အင်ဂျင်ဝိုင်က စက်ပစ္စည်းတွေမှာ ဘာကြောင့်အရေးကြီးတာလဲ?

အင်ဂျင်များလည်ပတ်ရာတွင် အင်ဂျင်ဝိုင်၏ အခန်းကဏ္ဍသည် အင်ဂျင်၏ သက်တမ်းနှင့် လည်ပတ်မှုကို သက်သာစေရန်အတွက် အရေးပါသည်။ အထူးသဖြင့် အင်ဂျင်ဝိုင်သည် အောက်ဖေါ်ပြပါ အချက်များအတွက် မရှိမဖြစ် အရေးပါသည်။ 

၁. သံချေးတက်ခြင်းနှင့် ပွတ်စားခြင်းမှ ကာကွယ်မှု

အင်ဂျင်အတွင်းရှိသတ္တုအစိတ်အပိုင်းများသည် တစ်ခုနှင့်တစ်ခု ပွတ်တိုက် လှုပ်ရှားရသောကြေင့် ပွတ်စားမှုများ ဖြစ်တက်သည်။ ၎င်းအပြင် ရေငွေ့ နှင့် စိုထိုင်းဆများကြောင့် သံချေးတက်ခြင်းဖြစ်တက်သည်။ 

အင်ဂျင်ဝိုင်သည် မျက်နှာပြင်ပေါ်တွင် အလွှာတစ်ခုအဖြစ် ဖုံးအုပ်ပေးပြီး သံချေးတက်ခြင်း နှင့် ပွတ်စားမှုကို ကာကွယ်ပေးသည်။

၂. အပူချိန်ကို ထိန်းညှိခြင်း

အင်ဂျင်အတွင်းတွင် လည်ပတ်မှုကြောင့်၊ ပွတ်တိုက်လှုပ်ရှားရမှုတို့ကြောင့် အပူကို ဖြစ်ပေါ်စေသည်။ မည်သည့် အရာဝတ္ထုများဖြစ်စေ ပွတ်တိုက်ပါက အပူစွမ်းအင်ထွက်သည့်သဘောရှိသည်။ အင်္ဂျင်အစိတ်အပိုင်းများသည် အချိန်တိုအတွင်း အလွန်အမင်း ပွတ်တိုက်လှုပ်ရှား ရုံးကန်ရသည့်အတွက် အပူမှာ လွန်စွာများသည်။ 

အင်ဂျင်ဝိုင်သည် အပူချိန်များကို ထိန်းညှိပေးပြီး အင်ဂျင်ကို အပူလွန်ခြင်းမှ ကာကွယ်သည်။

၃. ပွတ်တိုက်ခြင်းကို သက်သာစေမှု

• အင်ဂျင်အတွင်းရှိ လှုပ်ရှားနေသောအစိတ်အပိုင်းများသည် အမြဲတမ်းအချင်းချင်း ပွတ်တိုက်ထိတွေ့နေပါသည်။ ချောဆီမပါပဲ ပွတ်တိုက်သည့်အခါ အပူလွန်ကဲ လာကာ အရာဝတ္ထုများသည့် ပူလာပါက ပွလာသည့်သဘောကြောင့် သတ္ထုမျက်မှာပြင်အချင်းချင်း ပွတ်စားမှုဖြစ်လာပြီး နောက်ဆုံးတွင်လှုပ်ရှားမရတော့ပဲ အင်္ဂျင်ရပ်သွားသည်အထိ ဖြစ်တက်သည်။ 

• အင်ဂျင်ဝိုင်သည် အစိတ်အပိုင်းများအကြား ပွတ်တိုက်မှုကို လျှော့ချပေးပြီး လှုပ်ရှားမှုကို ချောမွေ့စေကာ ပျက်စီးမှုများကို ကာကွယ်ပေးသည်။

၄. သန့်ရှင်းမှုနှင့် အညစ်အကြေး ဖယ်ရှားခြင်း

•  အင်ဂျင်ဝိုင်သည် ဖုန်မှုန့်များ၊ သတ္တုအမှုန်များနှင့် အခြားအညစ်အကြေးများကို ဖမ်းယူထားခြင်းအားဖြင့် အင်ဂျင်အတွင်း သန့်ရှင်းမှုကို ထိန်းသိမ်းပေးသည်။

• အဆိုပါ အညစ်အကြေးများကို အင်္ဂျင်ဝိုင်စစ်ပေါက်မှ စစ်ထုတ်ပေးပြီး အင်ဂျင်အတွင်းပိုင်း သန့်ရှင်းမှုကို လုပ်ဆောင် ပေးသည်။

၅. အစိတ်အပိုင်းများ၏ သက်တမ်းတိုးမြှင့်မှု

အင်ဂျင်ဝိုင်သည် စက်ပိုင်းဆိုင်ရာ အစိတ်အပိုင်းများ၏ စက်မှုလုပ်ဆောင်မှုကို ကောင်းမွန်စေပြီး  ပွတ်ဖန်များ၍ သတ္ထုမျက်နှာပြင်များ ပါးပြီးပေါက်ပြဲ ပျက်စီးမှုကို ကာကွယ်ပေးသည့်အတွက် အင်္ဂျင်သက်တမ်းကို တိုးမြှင့်ပေးနိုင်သည်။

၆. ပျက်စီးမှုနှင့် ဆုံးရှုံးမှု လျှော့ချပေးခြင်း

• အင်ဂျင်ဝိုင်မှ ပံ့ပိုးပေးသည့် ချော့မွေ့မှုသည် အင်ဂျင်အစိတ်အပိုင်းများအပေါ်ရှိ ပွတ်အားနှင့်ဖိအားကို လျှော့ချပေးပြီး ၄င်းအင်ဂျင်အစိတ်အပိုင်းများ၏ ကြာရှည်ခံမှုကို တိုးမြှင့်စေသည်။

မှန်ကန်သည့် အင်ဂျင်ဝိုင်ကို အသုံးပြုခြင်းသည် အင်ဂျင်၏ စွမ်းဆောင်ရည်ကောင်းမွန်မှု၊ သက်တမ်းတိုးမြှင့်မှုနှင့် ဆီစားနှုန်း လျှော့ကျစေသည်။ထို့ကြောင့် အင်ဂျင်ဝိုင်၏ အရေးပါမှုကို လျော့မတွက်သင့်ပါ။ စက်အမျိုးအစားနှင့် အသုံးပြုမှုအပေါ် မူတည်ပြီး သင့်တော်သော အင်္ဂျင်ဝိုင်ကို ရွေးချယ်အသုံးပြုသင့်ပါသည်။

အင်ဂျင်ဝိုင်ကို စက်အသုံးပြုမှုနာရီ 250 မှ 300 သုံးပြီးတိုင်း အသစ်လဲလှယ်အသုံးပြုဖို့လိုပါသည် ။ အင်ဂျင်ဝိုင်လဲသည့်အခါ အင်္ဂျင်စစ်သည့်ဖစ်တာကိုပါတပါတည်းလဲပေးရမည်။ စက်အသုံးပြုသည့်နာရီကို မှတ်သား၍ အချိန်ပြည့်လျှင် အင်ဂျင်ဝိုင်ကို မဖြစ်မနေလဲပေးရမည်။ မှတ်သားထားမှုမရှိလျှင် အကြမ်းအားဖြင့် အင်ဂျင်ဝိုင်အရောင် မဲနက်ပြီး အစေးဓါတ် မရှိတော့သည့် အခါ လဲပေးရမည်။ သို့သော် စက်အသုံးပြုသည့်အချိန်ကို မှတ်သားပြီး ပုံမှန်လဲပေးခြင်းသည် အင်ဂျင်၏ စွမ်းဆောင်ရည်ကို ပိုမိုကောင်းမွန်စေပြီး ၊ သတ်တမ်းကို ပိုမိုတာရှည်စေပါသည်။ အင်ဂျင်ဝိုင်လဲသည့်အခါ စက်အမျိုးအစားအလိုက် သတ်မှတ်ထားသည့် အင်ဂျင်ဝိုင်အမျိုးအစား ( SAE - …. ) ကို မှန်ကန်စွာ ရွေးချယ်ပြီး လဲပေးရမည်။ 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်