ရော်ဘာဈေးကွက်ကောင်းကို ပြန်လည်ကြုံတွေ့ရသဖြင့် စိုက်ဧကများတိုးချဲ့စိုက်ပျိုးလာ

    ရော်ဘာစိုက်ပျိုးထုတ်လုပ်သူများအနေဖြင့် ဈေးကွက်ကောင်းနှင့် ပြန်လည်ကြုံတွေ့ရသဖြင့် စိုက်ဧကများ ထပ်မံတိုးချဲ့စိုက်ပျိုးလာကြကြောင်း ပဲခူးတိုင်းဒေသကြီးရှိ ရော်ဘာခြံရှင်များထံမှ သိရသည်။

ဒီနှစ်တော့ အားလုံးစောင့်မျှော်နေတဲ့အတိုင်း ရော်ဘာဈေးကွက် အတက်ဘက်ကို ပြန်လည်ဦးတည်လာပါတယ်။ စိုက်ပျိုးထားတာမကြာသေးဘဲ ပထမဆုံး အစေးစခြစ်တဲ့ရော်ဘာခြံသစ်တွေတောင်မှ ဒီနှစ်မှာ ဈေးကောင်းနဲ့ကြုံလိုက်ရတော့ အားလုံးအဆင်ပြေသွားကြတယ်။ ဒါ့ကြောင့် ကျွန်တော်တို့ ရွှေကျင်မြို့နယ်တဝိုက်က ရော်ဘာခြံသမားတွေ စိုက်ဧကတွေ အများကြီးတိုးချဲ့စိုက်ပျိုးကုန်ပါပြီ။ ပျိုးပင်ရောင်းသူတွေမှာ ရော်ဘာပျိုးပင် ထုတ်ရောင်းဖို့တောင် လက်ကျန်မရှိတော့တဲ့အထိ ရော်ဘာပျိုးပင်တွေ ရောင်းနေရပြီး၊ ရော်ဘာစိုက်ပျိုးမှု တကယ့်ကိုများပြားလာတာကို တွေ့မြင်နေရပါတယ်။

ဟု ပဲခူးတိုင်းဒေသကြီး၊ ရွှေကျင်မြို့နယ်၊ ရော်ဘာစိုက်ပျိုးထုတ်လုပ်သူများအသင်း၏ အတွင်းရေးမှူး ဦးခင်မောင်သက်က ပြောသည်။

    လာမည့် ၂၀၂၃ ခုနှစ်တွင် ကမ္ဘ့ာရော်ဘာဈေးကွက် အတက်ဘက်သို့ဦးတည်ပြီး ဈေးကွက်ပိုမိုကောင်းမွန်လာနိုင်မည်ဖြစ်ကြောင်း ရော်ဘာဈေးကွက်ကျွမ်းကျင်သူများ၏ ခန့်မှန်းချက်များအရ သိရှိရသည်။

အရင်နှစ်တွေက ဈေးကျတာမှန်တယ် ကိုဗစ်ကာလမှာတော့ ဈေးတအားမကျဘူး။ ရော်ဘာတစ်ပေါင်ကို ၅၈၀ ကျပ်လောက်အထိ ကျသွားသေးတယ်။ တစ်ပေါင်ကို ၆၀၀ ကျပ်ကျော် ရတဲ့အခါလည်းရခဲ့တယ်။ အခုဆိုရင် ရော်ဘာဈေးပြန်တက်လာတော့ RSS-3 ကနေ RSS-5 အတွင်း အရည်အသွေးရှိတဲ့ ရော်ဘာတစ်ပေါင်ကို ၈၇၀ ကနေ ၉၂၀ ကျပ်အထိ ဈေးပြန်တက်လာပါပြီ။ ရော်ဘာတောင်သူတွေ စိုက်ပျိုးရကျိုးနပ်မယ့် အားတက်စရာ အခြေအနေပါပဲ။

ဟု ဦးခင်မောင်သက်က ဆက်လက်ပြောသည်။

    ပဲခူးတိုင်းဒေသကြီးရှိ ရော်ဘာခြံအများစုမှာ နိုင်ငံတကာ ရော်ဘာစိုက်ပျိုးမှုစနစ်ဖြစ်သည့် ပင်ကြား (၂၄)ပေ/တန်းကြား(၉)ပေစနစ်ဖြင့် စိုက်ပျိုးကြပြီး၊ အဆိုပါစနစ်ဖြင့် စိုက်ပျိုးပါက ရော်ဘာတစ်ဧကလျှင် ပင်ရေ (၂၀၀)ဝန်းကျင် ဝင်ဆံ့ကြောင်း ကိုယ်တိုင်စိုက်ပျိုးသူများထံမှ သိရသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်