သီးနှံဈေးကွက်သုံးသပ်ချက် (၉ -၁၃.၆.၂၀၂၅)

ပဲကြီး၊ ပဲတီစိမ်း၊ ပြောင်းဆံ စျေးတက်လာပြီး မတ်ပဲနဲ့ ပဲစဥ်းငုံစျေးကျပါတယ်။

ပြောင်းဆံ

ပြောင်းဆံကတော့ အခုတစ်ပတ်မှာလည်း စျေးထပ်တက်လာပါတယ်။ ပြည်ပကို ပြောင်းဆံတင်ပို့ဖို့အတွက် ပြောင်းလိုအပ်ချက်ရှိနေတဲ့အတွက် ကုန်သည်တွေက စျေးပေးပြီးဝယ်ယူနေတာကြောင့် ပြောင်း စျေးမြင့်တက်လာတာဖြစ်တယ်လို့သိရပါတယ်။

ဝယ်လိုအားများချိန်မှာ ပြည်တွင်းမှာ ပြောင်းလက်ကျန်နည်းလာတဲ့ အခြေအနေတွေကြောင့်လည်း စျေးတန်းမြင့်တက်လာတာဖြစ်တယ်လို့သိရပါတယ်။

ရန်ကုန်ဘုရင့်နောင်စျေးကွက်မှာ ပြောင်းဆံတစ်ပိဿာကို ၁၇၅၀ မှ ၁၇၇၀ ကျပ်ရှိလာပါတယ်။ မန္တလေးမှာ ပြောင်း (ဗမာ) ၈၄၀၀၀ မှ ၈၅၀၀၀ ကျပ်၊ ပြောင်း ( ရှမ်း) က ၈၆၀၀၀ မှ ၈၇၀၀၀ ကျပ် ၊ ပြောင်း ( CP) က ၈၇၅၀၀ မှ ၈၈၀၀၀ ကျပ်ရှိပါတယ်။

ပဲကြီး

ပဲကြီးက ယခုတစ်ပတ်မှာလည်း စျေးထပ်မံမြင့်တက်လာပါတယ်။ ပဲကြီးက ပြည်တွင်းစားသုံးမှုများတဲ့ ပဲတမျိုးဖြစ်တာကြောင့် ပြည်တွင်းစားသုံးမှုနဲ့ ဝယ်လိုအား၊ ပစ္စည်းလက်ကျန်အနည်း အများပေါ်လိုက်ပြီး စျေးအတက်အကျရှိတာဖြစ်တယ်လို့ သိရပါတယ်။

ရန်ကုန်ဘုရင့်နောင်စျေးကွက်မှာ ပဲကြီး (ကုန်း) တစ်ပိဿာကို ၄၀၈၅ ကျပ်မှ ၄၄၃၅ ကျပ်ရှိပြီး ပဲကြီး (ရွှေကျွန်း)တစ်ပိဿာကို ၅၁၃၀ မှ ၆၅၅၀ ကျပ် ရှိပါတယ်။

မန္တလေးစျေးကွက်မှာ ပဲကြီး (ကြီး ) က ၅၅.၂၅ ပိဿာကို ၃၂၀၀၀၀ ကျပ်မှ ၃၂၅၀၀၀ ကျပ်၊ ပဲကြီး (လတ်) ၃၀၀၀၀၀ မှ ၃၁၅၀၀၀ ကျပ်၊ပဲကြီး (သေး)က ၂၆၀၀၀၀ မှ ၂၇၀၀၀၀ ကျပ်စျေးရှိပါတယ်။ တစ်အိတ်ကို ၂၀၀၀၀ မှ ၄၅၀၀၀ ကျပ်အထိ မြင့်တက်လာတာပါ။

ပဲတီစိမ်း

ပဲတီစိမ်းက ဒီတစ်ပတ်မှာ ပဲတီစိမ်းခရမ်းရွှေဝါနဲ့ ပဲတီစိမ်း ပဲခူးရွှေဝါ၊ ဝါးခယ်မက စျေးပြန်တက်လာပြီး ပဲတီစိမ်း အညာကတော့ စျေးငြိမ်နေ ပါတယ်။ ပဲတီစိမ်းကတော့ ဆက်တိုက်တက်လာပြီး အတက်စျေးတန်းမှာပဲ စျေးကျလိုက် ပြန်တက်လိုက်နဲ့ စျေးကွက်ကစားနေတာတွေ့ရပါတယ်။

ပဲတီစိမ်းက ပြည်တွင်းမှာလက်ကျန်နည်းနေပြီး ဝယ်လိုအားကောင်းနေပါတယ်။

ရန်ကုန်ဘုရင့်နောင်ဈေးကွက်မှာ ပဲတီစိမ်းခရမ်းရွှေဝါနဲ့ ပဲတီစိမ်းနဲ့ ပဲခူးရွှေဝါက တစ်ပိဿာကို ၇၃၃၀ ကျပ်ရှိပြီး တစ်ပိဿာကို ၁၆၅ ကျပ်တက်လာပါတယ်။

ပဲတီစိမ်း ဝါးခယ်မကလည်း ၆၂၅၀ မှ ၆၂၇၀ ကျပ်ရှိပြီး တစ်ပိဿာကို ၈၅ ကျပ်တက်လာပါတယ်။ပဲတီစိမ်း အညာကတော့ အရင်တပတ်ကအတိုင်း တစ်ပိဿာကို ၆၅၀၀ မှ ၆၅၂၀ ကျပ်ရှိပါတယ်။

မတ်ပဲ

မတ်ပဲကတော့ ဒီတစ်ပတ်မှာလည်း တစ်တန်ကို ၃၀၀၀၀ လောက်ထပ်ကျလာတာတွေ့ရ ပါတယ်။ နယ်စျေးကွက်မှာလည်း မတ်ပဲ ပိဿာ ၂၀ တစ်တင်းကို ၉၄၅၀၀ ဝန်းကျင်သာရှိပြီး ၁၀၀၀ ကျပ်လောက်ထပ် ကျလာပါတယ်။

မတ်ပဲကို ပြည်ပဝယ်လိုအားနည်း တဲ့အပြင် စျေးကွက်လည်းအေးနေတာကြောင့် စျေးက အကျဘက်ရောက်နေတာဖြစ်တယ်လို့သိရပါတယ်။ အိန္ဒိယနိုင်ငံကသာ မတ်ပဲလိုအပ်ချက်များပြီး မြန်မာကနေဝယ်ယူမှုအားကောင်းမှသာ စျေးကွက်မြင့်တက်လာနိုင်တယ်လို့သိရပါတယ်။

ရန်ကုန်ဘုရင့်နောင်ဈေးကွက်မှာ တနင်္လာ ကနေ သောကြာနေ့အတွင်း မတ်ပဲ FAQ တစ်တန်ကို ၂၉၄၀၀၀၀ မှ ၂၉၈၁၀၀၀ ကျပ်အတွင်းသာစျေးတန်းရှိခဲ့ပါတယ်။

အရင်အပတ်မှာတော့ တနင်္လာကနေ သောကြာနေ့အတွင်း မတ်ပဲ FAQ တစ်တန်ကို ၉၇၅၀၀၀ မှ ၃၀၁၀၀၀၀ ကျပ်အတွင်းစျေးတန်းရှိခဲ့တာကြောင့် ခုတစ်ပတ်အတွင်းမှာ တစ်တန်ကိုမှ ၃၀၀၀၀ လောက်စျေးထပ်ကျပါတယ်။

ပဲစင်းငုံ

ပဲစင်းငုံကလည်း အခုတစ်ပတ်မှာ ထပ်ပြီး စျေးကျရိပ်ပြတာတွေ့ရပါတယ်။ တစ်တန်ကို ၆၀၀၀ ကနေ ၃၀၀၀၀ လောက်ကျလာတာ ဖြစ်ပါတယ်။ ပဲစင်းငုံ စျေးကျသလို ပြည်တွင်းစျေးကွက်မှာလည်း ပဲဝယ်လိုအားနည်းနေပါတယ်။ ပြည်ပဝယ်လက်အိန္ဒိယက ဝယ်လိုအားနည်းနေတယ်လို့သိရပါတယ်။ ဒါကြောင့် ပဲစင်းငုံစျေးကွက်ပျက်ပြီး ဆက်တိုက်ကျနေတာဖြစ်ပါတယ်။

ရန်ကုန်ဘုရင့်နောင်ကုန်စည်ဒိုင်မှာ တနင်္လာကနေ သောကြာနေ့အထိဖြစ်ပေါ်ခဲ့တဲ့စျေးကွက်မှာ ပဲစင်းငုံနီတစ်တန်ကို ကျပ် ၂၆၈၇၀၀၀ မှ ၂၇၆၀၀၀၀ ကျပ်အတွင်းသာ စျေးတန်းရှိခဲ့ပါတယ်။

အရင်အပတ်တုန်းက တနင်္လာကနေ သောကြာနေ့အထိဖြစ်ပေါ်ခဲ့တဲ့စျေးကွက်မှာတော့ ပဲစင်းငုံနီတစ်တန်ကို ၂၇၁၅၀၀၀ မှ ၂၇၆၆၀၀၀ ကျပ်အတွင်းသာ စျေးတန်းရှိခဲ့တာကြောင့် အခုတစ်ပတ်မှာ တစ်တန်ကို ၆၀၀၀ ကနေ ၂၀၀၀၀ လောက်အထိ စျေးကျပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...