ဆန်စပါးဈေးနှုန်းတည်ငြိမ်ရေးအတွက် အစိုးရနှင့် ပုဂ္ဂလိကဆွေးနွေး

စပါးဈေးနှုန်းကျဆင်းခြင်းနဲ့ တောင်သူလယ်သမားများ အခက်အခဲဖြစ်နေခြင်းအပေါ် အစိုးရနှင့်ပုဂ္ဂလိကပူးပေါင်းကာ တိုးမြှင့်ဆောင်ရွက်နိုင်ရေး ဆွေးနွေးနေကြောင်း စိုက်ပျိုးရေး၊ မွေးမြူရေး နှင့်ဆည် မြောင်းဝန်ကြီးဌာနမှသိရပါတယ်။

ဆန်စပါးဈေးနှုန်း သတ်မှတ်ရေးကိစ္စနဲ့ သက်ဆိုင်ရာ ပုဂ္ဂလိကဘက်များကနေ အခုလက်ရှိ လုပ်ဆောင်နေမှုများကို ဆွေးနွေးခဲ့တာဖြစ်တယ်လို့ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနမှ လက်ထောက်အတွင်းဝန် ဦးမျိုးတင့်ထွန်း ကပြောပါတယ်။

“ဈေးနှုန်းသတ်မှတ်ရေးကိစ္စပါတယ်။ ဆန်စပါးအသင်းချုပ်တို့ ကုန်သည်တို့ စက်ပိုင်တို့က အခက်အခဲလေးတွေ တင်ပြတာတွေရှိတယ်။ အတိအကျဆုံးဖြတ်ချက်တော့ မရသေးပါဘူး။ ပုဂ္ဂလိကကဏ္ဍဘက်ကလည်း သူတို့လုပ်နေတာလေးတွေ ဆွေးနွေးတင်ပြတာတွေရှိတော့ သက်ဆိုင်ရာဝန်ကြီးဌာနတွေနဲ့ ပါဝင်ပူးပေါင်း လုပ်ဆောင်သွားမှာပါ”

စပါးဈေးနှုန်း မတည်မငြိမ်ဖြစ်နေတဲ့အပေါ် တောင်သူများထံမှ စပါးများ ဝယ်ယူနိုင်ရန်အတွက် ဆွေးနွေးခဲ့တယ်လို့ မြန်မာနိုင်ငံ ဆန်စပါးကုန်သည်များအသင်းမှ အတွင်းရေးမှူး ဦးအောင်မြင့် ကပြောပါတယ်။

“အခုလက်ရှိကတော့ ဒေသကထွက်တဲ့ စပါးပေါက်ဈေးနဲ့ညှိနှိုင်းပြီး တောင်သူတွေကို ဝယ်ပေးတယ်။ စပါးဝယ်ဖို့အတွက်လည်း ချေးငွေကိစ္စ ဆွေးနွေးခဲ့ပါတယ်။ စပါးအရည်အသွေး ပြည့်မှီအောင်လို့လည်း အခြောက်ခံစက်နဲ့ပတ်သက်တဲ့ အခက်အခဲတွေကိုလည်း ဆွေးနွေးခဲ့ပါတယ်”

ဆန်စပါးအခြေခံဈေးနှုန်း သတ်မှတ်ချက်အရ အကောင်အထည်ဖော်ဆောင်ရွက်နေမှုမျာ ၊ ကွင်းဆင်းဝယ်ယူမှုမျာ ၊ အခြောက်ခံစက် အခက်အခဲဖြစ်ပေါ်နေမှုများနဲ့ ရက်တိုချေးငွေ ရရှိရေးကိစ္စများကို ဆွေးနွေးခဲ့ကြောင်း သိရပါတယ်။

တိုးတိုးခိုင်(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်