မိုးရွာစောသဖြင့် မိုးနှမ်းစတင်စိုက်ပျိုးထားသူများ အခက်အခဲကြုံ

ယခုရက်ပိုင်း မိုးရွာသွန်းမှုကြောင့် မိုးနှမ်းစတင်စိုက်ပျိုးထားသူများ အခက်အခဲ ကြုံတွေ့ရကြောင်း စစ်ကိုင်းတိုင်းရှိ နှမ်းစိုက်တောင်သူများက ဆိုသည်။

မိုးနှမ်းစိုက်ပျိုးထားပြီးနောက် မိုးရွာသွန်းမှုကြောင့် နှမ်းရွက်များ အထွတ်ထွတ်ထကာ အပင် ရှေ့ဆက်မတက် (မကြီးထွား) ခြင်း၊ အပင်ယိုင်ခြင်းများကို ကြုံတွေ့နေရခြင်း ဖြစ်သည်။

ပိုးကတော့ စုပ်စားပိုးကျတာလို့ ပြောတာပဲ။ အခု ဆေးပက်နေကြရတယ်။ အဆင်မပြေဘူး။ စိုက်ပျိုးရေးဦးစီးဌာနကတော့ တစ်ခုခုဖြစ်ရင် အကြောင်းကြားဖို့ ပြောပါတယ်။

ဟု စစ်ကိုင်းတိုင်း၊ ရွှေဘိုခရိုင်၊ ဝက်လက်မြို့နယ်၊ ရေထွက်ကျေးရွာမှ ဦးလှဝင်းဆွေ က ပြောသည်။

စစ်ကိုင်းတိုင်း ရွှေဘိုခရိုင်တွင် ဧပြီလ (၃၀) ရက်တွင် တစ်ကြိမ်၊ မေလ (၂) ရက်နေ့တွင် တစ်ကြိမ် မိုးကြီးရွာသွန်းခဲ့ပြီး နှမ်းစိုက်တောင်သူများ ယခုကဲ့သို့ ကြုံတွေ့ရခြင်းဖြစ်သည်။

ဒီကြားထဲလည်း မိုးက နည်းနည်း တဖြောက်ဖြောက်တော့ ကျနေသေးတယ်။ အခု ၂ ရက်၊ ၃ ရက်လောက်မှ ဆက်မကျတော့ပဲ ပြန်လင်းသွားတော့တာ။ နှမ်းခင်းတွေကလည်း ဒီပုံစံအတိုင်းသာဆို ပျက်ကုန်လောက်တယ်။ အပင်ပေါက်စလေးတွေနဲ့ မိုးကျကုန်တာဆိုတော့လေ။ အပင်လေးတွေက လိပ်ပြီး ခွေသွားတာ။

ဟု နှမ်းစိုက်တောင်သူ ဦးဝေလင်းမောင် က ပြောသည်။

မြန်မာနိုင်ငံတွင် နှမ်းကို စစ်ကိုင်းတိုင်းနှင့် မကွေးတိုင်းတို့တွင် အများဆုံး စိုက်ပျိုးကြပြီး၊ မိုးနှမ်းကို မေလဆန်းတွင် စတင်စိုက်ပျိုးကြသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။