အောက်ချင်းငှက်မျိုးစိတ်(၁၀)ကောင်အား မူရင်းကျက်စားရာ နေရာသို့ ဘေးမဲ့လွှတ်ခြင်း ဆောင်ရွက်

မကွေးတိုင်းဒေသကြီး၊ မင်းဘူးခရိုင်၊ ငဖဲမြို့နယ် ဂုတ်ကြီးကျေးရွာ အနောက်ဘက် မင်းဘူး-အမ်း လမ်း မိုင်တိုင်အမှတ်(၅၃)အနီး နတ်ရေကန်တောင်ဒေသ ရေထိန်းတောင်တွင် မကွေးမြို့နယ်မှ ဖမ်းဆီးရမိခဲ့ပြီး သစ်တောဦးစီးဌာနမှ ထိန်းသိမ်းထားရှိသည့် အောက်ချင်းငှက်မျိုးစိတ် (၁၀) ကောင်အား ယမန်နေ့ နံနက်ပိုင်းက ဘေးမဲ့လွှတ်ပေးခဲ့သည်။

“နတ်ရေကန်တောင်ဒေသမှာ ဘေးမဲ့ပေးထားတဲ့ အောက်ချင်း၊ အောင်လောင်ငှက်တွေ အများကြီးရှိပါတယ်၊ အခုလွှတ်တာက မကွေးမြို့ပေါ်က ကုန်သည်ဆီက ဖမ်းမိတဲ့အကောင်တွေပါ။ တောင်ပေါ်ဒေသခံများနဲ့ အများပြည်သူများ မိမိဒေသပတ်ဝန်းကျင်မှ အောက်ချင်းငှက်မျိုးစိတ်များ ထိန်းသိမ်းကြစေရန် ရည်ရွယ်ပြီး တိုင်းဒေသကြီး သစ်တောဦးစီးဌာနနဲ့ တောင်ပေါ်ဒေသ ရိုးမလူငယ်အလင်းတန်းအဖွဲ့တို့ ပူးပေါင်းဆောင်ရွက်ခဲ့ခြင်း ဖြစ်ပါတယ်" ဟု တောင်ပေါ် အရှိုချင်း တိုင်းရင်းသားဒေသခံ ကိုရန်နောင်ထွန်း ကပြောသည်။

ထိုသို့ဆောင်ရွက်ရာတွင် တိုင်းဒေသကြီးသစ်တောဦးစီးဌာနမှ ညွှန်ကြားရေးမှူးဦးမြင့်သိန်းခိုင်၊ လက်ထောက်ညွှန်ကြားရေးမှူး ဦးသိန်းနိုင်ကျော်၊ ခရိုင်သစ်တောမှ လက်ထောက်ညွှန်ကြားရေးမှူး ဦးခင်မောင်စိုး၊ တိုင်းဒေသကြီး ရဲတပ်ဖွဲ့မှ ဒု-ရဲမှူး အောင်ကိုနိုင်နှင့် တပ်ဖွဲ့ဝင်များ၊ ငဖဲမြို့နယ် ဒုတိယ မြို့နယ် အုပ်ချုပ်ရေးမှူး ဦးတင်ဝင်း၊ မြို့နယ်သစ်တောဦးစီးမှူး ဦးမိုးအာကာကျော်နှင့် တောင်ပေါ်ဒေသမှ ဒေသခံပြည်သူ (၇၅) ဦး တက်ရောက်ခဲ့ပြီး တာဝန်ရှိသူတို့က သစ်တောထိန်းသိမ်းရေး အကြောင်း အရာများနှင့်ပတ်သက်၍ ဒေသခံပြည်သူများအား အသိပညာပေး ရှင်းလင်း ဟောပြောခဲ့ကြကြောင်း သိရသည်။ 

သန်းနိုင်ဦး(ငဖဲ) 1-11-2018(MOI)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်