မြန်မာနိုင်ငံတွင် လက်ရှိကျရောက်လျက်ရှိသော နှံကောင်အခြေအနေများ

မြန်မာနိုင်ငံတွင် လက်ရှိကျရောက်လျက်ရှိသောနှံကောင် သိပ္ပံအမည် Aularches miliaris (Linnaeus, 1758) ဟုခေါ်တွင်သော အဝါစက်ပြောက်နှံကောင် (သို့) ကော်ဖီ နှံကောင်သည် အိန္ဒိယနိုင်ငံ၊ ပါကစ္စတန်နိုင်ငံများတွင် ကျရောက်လျက်ရှိသော ကန္တာရ ကျိုင်းကောင်အမျိုးအစားမဟုတ်ပါ။ ၂၀၂၀ ပြည့်နှစ် ဇွန်လအတွင်းစစ်ကိုင်းတိုင်းဒေသကြီး၊ ဝန်းသိုမြို့နယ်၊ (သဖန်းဆိပ်ကျေးရွာ)၊ ရခိုင်ပြည်နယ်၊ သံတွဲမြို့နယ် (မော်ရုံကျေးရွာ) နှင့် ဧရာဝတီတိုင်းဒေသကြီး၊ ရေကြည်မြို့နယ် (ဝက်ရုပ်ကျေးရွာ) တို့တွင် ကျရောက်လျက် ရှိပါသည်။

လက်ရှိအခြေအနေတွင် ၂၀၂၀ ပြည့်နှစ် မေလအတွင်း သီရိလင်္ကာနိုင်ငံ၊ ဘင်္ဂလားဒေ့ရှ် နိုင်ငံများတွင်လည်း ကျရောက်လျက်ရှိပါသည်။ ပုံမုန်ရာသီဥတုအခြေအနေများတွင် တစ်ဟုန် တိုး ပွားများကျရောက်ခြင်း (Outbreak) ဖြစ်ပွားနိုင်ခြင်းမရှိသော ဖျက်ပိုးအမျိုးအစား ဖြစ်ပါ သည်။ မြန်မာနိုင်ငံတွင် (၁၉၉၄) ခုနှစ်၌ကျရောက်ခဲ့ကြောင်း တွေ့ရှိရပါသည်။

အုန်းပင်၊ ကျွန်းပင်တို့တွင် အဓိကကျရောက်လေ့ရှိသော်လည်း ရာသီဥတုပြောင်းလဲ လာပြီး အစာရေစာရှားပါးချိန်တွင် သရက်၊ ကွမ်းသီးပင်၊ ကော်ဖီ၊မာလကာ၊ စပါး၊ ပဲစဉ်းငုံ၊ ကြံ၊ ငရုတ်၊ ဂုန်လျှော်၊ ရာဘာ၊ကြက်ဆူ၊ ဒူးရင်း၊ ပြောင်း၊ ဝါ၊ ပီလောပီနံ၊ နှံစားပြောင်း၊ထန်းပင်နှင့် အခြားသီးနှံများတွင်လည်း ကျရောက်တတ်သည်။ အရွက်၊ အဖူး၊ အညွှန့်၊ အသီးများ အပင်၏ကြီးထွားသည့် အစိတ်အပိုင်းများအားလုံး စားသောက်ဖျက်ဆီးသည်။ သက်တမ်း (၁၃–၁၅) လခန့် ကြာမြင့်တတ်သည်။

လူများပြုပြင်ပြောင်းလဲထားသော နေထိုင်မှုပုံစံ(သစ်ပင်များခုတ်လှဲ၍ ၎င်းနေရာတွင် လူနေအိမ်များဆောက်လုပ်ခြင်း)၊ သစ်တောများပြုန်းတီးလာခြင်း၊ရာသီဥတုပြောင်းလဲလာ ခြင်းတို့သည် နှံကောင်များ၏နေထိုင်မှုအား ပြောင်းလဲလာစေပါသည်။ ကော်ဖီနှံကောင် အမျိုးအစားများသည် ကာလတိုအခိုက်အတန့်သာ ကျရောက်တတ်ပြီး ကျရောက်ပြီး(၁)လခန့်အကြာတွင် ပျောက်ကွယ်သွားလေ့ရှိပါသည်။သို့ဖြစ်ပါ၍ မလိုအပ်ဘဲ ပိုးသတ်ဆေး မပက်ဖျန်းသင့်ပါ။

မြန်မာနိုင်ငံတွင် လက်တစ်လော ကော်ဖီနှံကောင်ကျရောက်မှုအပေါ်တွင် ပြည်သူများ စိုးရိမ်နေကြသဖြင့်ကမ္ဘာ့နိုင်ငံအသီးသီးတွင် ကျရောက်နေမှုအခြေအနေများ၊ ယင်းဖျက်ပိုး နှိမ်နင်းနည်းများနှင့် စောင့်ကြည့်ရမည့် အချက်များအား သိရှိနိုင်ရန်နှင့် ကျရောက်လာသည့် ဖျက်ပိုးအမျိုးအစားများအလိုက် သက်ဆိုင်ရာစိုက်ပျိုးရေးဦးစီးဌာနများသို့ အသိပေးကြရန်တိုက်တွန်းနှိုးဆော်အပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်