လျှော်ဖြူဈေးကွက် ပြန်လည်ကောင်းမွန်လာရန် စိုက်ပျိုးသူများ မျှော်လင့်စောင့်ဆိုင်းနေ

    လျှော်ဖြူဈေးကွက် ယခင်နှစ်များကအတိုင်း ပြန်လည်ကောင်းမွန်လာရန် မျှော်လင့်စောင့်ဆိုင်းနေကြကြောင်း လျှော်ဖြူခြံလုပ်ငန်းလုပ်ကိုင်သူများထံမှ သိရသည်။

    ပြည်ပပို့ကုန် ဆေးဖက်ဝင်အမယ်တစ်ခုဖြစ်သည့် ဆေးကုလားမ (ခေါ်) လျှော်ဖြူအစေးကို ကိုဗစ်-19 ကာလများအတွင်း တင်ပို့မှု မရှိသလောက်ကျဆင်းခဲ့ရာ တောင်သူများမှာ အပင်ပြုစုစောင့်ရှောက်မှုများ ပုံမှန်ပြုလုပ်ရင်း ဈေးကွက်ပြန်လည်ကောင်းမွန်လာမည့်အချိန်ကို စောင့်ဆိုင်းနေကြခြင်းဖြစ်သည်။ 

၂၀၁၉ လောက်အထိက ဈေးကောင်းကောင်းရခဲ့ကြတယ်။ ၂၀၂၀၊ ၂၀၂၁ ခုနှစ် ကိုဗစ်ကာလတလျှောက် ဈေးတွေပြုတ်ကျလာတာပါ။ တောင်သူတွေတင် မကဘူး။ ပွဲစားတွေအတွက်လည်း အဆင်မပြေကြပါဘူး။ အရင်က ပွဲစားတွေက တစ်ပိဿာကို တစ်ထောင်ကျပ်လောက် အမြတ်ရခဲ့တယ်။ အခုကျတော့ ပွဲစားတွေအတွက်လည်း တစ်ပိဿာကို အမြတ် တစ်ရာကျပ်၊ နှစ်ရာကျပ်လောက်သာ အမြတ်ကျန်တော့တယ်။ တောင်သူတွေကျတော့လည်း ခြံထုတ်စရိတ်ကိုက တစ်ပိဿာကို ရှစ်ထောင်၊ ကိုးထောင်လောက် ကုန်ကျထားတယ်။ လက်ရှိဈေးက တစ်ပိဿာကို ငါးထောင်ကျပ်လောက်ပဲ ရတာဆိုတော့ တောင်သူတွေ ရှုံးနေတာပေါ့။ ဒါ့ကြောင့် ဈေးကောင်းရဖို့ကို မျှော်နေကြတာပါ။ လျှော်ဖြူကနေ တန်ဖိုးမြင့်ထုတ်ကုန်အဖြစ် ပြောင်းလဲ ထုတ်လုပ်ရင်တော့ ဈေးကောင်းရနိုင်ပါတယ်။ ဒါကလည်း ထုတ်လုပ်တဲ့သူ နည်းနေပါသေးတယ်။

ဟု မြန်မာနိုင်ငံ လျှော်ဖြူစိုက်ပျိုးထုတ်လုပ် တင်ပို့ရောင်းချသူများ အသင်း၏ ဒုတိယဥက္ကဌ ဦးဇင်မင်းသန့်က ပြောသည်။ 

    ယခင်ဈေးကွက်ကောင်းစဉ်အခါက လျှော်ဖြူအစေးတစ်ပိဿာလျှင် ကျပ် (၄၅၀၀၀) ကျပ်မှ ကျပ် (၅၀၀၀၀) အတွင်းအထိ ဈေးကောင်းရရှိခဲ့သော်လည်း ယခုအခြေအနေတွင် လျှော်ဖြူအစေး တစ်ပိဿာလျှင် ကျပ် (၅၀၀၀) ဝန်းကျင်အထိ ဈေးနှုန်းများ ကျဆင်းနေကြောင်း သိရသည်။

ကျွန်တော်တို့က အစေးခြစ်တာကို ရပ်ထားလိုက်ကြတယ်။ အရောင်းအဝယ်တွေ မကောင်းတာကြောင့်ပါ။ တော်တော်လေး အစေးထွက်လှိုင်နေတဲ့အချိန်မှာမှ ကိုဗစ်ဖြစ်တာကြောင့် ဈေးကွက်မကောင်းတော့ အစေးခြစ် ရပ်လိုက်ကြတာ။ လောလောဆယ် လျှော်ဖြူအစေးဈေးကွက်မှာက အဲ့ဒီလိုဖြစ်နေတာပါ။ လျှော်ဖြူပင်က နှစ်ရှည်ပင်ဖြစ်တော့ ပုံမှန်ပြုစုစောင့်ရှောက်မှုကတော့ လုပ်ပေးရတယ်။ သို့သော် အများကြီးလုပ်ပေးနေရတာတော့ မဟုတ်ဘူး။ မိုးတွင်းမှာ ပိုးမကျအောင် ဆေးပက်ပေးရတာလောက်ပဲရှိတယ်။ သူ့ရဲ့အမြစ်က အောက်ကိုစိုက်သွားတဲ့ပုံစံမို့လို့ အပင်ကြီးလာလေလေ အမြစ်က အောက်စိုက်သွားလေပဲ။ တအားပြုစုထိန်းသိမ်းပေးနေစရာတော့ မလိုပါဘူး။

ဟု စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်၊ ကျောက်ကာတောင်ကျေးရွာမှ လျှော်ဖြူခြံလုပ်ငန်း လုပ်ကိုင်သူ ဦးမောင်ငယ်က ပြောသည်။

    မြန်မာနိုင်ငံတွင် လျှော်ဖြူပင်ကို စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ မန္တလေးတိုင်းဒေသကြီးတို့တွင် အများဆုံးစိုက်ပျိုးနေကြောင်း သိရသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်