ဒီဇယ်အင်ဂျင်ဘယ်လိုအလုပ်လုပ်လဲ..?

ဒီဇယ် အင်ဂျင်လည်ပတ်ရာတွင် ကွန်ပရပ်ရှင်း (လေဖိအားသိပ်သည်းမှု) နှင့် နော်ဇယ်မှ ဒီဇယ်အမှုန်ပန်းထွက်မှုပေါ် အဓိကမူတည်သည်။

ဒီဇယ်အင်ဂျင် နှင့် ဓာတ်ဆီအင်ဂျင်အလုပ်လုပ်ပုံ မတူညီပေ။ ဓာတ်ဆီအင်ဂျင်တွင် စလင်ဒါအတွင်း ဓာတ်ဆီငွေ့နှင့်ရောနေသော ကွန်ပရပ်ရှင်းဖြစ်နေသည့် လေထုကို မီးလောင်စေရန် စပခ်ပလပ်မှ မီးပွှားထုတ်ပေးခြင်းဖြင့် လောင်ကျွမ်းပေါက်ကွဲပြီး ပါဝါကို ဖြစ်ပေါ်စေသည်။ ဒီဇယ်အင်ဂျင်တွင် ပလပ်မပါရှိပဲ ပူပြီးသိပ်သည်းနေသော လေထုကို ဒီဇယ်အမှုန်အမွှားဖြန်းလိုက်ခြင်းဖြင့် မီးလောင်ကျွမ်းမှု ဖြစ်ပေါ်စေကာ ပါဝါကို ရရှိစေခြင်းဖြစ်ပါသည်။

ထို့ကြောင့် နော်ဇယ်ခေါင်းကောင်းဖို့ နှင့် အမှုန်ပန်းထုတ်နိုင်ရန် ဖိအားတွန်းပေးသည့် ပန့် ၊ ပလန်ချာ ကောင်းစွာ အလုပ်လုပ်နေဖို့လိုအပ်ပါသည်။ ဒီဇယ် အရည်အသွေးကောင်းမွန်ဖို့လည်း အရေးကြီးသည်။

ဒီဇယ်အမှုန်ပန်းထုတ်ပေးနိုင်သော်လည်း ကွန်ပရပ်ရှင်း မကောင်းပါက မီးလောင်ကျွမ်းမှု အားနည်းစေသည်။ ထို့သို့သော အခြေအနေတွင် အိပ်ဇောမှ မီးခိုးမည်းများ ထွက်လာသည်။ ၎င်းမှာ ကွန်ပရပ်ရှင်း မကောင်းသောကြောင့် ဒီဇယ်များ အကုန်မီးလောင်ပေါက်ကွဲခြင်းမရှိသည့်အတွက်ဖြစ်သည်။ ဝိုင်းဆီးများ မကောင်းပါကလည်း စလင်ဒါထဲတွင် ချောဆီအင်ဂျင်ဝိုင်များ ကျန်နေနိုင်သဖြင့် မီးခိုးထွက်ခြင်းလည်း ဖြစ်တက်သည်။ ထိုအခါ ပါဝါ အပြည့်အဝမရသဖြင့် စွမ်းအားကျဆင်းသည်။

ကွန်ပရပ်ရှင်းကောင်းရန် ဘားတွေကောင်းဖို့လိုသည်။ ဖွင့်သည့်အချိန်တွင် လုံးဝပွင့်နေရပြီး ပိတ်ရမည့်အချိန်တွင် လုံးဝ ပိတ်နေရမည်ဖြစ်သည်။

ဖိုးစတုပ်အင်ဂျင်တွင်အလုပ်လုပ်ရာတွင် …

၁) suction stroke - စက်ရှင်းစတုပ် အချိန်တွင် အင်းလက်ဘားပွင့်နေရမည် ။ ၎င်းအချိန်တွင် ပစ်စတင်သည် စလင်ဒါထိပ်ပိုင်းမှ အောက်ခြေထိကျသွားခြင်းဖြင့် ပွင့်နေသာအပေါက်မှ လေကိုစုပ်ဆွဲယူသွားမည်။

၂) compression stroke - ကွန်ပရက်ရှင်းစတုပ်တွင် ဘားအားလုံးပိတ်နေမည်။ ထိုအချိန်တွင် ပင်စတင်သည် အောက်ခြေမှ အပေါ်သို့တက်လာပြီး စုပ်ယူထားသော လေများကို သိပ်သည်းကျစ်လစ်အောင် ပြုလုပ်ပေးသည်။ ထို့ကြောင့် ဘားများ ဟာမနေဖို့ အရေးကြီးပါသည်။

၃) power stroke - ပါဝါစတုပ် တွင် သိပ်သည်းပြီးပူနွေးနေသောလေများကို နော်ဇယ်မှ ဒီဇယ်ဖြန်းပက်လိုက်ခြင်းဖြင့် ပေါက်ကွဲမှုဖြစ်ပေါ်စေပြီး ပါဝါကို ရရှိသည် ။ထိုအချိန်တွင်လည်း ဘားအားလုံးပိတ်နေမည်။

၄) exhaust stroke - အိပ်ဇောစတုပ်တွင် ပေါက်ကွဲမှုကြောင့် ပစ်စတင်သည် အောက်ဘက်သို့ ရောက်သွားပြီး ထွက်လာသည့် လောင်ကျွမ်းပြီးလေ (မီးခိုး) များကို စွန့်ထုတ်နိုင်ရန် အပေါ်သို့ တဖန်ပြန်တက်လာသည် ။ ထိုအချိန်တွင် အိပ်ဇောဘားပွင့်နေရမည် ။

ဘားများပွင့်ဖို့ ပိတ်ဖို့အတွက် တိုင်ပင်မှန်အောင် ပြုလုပ်ပေးရမည်။ ဘားတွေလုံရန်အတွက် ဘားကရိုင်းခြင်း ၊ လိုအပ်ပါက အသစ်လဲခြင်းလုပ်ရမည်။

၎င်းအပြင် ကွန်ပရပ်ရှင်းကောင်းရန် စလင်ဒါမျက်နှာပြင်များ ချောမွှေ့နေရမည်။ အစင်းရာ ၊ အပိန့် များ မရှိစေရပါ။ ပစ်စတင်နှင့် အံဝင်ခွင်ကျဖြစ်စေပြီး ပစ်စတင်တွင်ပါရှိသော ဝိုင်းဆီးများကောင်းရန်လိုအပ်ပါသည်။ သို့မှသာ ကွန်းပရပ်ရှင်းကောင်းပြီး အင်ဂျင်ဝိုင်များကိုလည်း အကုန်အစင်သပ်ချနိုင်သဖြင့် အင်္ဂျင်ဝိုင်ကြောင့် မီးခိုးထွက်မှုမဖြစ်စေတော့ပေ။

ထပ်မံသတိပြုရန်မှာ အင်ဂျင်အစိတ်အပိုင်းများကို တွဲဆက်သည့်နေရာတိုင်းတွင် ဂစ်စကတ်များ ထည့်ခံလေ့ရှိပြီး ၎င်းဂစ်စကတ်များ ပေါက်ပြဲမှု ၊ ပြတ်တောက်မှုမရှိဘဲ ကောင်းမွန်နေရန် အရေးကြီးပါသည်။ အင်ဂျင် အစိတ်အပိုင်းများကို သတ္ထုစပ်များဖြင့် ပြုလုပ်သည့်အတွက် ၎င်းအစိတ်အပိုင်းများကို တွဲစပ်သည့်အခါ တသားတည်း ပူးကပ်ရန် မည်သို့မှ မဖြစ်နိုင်ပေ။ ထို့ကြောင့် ဂစ်စကတ်များကို မဖြစ်မနေထည့်ခံရခြင်းဖြစ်သည်။ ၎င်းတို့မလုံသည့်အခါ အင်ဂျင်ဝိုင်များ ယိုစီးမှုဖြစ်ပြီး အင်ဂျင်ပျက်စီးမှု နှင့် ပါဝါလျော့နည်းမှုကို ဖြစ်စေသည်။

အချုပ်အားဖြင့် ဒီဇယ်အင်ဂျင်များသည် ပျက်စီးမှုနည်းပြီး ၊ ပြုပြင်ရမှုလွယ်သည်။ အဓိက အချက်နှစ်ခုဖြစ်သည့် ကွန်ပရပ်ရှင်းကောင်းရန် နှင့် နော်ဇယ်ကောင်းစွာအလုပ်လုပ်ရန်သာ ဂရုစိုက်ရမည်ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...