ကျပ်၊ ဆိပ်ဖြူက ၈၅၀ မှ ၁၇၀၀ ကျပ်၊ မြင်းခြံက ၆၀၀ မှ ၁၆၅၀ ကျပ်၊ ရွှေဘိုကြက်သွန်က ၁၁၀၀ မှ ၁၇၀၀ ကျပ်သာ စျေးဖွင့်ထားပါတယ်။

ပြောင်း

ပြောင်းကတော့ ထိုင်းကိုအခွန်ကင်းလွတ်ခွင့်နဲ့ တင်ပို့ခွင့်ကာလ ကုန်ဆုံးချိန်နီးကပ်လာမှုနဲ့အတူ စျေးထပ်မကျတော့ဘဲ အရင်တစ်ပတ်ကဖြစ်ပေါ်ခဲ့တဲ့အကျစျေးတန်းမှာပဲ ငြိမ်နေတာတွေ့ရပါတယ်။ လက်ရှိမှာ မြန်မာ့ပြောင်းကို ထိုင်းက ဝယ်လိုအားရှိပေမယ့်လည်း ပြောင်းပေးစျေးနည်းတာကြောင့် မြန်မာ့ပြောင်းစျေးကျနေတာဖြစ်ပါတယ်။ စျေးကျပေမယ့် ပြည်တွင်းမှာဝယ်လိုအားရှိပြီး ပြောင်းသန့်ပါက အရောင်းအဝယ်သွက် နေပါတယ်။

ရန်ကုန်ဘုရင့်နောင်စျေးကွက်မှာ ယခုတပတ် ပြောင်းတစ်ပိဿာကို ၁၆၃၀ မှ ၁၆၅၀ ကျပ်သာရှိပါတယ်။

မန္တလေးကုန်စည်ဒိုင်မှာ ပြောင်း (cp) နဲ့ ပြောင်း ( ရှမ်း) တစ်အိတ်ကို ၈၄၀၀၀ မှ ၈၆၀၀၀ ကျပ်သာရှိပါတယ်။ အရင်တစ်ပတ်ကထက်တစ်အိတ်ကို ၁၀၀၀ ကျပ်နှုန်း ကျဆင်းပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...