ငုံးများတွင်ဖြစ်ပွားတတ်သော ရောဂါများ

ငုံးမွေးမြူရေးအကြောင်းကို တင်ပြထားပြီးဖြစ်၍ ငုံးမွေးမြူသူများအနေဖြင့် ငုံးများတွင် ဖြစ်ပွားတတ်သော ရောဂါများအကြောင်းကို သိရှိထားရန်လည်း လိုအပ်လှပေသည်။

၁။ ဝမ်းရောဂါ

ငုံးများ အပြင်းဖျားပြီး မှိုင်ကုပ်၍ အစာမစားခြင်း၊ အသက်ရှူခက်ခဲခြင်း၊ မျက်နှာရောင်ရမ်းခြင်း၊ အစိမ်းရောင်ဝမ်းသွားခြင်းများဖြစ်ပေါ်သည့် လက္ခဏာများတွေ့ရသည်။ ရုတ်တရက် သေဆုံးခြင်းများ ဖြစ်နိုင်သည်။ အစာနှင့် ရေတွင် တက်ထွာဆိုက်ကလင်းဆေးထည့်သွင်းကျွေး၍ ကာကွယ်နိုင်သည်။

၂။ ချေးဖြူရောဂါ

ငုံးများ အသက်ရှူကျပ်ခြင်း၊ မှိုင်ကုပ်ခြင်း၊ ဥနှုန်းကျဆင်းခြင်း၊ အဖြူရောင်ဝမ်းသွားခြင်း စသည့်လက္ခဏာများ တွေ့ရသည်။ ငုံးအသက်အရွယ်မရွေး ရောဂါဖြစ်နိုင်သည်။ ဤသို့ဖြစ်ပွားပါက ဆာလ်ဖာမီရာရင်း ၀.၅%(သို့) ဖျူရာဇိုလီဒုန်း ၀.၀၄% (သို့) ကလိုတက်ရာဆိုက်ကလင်း ၁၀၀ မီလီဂရမ်/ ကီလိုနှုန်း ထည့်ကျွေးပါ။

၃။ လည်လိမ်ရောဂါ

ငုံးအရွယ်မရွေးဖြစ်တတ်ပြီး ကူးဆက်မြန်သည်။ ရောဂါပြင်းထန်ပါက လက္ခဏာများမပြဘဲ ရုတ်တရက်သေဆုံးနိုင်သည်။ ရောဂါဖြစ်ပွားပါက အသက်ရှူရာတွင် ချွဲသံကြားရခြင်း၊ မျက်နှာမှာမူ ရောင်၍ မျက်ရည်များကျခြင်း၊ ဥ ဥနှုန်းရုတ်တရက်ကျဆင်းခြင်း၊ ဥခွံများပျော့ခြင်း စသည့်လက္ခဏာများ တွေ့ရသည်။ ရောဂါအပျော့စားဖြစ်ပါက အသက်ရှူခက်ခဲခြင်း၊ မျက်ရည်၊ နှာရည်များကျခြင်း၊ မျက်စိနာခြင်း၊ အစိမ်းရောင်ဝမ်းသွားခြင်းများ တွေ့ရသည်။ လည်လိမ်ရောဂါ ကာကွယ်ဆေးတိုက်ကျွေးရမည်။

၄။ အူရောင်ရောဂါ

ဇီဝလုံခြုံရေးညံ့ခြင်း၊ သန့်ရှင်းမှုမရှိခြင်းတို့ကြောင့် အရွယ်မရွေးဖြစ်နိုင်သည်။ ရောဂါဖြစ်ပါက မှိုင်ကုပ်နေခြင်း၊ အမွှေးအတောင်များကျခြင်း၊ အစားပျက်၍ ဝမ်းသွားခြင်း၊ ဝမ်းသွားရာတွင် အညိုရောင်နှင့် အဖြူရောင်များသွားခြင်းတို့ကို တွေ့ရမည်။ ရောဂါဖြစ်ပါက အမောက်စလင်(နီရိုမိုင်စင်၊ အင်နိုဖလိုဆာစင်၊ စီပရိုစင်) ဆေးများကို ဆေးညွှန်းအတိုင်း တိုက်ကျွေးရမည်။

၅။ သွေးဝမ်းကျရောဂါ

ငုံးများ အစာစားပြတ်ပြီး ကြီးထွားနှုန်းနှေးသည်။ ငုံးများငြိမ်၍ ကုပ်နေသည်။ ဥ နှုန်းကျဆင်းမည်။ ဝမ်းသွားရာတွင် သွေးများပါမည်။ ပိန်ချုံး၍သေဆုံးနိုင်သည်။ အသက်အရွယ်မရွေး သွေးဝမ်းရောဂါကာကွယ်ဆေး တိုက်ကျွေးထားသင့်သည်။ ရောဂါဖြစ်ပွားပါက သွေးဝမ်းကာကွယ်ဆေးအား သောက်ရေတွင်ထည့်၍ တိုက်ကျွေးနိုင်သည်။

၆။ မားရက်ရောဂါ

ငုံးလတ်အရွယ်တွင် စတင်ဖြစ်ပွားပြီး ငုံးများကုပ်နေခြင်း၊ အစာစားနည်းသွားခြင်း၊ အသက်ရှူမြန်ခြင်း၊ ဘေးတစ်ဖက်သို့စောင်း၍ လဲခြင်း၊ လည်ပင်းလိမ်ခြင်း၊ ဝမ်းသွားခြင်းများဖြစ်ပေါ်မည်။ သေဆုံးမှုအနည်းအများရှိမည်။ မားရက်ကာကွယ်ဆေးထိုးခြင်းဖြင့် ကြိုတင်ကာကွယ်နိုင်သည်။

ဦးဇော် (dof)

ကိုးကား- တိရစ္ဆာန်ရိုးရာကုထုံးစာအုပ်မှကောက်နှုတ်ချက်များ။

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...