လူတိုင်းအတွက် ဒစ်ဂျစ်တယ်ငွေကြေးအသိပညာ [အပိုင်း -၄]

ဒစ်ဂျစ်တယ်မိတ်ဆွေတို့ရေ အရှေ့က အပိုင်း [၁], အပိုင်း [၂] နဲ့ အပိုင်း [၃] တို့ကို ဖတ်ပြီးကြပါပြီလား။

ဒီအကြောင်းအရာတွေကို မဖတ်လိုက်ရသေးဘူး ဒါမှမဟုတ် မေ့သွားခဲ့တယ်ဆိုရင်လည်း ပေးထားတဲ့ လင့်ခ်တွေကတစ်ဆင့် လေ့လာလို့ရတယ်နော်။

ဒီတစ်ခေါက်တော့ ကိုယ့်ရဲ့ ငွေကြေးပိုင်ဆိုင်မှုဖြစ်တဲ့ မိုဘိုင်းလ်ဝေါလက်ကို လုံခြုံအောင် ဘယ်လိုအချက်အလက်တွေကို သိထားသင့်တယ်၊ ဆောင်ရွက်သင့်တယ်ဆိုတာတွေ ပြောပြမယ်နော်။ ကဲ . . . လေ့လာလိုက်ကြရအောင်။

မိုဘိုင်းလ်ဝေါလက်လုံခြုံရေး

ကိုယ့်ရဲ့ ခြံဝင်းလေးကို လုံခြုံအောင် သော့ခတ်ရသလို မိုဘိုင်းလ်ဝေါလက်သုံးတဲ့အခါလည်း ကိုယ့်အကောင့်ထဲက ဒစ်ဂျစ်တယ်ပိုက်ဆံတွေကို စကားဝှက်တွေနဲ့ လုံခြုံအောင် ထားထားရပါတယ်။ မိုဘိုင်းလ်ဝေါလက်လုံခြုံရေးအတွက် မဖြစ်မနေသိထားသင့်တဲ့ အခြေခံအကြောင်းအရာနှစ်ခုကတော့ အိုတီပီ (OTP) နဲ့ ပန်န် (PIN) တို့ပဲ ဖြစ်ပါတယ်။

ကိုယ့်ရဲ့ မိုဘိုင်းလ်ဝေါလက်အကောင့်ကို အိုတီပီနဲ့ ပန်န်ဆိုတဲ့ ဒစ်ဂျစ်တယ်သော့နှစ်ချောင်းနဲ့ ခတ်ထားတယ်လို့ပြောနိုင်ပါတယ်။ ပန်န်ကတော့ ကိုယ်တစ်ဦးတည်းနဲ့ သက်ဆိုင်တာဖြစ်ပြီး အိုတီပီကတော့ မိုဘိုင်းလ်ဝေါလက်ဝန်ဆောင်မှု ကုမ္ပဏီနဲ့ ဖက်စပ်ပိုင်ဆိုင်တဲ့သဘောပါပဲ။

အိုတီပီ (OTP) ဆိုတာဘာလဲ

“အိုတီပီ (OTP - One time password)” ဆိုတာ တစ်ခါသုံး စကားဝှက်ပဲ ဖြစ်ပါတယ်။ မိုဘိုင်းလ်ဝေါလက်အကောင့်ထဲ စတင် ဝင်ရောက်ချိန်၊ ငွေကြေးကိစ္စတွေဆောင်ရွက်ချိန်တို့မှာ သက်ဆိုင်ရာ မိုဘိုင်းလ်ဝေါလက်ကုမ္ပဏီက ကိုယ့်ဖုန်းထဲကို ပေးပို့တဲ့ အတည်ပြုကုဒ်ဖြစ်ပြီး သတ်မှတ်ထားတဲ့ အချိန်တိုအတွင်းမှာသာ သုံးလို့ရပါတယ်။ သတ်မှတ်ချိန်ကုန်ရင်တော့ “အိုတီပီ (OTP)” အသစ်ကိုထပ်တောင်းဖို့လိုပါတယ်။ ကိုယ့်ရဲ့ “အိုတီပီ (OTP)” ကို မသမာသူတွေ သိသွားရင် ကိုယ့်ရဲ့ မိုဘိုင်းလ်ဝေါလက်ထဲက ငွေတွေကို လိမ်လည်ထုတ်ယူသွားတာမျိုး ဖြစ်နိုင်တဲ့အတွက် ဘယ်သူ့ကိုမှ ပြောမပြသင့်ပါဘူး။

အိုတီပီ (OTP) မ‌ရောက်ရင်ဘယ်လိုလုပ်ရမလဲ။

????

ဒီမေးခွန်းရဲ့ အဖြေကို သိချင်တယ်ဆိုရင်တော့ ဒီလင့်ခ်ကနေတစ်ဆင့် https://onelink.to/d62vxy အာရ်အီးတွမ်တီဝမ်း (Re21) အပလီကေးရှင်းကို‌ ဒေါင်းလုတ်လုပ်ပြီး “လေ့လာ” ဆိုတဲ့ ခလုတ်လေးကို နှိပ်ပြီး ခုပဲ ဆက်လက်လေ့လာလိုက်ပါ။

ပန်န် (PIN) ဆိုတာဘာလဲ

“ပန်န် (PIN - Personal Identification Number)” ဆိုတာ ဂဏန်းလေးလုံးမှ ခြောက်လုံးအထိရှိတဲ့ စကားဝှက် ဖြစ်ပါတယ်။ “ပန်န် (PIN)” ကိုရွေးတဲ့အခါ ကိုယ့်အတွက် မှတ်ရလွယ်ပြီးတော့ တခြားလူတွေခန့်မှန်းလို့ မရနိုင်လောက်တဲ့ နံပါတ်ကိုရွေးချယ်သင့်ပါတယ်။ “ပန်န် (PIN)” နံပါတ်ဟာလည်း အရေးကြီးတဲ့ စကားဝှက်ဖြစ်တဲ့အတွက် တခြားသူတွေကို ပြောမပြသင့်ဘူးနော်။

အခုဆိုရင် မိုဘိုင်းလ်ဝေါလက် လုံခြုံရေးနဲ့ပတ်သက်တဲ့ အခြေခံအကြောင်းအရာတွေ လေ့လာပြီးသွားပါပြီ။ ကိုယ့်အကောင့်လေး လုံခြုံနေစေဖို့ “အိုတီပီ (OTP)” နဲ့ “ပန်န် (PIN)” ကို လုံခြုံစွာ ထိန်းသိမ်းဖို့ ထပ်ဆောင်းအသိပေးလိုက်ပါရစေ။

ကျူအာကုတ် (QR Code) ဆိုတာဘာလဲ

တချို့စျေးဆိုင်တွေနဲ့ စားသောက်ဆိုင်တွေမှာ အဖြူနဲ့ အမည်းရောထားတဲ့ လေးထောင့်အကွက်လေး ကပ်ထားတာတွေ့ဖူးကြလား ဒစ်ဂျစ်တယ်မိတ်ဆွေတို့ရေ . . .

အဲ့ဒီအကွက်လေးကို “ကျူအာကုတ်(QR Code)” လို့ခေါ်ပါတယ်။ ကျူအာကုတ် အမှတ်အသား ပြထားတဲ့ ဆိုင်တွေမှာ ငွေသားကိုင်စရာမလိုဘဲ ကိုယ့်ရဲ့ မိုဘိုင်းလ်ဝေါလက်ကနေ “စကန်န်” ဆိုတဲ့ ခလုတ်လေးကို နှိပ်၊ ဆိုင်က ကျူအာကုတ်ကို “စကင်(န်) (Scan)” လုပ်လိုက်ပြီး ငွေရှင်းလို့ရနိုင်ပါတယ်။

ကိုယ် ငွေလွှဲချင်တဲ့၊ ငွေပေးချင်တဲ့ မိုဘိုင်းလ်ဝေါလက် အကောင့်ရဲ့ အချက်အလက်တွေကို ရိုက်ထည့်နေစရာမလိုတော့ လွယ်ကူ မြန်ဆန်သလို အမှားအယွင်းနည်းနိုင်ပါတယ်။ ဒါ . . . ဒစ်ဂျစ်တယ်ငွေကြေးဝန်ဆောင်မှုရဲ့ အားသာချက်တစ်ခုပဲပေါ့။

ဒီလို ဒစ်ဂျစ်တယ်ငွေကြေးအသိပညာတွေကို စဥ်ဆက်မပြတ်လေ့လာချင်တယ်ဆိုရင်တော့ bit.ly/3KWHsx4 အာရ်အီးတွမ်တီဝမ်း (Re21) ဖေ့စ်ဘုတ်ပေ့ချ်ကို လိုက်ခ် (Like) နဲ့ ဖောလိုး (Follow)လုပ်ထားပြီး လေ့လာလို့နိုင်ပါတယ်။

#DFL #MobileWallet #မိုဘိုင်းလ်ဝေါလက် #KBZPay #WavePay #ဒစ်ဂျစ်တယ်ငွေကြေးအသိပညာ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...