ရောစပ်မဖျန်းသင့်သော ဓာတုပိုးသတ်ဆေးများ

16/11/2022 13:29 PM တွင် ဒို့ဦး​လေး ဒို့ဦး​လေး မှ ရေးသား

စိုက်ပျိုးရေးလုပ်ငန်း နယ်ပယ်အသီးသီးတွင် သီးနှံအထွက်နှုန်း ကောင်းမွန်ရေး၊ ပိုးမွှားရောဂါ ကာကွယ်ရေးအတွက် ပိုးသတ်ဆေး၊ ပေါင်းသတ်ဆေး၊ မှိုသတ်ဆေး၊ အားဆေးများကို မဖြစ်မနေ အသုံးပြုနေရပါသည်။

ထိုသို့အသုံးပြုရာတွင်..

- လုပ်သားစရိတ် သက်သာရန်

- အချိန်ကုန်သက်သာရန်

- ဖျက်ပိုးများကို တစ်ပြိုင်နက်တည်း ထိန်းချုပ်ရန်

- လုပ်ငန်းဆောင်ရွက်မှု မြန်ဆန်စေရန် ရည်ရွယ်၍..

ဓာတုဆေးများကို တချိန်တည်း ၃/၄မျိုး ရောစပ်အသုံးပြုနေကြသည်ကို တွေ့ရပါသည်။

အချို့သော ဓာတုပစ္စည်းများမှာ ၂ မျိုး ရောစပ်အသုံးပြုနိုင်သော်လည်း အချို့သော ဓာတုဆေးများမှာ ရောစပ်အသုံးပြုလျှင် အချင်းချင်းဓာတ်မတည့်ခြင်း၊ သီးနှံပင် ထိခိုက်ပျက်စီးနိုင်ခြင်း၊ အာနိသင် ပျက်ပြယ်နိုင်ခြင်းများ ဖြစ်နိုင်ပါသည်။

စိုက်ပျိုးရေးလုပ်ငန်းသုံး ဆေးများမှာ ဓာတုဖွဲ့စည်းပုံအရ ထုတ်လုပ်ထားသည့်အားလျော်စွာ အချို့သည် အက်ဆစ်ပုံစံ(pH 6.0အောက်)ရှိပြီး အချို့သည် အယ်လ်ကာလီပုံစံ(pH 8.0 အထက်) ရှိကြပါသည်။

များသောအားဖြင့် အက်ဆစ်နှင့် အယ်လ်ကာလီပစ္စည်းများ ရောနှောအသုံးပြုခြင်း မပြုရပါ။

ပိုးသတ်ဆေး၊ ပေါင်းသတ်ဆေး၊ မှိုသတ်ဆေးများသည် အက်ဆစ်ပုံစံဖြင့်တည်ရှိသည် ဆိုသော်ငြားလည်း အယ်လ်ကာလီပုံစံလည်းရှိနိုင်သည်ကို သတိချပ်သင့်ပါသည်။

အချို့ပေါင်းသတ်ဆေး၊ ပိုးသတ်ဆေးများသည် ရေငန်ဖြင့် ဖျော်စပ်ပါက ဆေးအာနိသင် လျော့နည်းသွားသည်ကို ကြုံဖူးကြပါလိမ့်မည်။

ဥပမာ - ဒေါင်းမြီးမြက်သတ်ဆေး(Fenoxaprop.p.butyle)

အကြမ်းဖျင်းအားဖြင့်..

- မှိုသတ်ဆေးများကို ရွက်ဖျန်းအားဆေးများနှင့် ရောစပ်အသုံးမပြုသင့်ပါ။

- ပေါင်းသတ်ဆေးကို အခြားပိုးဆေး၊ အားဆေးများနှင့် ရောစပ်မဖျန်းသင့်ပါ။

- ပိုးသတ်ဆေးနှင့် ရွက်ဖျန်းအားဆေးကို ရောစပ်အသုံးပြုနိုင်ပါသည်။

(ဖျက်ပိုး ဆိုးရွားချိန်တွင် ပိုးသတ်ဆေးကို ရွက်ဖျန်းအားဆေး/ဟိုမုန်းအားဆေးများနှင့် တွဲဖက်မဖျန်းသင့်ပါ)

အကယ်၍ Ai(Active ingredient )ဆေးအစစ်ပါဝင်မှု ပစ္စည်း ၂ မျိုးအထက် ရောစပ်အသုံးပြု လိုပါက...

အစမ်းကြိုတင် ရောစပ်ပြီးမှ အသုံးပြုသင့်ပါသည်။

ကြိုတင်ရောစပ်ခြင်း(Pre mix)

"""""""""""""""""""""""""""""""

  1. သီးခြား ဖန်ခွက်အလွတ်တခုကို၊ ရေတဝက်ခန့်ထည့်ပါ။
  2. ရောစပ်လိုသည့် ဆေး ၂ မျိုး သို့မဟုတ် ၃ မျိုးကို ၅ စီစီခန့် ထည့်ပါ။
  3. တုတ်တချောင်းဖြင့်မွှေပြီး နာရီဝက် စောင့်ကြည့်ပါ။

ရုပ်ပိုင်းဆိုင်ရာပြောင်းလဲမှုအရ...

-  အရောင်ပြောင်းလာခြင်း(ရေကဲ့သို့..)

- အလွှာကွဲလာခြင်း

- အနည်ထိုင်လာခြင်း

- အခဲ/အနှစ် ဖြစ်လာခြင်း

- အမြှုပ်များထွက်လာခြင်း စသည့်လက္ခဏာများတွေ့ရပါက ရောစပ်အသုံးမပြုရပါ။

သို့တည်းမဟုတ်ဘဲ ပုံမှန်အခြေအနေအတိုင်းဆိုပါက အသုံးပြုနိုင်ပါသည်။

(ဓာတ်ပြောင်းလဲမှု သဘောအရကိုတော့ သိရှိဖို့ ခက်ခဲနိုင်ပါသည်)

ရောစပ်အသုံးမပြုသင့်သည့် ဓာတုဆေးအုပ်စုများ

"ပိုးသတ်ဆေး၊ မှိုသတ်ဆေး၊ အားဆေးတွေကို တခါတည်း ရောဖျန်းလို့ ရပါသလား..ခင်ဗျာ" လို့မေးနေကြသောအစိမ်းရောင်လမ်း ပရိသတ်များအတွက် ဖြေကြားပေးရင်း စာဖတ်သူစိုက်ပျိုးရေးသမားများဗဟုသုတအလို့ငှာ ရေးသားတင်ပြလိုက်ခြင်း ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

 


Natural Cure Co.,Ltd ကြော်ငြာ
"ရာသီဥတုဒဏ်၊ ပိုးမွှားက ဖျက်တဲ့ဒဏ်ကိုခံနေရတဲ့ စိုက်ခင်းထဲကသီးနှံများ” တောင်သူဦးကြီးများရဲ့ စိုက်ခင်းထဲက ရတနာလေးလိုတန်ဖိုးထားအဖိုးတန်သော သီးနှံတွေဟာ ရာသီဥတုဒဏ်၊ ပိုးမွှားများဒဏ်ခံနေရပြီဆိုပါက NPK ကိုအချိုးကျကျပေါင်းစပ်ထားသော NC ကွန်ပေါင်းဓာတ်မြေသြဇာ 15:15:15 က တောင်သူကြီးတို့ရဲ့ သီးနှံများကိုရောဂါကင်းပြီး ရွှေလိုဝင်းစေမှာပါ အပင်တွေကြီးထွားဖို့အတွက် လိုအပ်တဲ့ ပရိုတင်း နှင့် အင်(မ်)ဇိုင်းဓာတ်တွေကို အပြည့်အဝ အထောက်အကူပြုပေးတဲ့ နိုက်ထရိုဂျင် ( N ) အသီးအပင်တွေကို အာဟာရကြွယ်ဝစေပြီး၊ မြေဆီလွှာဆဲလ်တွေ ပျက်စီး မှုကို ထိန်းသိမ်းပေးတဲ့ ဖော့စ်ဖရပ် (P2 O5) အရည်ဓာတ်ကို ပြည့်ဝစေပြီး အသီးအပင်တွေကို သန်မာလာစေတဲ့ ပိုတက်ဆီယမ် ( K2 O ) အပင်တွေကို ကြီးထွားဖို့ရန်အတွက် လိုအပ်တဲ့ ပရိုတင်း ၊ အင်(မ်)ဇိုင်း ၊ ဗီတာမင် နဲ့ အစိမ်းရောင် အပင်တွေအတွက် များစွာအကျိုးပြုတဲ့ ဓာတ်တွေများစွာပါဝင်သော ဆာလဖာ ( S ) တို့ကို အချိုးကျကျပေါင်းစပ်ထားလို့ တောင်သူဦးကြီးတို့ရဲ့ ပြဿနာများကို ဖြေရှင်းပေးဖို့ NC(အန်စီ) ကွန်ပေါင်း ဓာတ်မြေသြဇာ 15:15:15 ‌ရောက်ရှိလို့ လာပါပြီ ကျွန်တော်တို့ရဲ့ ကုန်ပစ္စည်းများကို အမြို့မြို့အနယ်နယ်ရှိ သက်ဆိုင်ရာ ကိုယ်စားလှယ်ကြီးများထံတွင်လည်း ဝယ်ယူရရှိနိုင်ပါသည်။ ထုတ်ကုန်များအကြောင်းအသေးစိတ်သိရှိလိုပါက 09 255 361 088 သို့ ဆက်သွယ်စုံစမ်းမေးမြန်းနိုင်ပါတယ်ခင်ဗျာ။
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်