ဈေးကွက်ခိုင်မာမှုရှိသည့်ဝဥပင်ကို တောင်သူများတိုးချဲ့စိုက်ပျိုးလာကြ

အခြားသီးနှံများ ဈေးကွက်ထိခိုက်မှု ကြုံတွေ့နေရသော်လည်း ဈေးကွက်ခိုင်မာမှုရှိနေသည့် ဝဥသီးနှံကို တိုးချဲ့စိုက်ပျိုးလာကြကြောင်း မကွေးတိုင်းဒေသကြီးရှိ တောင်သူများထံမှသိရသည်။

သီးနှံဈေးကွက်တွေ ကျဆင်းနေပေမယ့် ဝဥကတော်သေးတယ်။ ဒါ့ကြောင့်မို့ တိုးချဲ့စိုက်တာပါ။ ဝဥအပြင် ကြားထဲမှာ ကော်ဖီပင်တွေပါကြားညှပ်စိုက်တယ်။ မနှစ်က ဝဥသုံးဧကစိုက်ထားပြီး အခုထပ်စိုက်ဖို့ ပြင်ဆင်နေပါတယ်။ ဦးလေးခြံကထွက်တဲ့ ဝဥတွေနဲ့ အနီးအနားပတ်ဝန်းကျင်ခြံတွေက ထွက်သမျှဝဥတွေကို မန္တလေးကကုန်သည်တွေကဝယ်တယ်။ ကာလပေါက်ဈေး၊ တစ်နိုင်ငံလုံးပေါက်ဈေးအတိုင်း ပေးဝယ်တယ်။ ဝဥတစ်ပိဿာအတွက် ကားခ ငါးဆယ်ကျပ်ပဲ လျှော့ပေးရတယ်။ သူ့ဘာသာ လာသယ်တာ။ ဝဥတူးပြီး ကုန်ကြမ်းအတိုင်းပဲရောင်းရုံပဲ။

ဟု မကွေးတိုင်းဒေသကြီး၊ ဂန့်ဂေါခရိုင်၊ ဆောမြို့နယ်၊ လောင်းရှည်ကျေးရွာမှ ဝဥပင်နှင့် ကော်ဖီပင် စီးပွားဖြစ်စိုက်ပျိုးထုတ်လုပ်နေသူ ဦးကျော်ကိုကိုက ပြောသည်။

ဝဥပင်များ တိုးချဲ့စိုက်ပျိုးရန် ၂၀၂၁ ခုနှစ် ဇွန်၊ ဇူလိုင်လများတွင် ပျိုးထောင်ထားပြီး၊ ၂၀၂၂ ခုနှစ် ဇွန်၊ ဇူလိုင်လဝန်းကျင်တွင် စတင်စိုက်ပျိုးမည်ဖြစ်ပြီး၊ ဒေသတစ်ခုနှင့်တစ်ခု ပျိုးထောင်ချိန်၊ စိုက်ပျိုးချိန်၊ နည်းစနစ်များ ကွာခြားမှုရှိနိုင်ကြောင်း သိရသည်။

မနှစ်ကစိုက်ပျိုးထားတဲ့ ဝဥခြံကဝဥတွေကို နိုဝင်ဘာ၊ ဒီဇင်ဘာလလောက်မှာ တူးရောင်းမှာပါ။ အခုပျိုးထောင်ထားတာတွေကိုတော့ ဇူလိုင်လလောက်မှာ စိုက်မှာ။ အရင်ကတော့ အခြောက်လှမ်းပြီးရောင်းတယ်။ အခုနောက်ပိုင်းတော့ လုပ်သားရှားပါးမှုကြောင့် ကုန်ကြမ်းကိုပဲ တူးရောင်းဖြစ်တော့တယ်။ ဦးလေးတို့ဆီကဝယ်ယူတဲ့ ဝဥကုန်ကြမ်းတွေကို အမှုန့်လုပ်ပြီးတော့ တရုတ်နိုင်ငံ၊ စင်ကာပူနိုင်ငံ၊ ကိုရီးယားနိုင်ငံတွေကို တင်ပို့ရောင်းချကြတယ်လို့ ကြားသိရတယ်။

ဟု ဦးကျော်ကိုကိုက ဆက်လက်ပြောသည်။

ဝဥပင် စီးပွားဖြစ်စိုက်ပျိုးလျှင် ဖူးတံစေ့မှ စိုက်ပျိုးပါက တစ်ဧကကုန်ကျစရိတ် ကျပ်သိန်း (၃၀) ဝန်းကျင် ကုန်ကျနိုင်ပြီး၊ အသီးမှစိုက်ပျိုးပါက တစ်ဧကကုန်ကျစရိတ် ကျပ်သိန်း (၄၀) ဝန်းကျင် ကုန်ကျနိုင်ကြောင်း သိရသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...