သီးနှံဈေးကွက် သုံးသပ်ချက် ( ၃၀. ၆.၂၀၂၅ မှ ၄.၇. ၂၀၂၅)

စားတော်ပဲစျေးထပ်တက်လာသလို မတ်ပဲနဲ့ ပဲစဥ်းငုံလည်း စျေးပြန်တက်လာပါတယ်။ ပြောင်းနဲ့နှမ်းကတော့ ကျရိပ်ပြလာပါတယ်။

မတ်ပဲ

အခုတစ်ပတ်မှာတော့ မတ်ပဲက စျေးပြန်တက်လာပြီး တစ်တန်ကို သိန်း ၃၀ ကျော်အထိရှိလာပါတယ်။ ဒါကြောင့် နယ်စျေးကွက်မှာလည်း မတ်ပဲ ပိဿာ ၂၀ တစ်တင်းကိုအရင်အပတ်က ၉၈၀၀၀ ကျပ်နီးပါးရှိလာပါတယ်။ မတ်ပဲက စျေးတက်လာပေမယ့် အရောင်းအဝယ်အေးနေတဲ့အခြေအနေရှိတယ်လို့ သိရပါတယ်။

ရန်ကုန်ဘုရင့်နောင်ဈေးကွက်မှာ တနင်္လာကနေ သောကြာအတွင်း မတ်ပဲ FAQ တစ်တန်ကို ၂၉၈၇၀၀၀ ကျပ်မှ ၃၀၂၀၀၀၀ ကျပ်ရှိပြီးရှိပါတယ်။ အရင်အပတ်ကတော့ မတ်ပဲ FAQ တစ်တန်ကို ၂၉၈၁၀၀၀ မှ ၃၀၁၀၀၀၀ ကျပ်အထိသာရှိခဲ့တာကြောင့် အခုတစ်ပတ်မှာ တစ်တန်ကို ၆၀၀၀ မှ ၁၀၀၀၀ ကျပ်‌ ဈေးတက်လာတာဖြစ် ပါတယ်။

ပဲစင်းငုံ

ပဲစင်းငုံကလည်း အခုတစ်ပတ်မှာ စျေးပြန်တက်လာပါတယ်။ ပဲလိုအပ်ချက်အရ ဝယ်လိုအားရှိလာလို့ စျေးတက်လာပေမယ့် အရောင်းအဝယ်အေးနေတယ်လို့ သိရပါတယ်။

ရန်ကုန်ဘုရင့်နောင်ကုန်စည်ဒိုင်မှာ တနင်္လာကနေ သောကြာနေ့အတွင်း ပဲစင်းငုံနီတစ်တန်ကို ၂၇၇၈၀၀၀ မှ ၂၈၄၅၀၀၀ ကျပ်အထိရှိလာပါတယ်။ အရင်တစ်ပတ်တုန်းက တနင်္လာကနေ သောကြာနေ့မှာဆိုရင် ပဲစင်းငုံနီတစ်တန်ကို ၂၇၄၂၀၀၀ ကျပ်မှ ၂၇၉၂၀၀၀ ကျပ်ရှိခဲ့တာကြောင့် တစ်တန်ကို ၃၀၀၀၀ ကျော်မှ ၅၀၀၀၀ ကျော်အထိတက်လာပါတယ်။

ပြောင်း

ပြောင်းကတော့ ပြည်တွင်းစျေးကွက်မှာစျေးအနည်းငယ်ပြန်ကျဆင်းလာပါတယ်။ ကမ္ဘာ့ပြောင်းစျေးကွက်ကျဆင်းတာကြောင့် ပြည်တွင်းပြောင်းစျေးလည်းလိုက်ကျလာတာဖြစ်တယ်လို့သိရပါတယ်။ ပြည်တွင်းမှာက ပြောင်းလက်ကျန်နည်းနေပြီး အရောင်း အဝယ်အေးနေပါတယ်။

ရန်ကုန်ဘုရင့်နောင်စျေးကွက်မှာ ပြောင်းတစ်ပိဿာကို ၁၇၃၀ မှ ၁၇၅၀ ကျပ်သာရှိပါတယ်။ အရင်အပတ်ကထက် တစ်ပိဿာ ၂၀ ကျပ်နှုန်းကျဆင်းလာနေတာဖြစ်ပါတယ်။

မန္တလေးမှာ ပြောင်း (ဗမာ) ၈၇၀၀၀ မှ ၈၈၀၀၀ ကျပ်၊ ပြောင်း ( ရှမ်း) က ၉၀၀၀၀ မှ ၉၁၀၀၀ ကျပ် ၊ ပြောင်း ( CP) က ၉၀၀၀၀ မှ ၉၀၀၀၀ ကျပ်ရှိပါတယ်။

နှမ်း

နှမ်းက ယခုဇူလိုင်လဆန်းပိုင်းမှာ အရောင်းအဝယ်သွက်လာပေမယ့် စျေးအနည်းငယ်ပြန်ကျတာတွေ့ရပါတယ်။ နှမ်းနက်စမုန်နဲ့ နှမ်းဖြူဗမာက စျေးကျပြီး နှမ်းဖြူဂျပန်နဲ့ နှမ်းညိုက အရင်တစ်ပတ်ကစျေးနဲ့ငြိမ်နေပါတယ်။နှမ်းက အက်ဆစ်လွတ်ပြီးအရည်အသွေးကောင်းတဲ့နှမ်းတွေက ပိုပြီးအရောင်းအဝယ်ဖြစ်နေတာပါ။

မန္တလေး ကုန်စည်ဒိုင် ဈေးကွက်မှာ နှမ်း နက် စမုန် ၄၅ပိဿာ တစ်အိတ်ကို ၇၂၅၀၀၀ မှ ၈၁၀၀၀၀ ကျပ် ရှိပြီး အရင်အပတ်ကထက် ၂၅၀၀၀ ကျပ်အကျပြပါတယ်။ နှမ်းဖြူ(ဗမာ)က ၃၀၀၀၀၀ မှ ၃၁၀၀၀၀ ကျပ်ရှိပြီး အရင်တစ်ပတ်ကထက် ၁၀၀၀၀ မှ ၃၀၀၀၀ ကျပ်ကျပါတယ်။ နှမ်းဖြူ(ဂျပန်)က ၃၇၅၀၀၀ မှ ၃၉၀၀၀၀ ကျပ် နဲ့ နှမ်းညို က ၃၀၅၀၀၀ မှ ၃၂၀၀၀၀ ကျပ်နဲ့ငြိမ်နေပါတယ်။

စားတော်ပဲ

စားတော်ပဲကတော့ အခုတစ်ပတ်မှာ စားတော်ပဲ (ကနေဒါ) ရော စားတော်ပဲ (ကျွန်း)ပါ စျေးတက်လာပါတယ်။ စားတော်ပဲ(ကနေဒါ) နဲ့ စားတော်ပဲ (ကျွန်း ) အဝင်နည်းသလို စားတော်ပဲ (ကျွန်း) က စျေးကွက်ထဲ ဝင်ရောက်မှုနည်းပြီး လက်လီသမား အဝယ်များခြင်း၊ လုပ်ငန်းသုံးသမားအဝယ်ရှိခြင်းကြောင့် စျေးတက်လာတာဖြစ်တယ်လို့သိရပါတယ်။

မန္တလေးကုန်စည်ဒိုင်စျေးကွက်မှာ စားတော်ပဲ ကနေဒါက ၄၁၀၀၀၀ ကျပ်မှ ၄၂၀၀၀၀ ကျပ်ရှိပြီး အရင်အပတ်ကထက် ၂၀၀၀၀ မှ ၃၀၀၀၀ ကျပ်တက်လာပါတယ်။ စားတော်ပဲ (ကျွန်း) က ၅၀၀၀၀၀ ကျပ်မှ ၅၂၅၀၀၀ ကျပ်ရှိလာပြီး အရင်တပတ်ကထက် ၁၅၀၀၀ ကျပ်တက်လာပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...