အကျိုးပြုသက်ရှိများ

လောကကြီးက မကောင်းလိုက်တာ။ မစိုက်တဲ့ အပင်တွေကျ ကောင်းလိုက်တာ ရှင်းမနိုင်ဘူး။ စိုက်တဲ့ အပင်ကျတော့ ပိုးကဖျက် ရောဂါတွေကျနေတာ ကူရာကယ်ရာမဲ့ပါလားလို့ တွေးမိသလား။

တကယ်တော့ လောကကြီးက တရားမျှတပါတယ်။ အကျိုးပြုတဲ့အကောင်လေးတွေလည်း ရှိပါတယ်။ ပျားကောင်လေးတွေဆို ကိုယ့်သီးနှံတွေကို အသီးတွေ အများကြီးတင်အောင်လို့ ဝတ်မှုန်တွေ ကူးပေးတယ်လေ။ အဲ့လိုအကျိုးပြုတဲ့ အကောင်လေးတွေလည်း အများကြီးတော့ရှိပါတယ်။ အဲ့တော့ ဆက်ပြီးတော့ လေ့လာကြည့်မယ်နော်။

အကျိုးပြုတဲ့အကောင်လား ဖျက်ပိုးလား

စိတ်ထဲကအတိုင်းပါပဲ။ ကိုယ်မလိုချင်တာဆို ဖျက်ပိုးတွေဖြစ်မှာပေါ။ ကိုယ့်အပင်တွေကိုဖျက်ဆီးနေတယ် ပျက်စီးစေတယ်ဆိုရင်တော့ ကိုယ်က ဘယ်လိုချင်ပါ့မလဲ။ အဲ့တော့ ကိုယ့်ကို မကူညီတဲ့သူတွေဆိုရင် ဖျက်ပိုးတွေပေါ့။

အင်းဆက်တွေ

ကိုယ့်ကိုအကျိုးပြုတဲ့ အင်းဆက်တွေဆိုရင်တော့ သားရဲကောင်တွေများပါတယ်။ အသားစားတဲ့အကောင်တွေပါမယ်။ ပြီးတော့ ဝတ်မှုန်ကူးပေးတဲ့အကောင်တွေပါမယ်။ ပိတုန်းကောင်တွေ၊ ပျားတွေပါမယ်။ စိတ်မကောင်းစရာတစ်ခုကတော့ သဘာဝကြီးမှာ တစ်ချို့မျိုးစိတ်တွေက အများကြီးမရှိပါဘူးတဲ့။ ဂေဟစနစ်ကို ပြန်ထိန်းထားတဲ့ သဘောပါ။

နီမတုတ်

များသောအားဖြင့် တီကောင်လေးလို အကောင်လေးတွေဖြစ်ပြီး အဏုကြည့်မှန်ပြောင်းနဲ့ကြည့်မှ မြင်နိုင်မှာပါ။ သူတို့ထဲက အပင်ကိုဖျက်စီးတဲ့အကောင်ဆိုရင် မြေကြီးထဲမှာ နေထိုင်ကြပြီးတော့ အပင်အမြစ်တွေကို စားသောက် ထိုးဖောက်ဝင်ရောက်ပါတယ်။ ကောင်းတဲ့အကောင်တွေလည်းရှိပါတယ်။ သူတို့ကျတော့ ဖျက်ပိုးတွေရဲ့ အကောင်ပေါက်တွေကို ဖျက်ဆီးတာကြောင့် အော်ဂဲနစ်စိုက်ခင်းတွေမှာ ဇီဝနည်းအနေနဲ့ သုံးကြပါတယ်။

အဏုဇီဝသက်ရှိတွေ

ဒီကောင်လေးတွေက မြေကြီးထဲမှာနေကြတယ်။ များသောအားဖြင့်တော့ သူတို့က အာဟာရစက် ဝန်းထဲမှာ ပါဝင်ပြီးတော့ လုပ်ဆောင်ပေးပါတယ်။ အပင်အကြွင်းအကျန်တွေကို ဆွေးစေတယ်။ ပြီးတော့ မြေသားတည်ဆောက်တာကို ပြုပြင်ပြောင်းလဲပေးတယ်။ မြေဆွေးတွေပုံရင် အချဉ်ဖောက်ပြီး မြန်မြန်ဆွေးစေတာကလည်း အဲ့လိုအဏုဇီဝ သက်ရှိလေးတွေကြောင့်ပါပဲနော်။

နောက်တစ်ခုကတော့ တိရိစ္ဆာန်

အမြင်သာဆုံး ဥပမာဆိုရင် ငှက်တွေပါ။ ကိုယ်ကြဲထားတဲ့ စပါးစေ့လေးတွေ လာစားရင် သိပ်အမြင်မကြည်ချင်ဘူး။ အဲ့ ပိုးကောင်လေးတွေ လာရှာစားနေတယ်ဆိုရင်တော့ စားပေ့စေ ဆိုပြီး လွှတ်ထားတာမျိုး။ အဲ့လိုမှာလည်း မျက်နှာလိုက်ကြသေးတာ။

အပင်တွေ

အပင်တွေက ဘာလို့ပါတာလဲ။ ပါကိုပါရမယ်လေ။ တစ်ချို့အပင်တွေဆို ကိုယ့်ကို အကျိုးပြုကိုပြုတယ်။ လေကာပင်အဖြစ်စိုက်တာပျိုးတာလိုမျိုး၊ တမာပင်ဆို ပိုးသတ်ဆေးတွေ ဘာတွေ ထုတ်လို့ရတာမျိုးဆိုရင် ကိုယ့်အတွက်ကောင်းတာပေါ့။

ကဲ အဲ့တော့ စိုက်ပျိုးစီးပွားရေးလုပ်မယ်ဆိုရင် ကိုယ့်အတွက် အဖော်ကောင်းကို ရှာကိုရှာရမယ်ဆိုတော့ ကိုယ့်စီးပွားရေးမှာ အကျိုးပြုတဲ့ သက်ရှိတွေကို အမျိုးအစား (၃) မျိုးခွဲထားတယ်ဆိုတာကို သိရမယ်နော်။

ပထမ တစ်မျိုးကတော့ သားရဲကောင်တွေဖြစ်ပါတယ်။ သူတို့က ဖျက်ပိုးတွေကို စားပါတယ်။

ဒုတိယ တစ်မျိုးကတော့ ကပ်ပါးကောင်တွေဖြစ်ပါတယ်။ ဖျက်ပိုးကောင်တွေရဲ့ ခန္ဓာကိုယ်တွေမှာ ဥတွေမှာ ကပ်ပါးပြုပြီးတော့ ဖျက်စီးပါတယ်။

နောက်တစ်မျိုးကလည်း ကပ်ပါးကောင်ပါပဲ။ သူကျတော့ ကပ်ပါးပြုပြီး ကပ်တွယ်စားသောက်တာဖြစ်ပါတယ်။ အကောင်တွေကိုတော့ သေလောက်တဲ့အထိတော့မဟုတ်ပဲ ကပ်ပါးရပ်ပါးနဲ့ စားသောက်နေကြတာဖြစ်ပါတယ်။

နောက်တစ်ပိုင်းကျရင်တော့ စိုက်ခင်းထဲမှာတွေ့တဲ့ အကောင်လေးတွေအကြောင်း ပြောကြစို့ရဲ့။

ထွန်းဝင်းကျော်

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...