ငါးမွေးမြူရေးတွင် တွေ့ကြုံရလေ့ရှိသည့် အခက်အခဲများနှင့် ရောဂါများကို ဖြေရှင်းနည်း

အခက်အခဲ(၁) ငါးကန်အောက်စီဂျင်လျော့နည်းခြင်း

ဖြေရှင်းနည်းများ

• ကန်အတွင်းလှိုင်းများထစေရန် ရေပြင်ကိုဝါးလုံးဖြင့်ရိုက်ပေးပါ။ဘောလုံးဖြင့်ပစ်ပါ။

• ငါးကန်ဧရိယာ ၀.၀၁ ဧက လျှင် အောက်စီဖလို/အောက်စီလိုက်ဖ် (၅-၇)ဂရမ် ထည့်ပေးပါ။

• ဖြစ်နိုင်လျှင် ပြင်ပမှသန့်ရှင်းပြီး အောက်စီဂျင်ပါ ပြည့်ဝသည့်ရေကို သွင်းပေးပါ။

• အစာနှင့်မြေဩဇာထည့်ခြင်းကို ရက်အနည်းငယ်ကြာ ရပ်ဆိုင်းထားပါ။

အခက်အခဲ(၂) ငါးကန်ရေမျက်နှာပြင်ပေါ်တွင် အနီရောင်အလွှာပေါ်ခြင်း

ဖြေရှင်းနည်းများ

• ကောက်ရိုး(သို့)ငှက်ပျောရွက်တို့ဖြင့် ပြုလုပ်ထားသည့်ကြိုးဖြင့် ကန်ရေပြင်တွင် အနီရောင် အလွှာကို ဖယ်ရှားနိုင်ပါသည်။

• ၀.၀၁ ဧက ကန်အတွက် ပုလဲဓာတ်မြေဩဇာကို ၁၀၀-၁၅၀ ဂရမ် (၆ကျပ်သားမှ ၁၀ ကျပ်သား ခန့်) ကို ၁၀ရက်ခြား(သို့)၁၂ရက်ခြားခန့် ၂ကြိမ် (သို့) ၃ကြိမ်ခန့်ထည့်ပေးပါ။ (သို့မဟုတ်)

• ၀.၀၁ ဧက ကန်အတွက် ကျောက်ချဉ်(၁၀၀)ဂရမ် (၆ကျပ်သား)ထည့်ပေးပါ။

အခက်အခဲ(၃) ငါးကန်တွင် အစိမ်းရောင်ရေညှိ ရေမှော်များ ထူထပ်ပွားများလာပြီး အစိမ်းရောင်အလွှာ ဖြစ်ပေါ်လာခြင်း

ဖြေရှင်းနည်း

• ၀.၀၁ ဧက ကန်လျှင် ဂျစ်ပ်ဆမ် ၆၃ ကျပ်သားခန့်(သို့)

• ဒုတ္ထာ(ကော့ပါးဆာလ်ဖိတ်)၁၀-၁၂ ဂရမ်(၆ကျပ်သားခန့်-၈ကျပ်သားခန့်)သုံးစွဲပါ။ ၎င်းဆေးကို အိတ်ငယ်တွင် ထည့်စည်းပြီး ရေထဲရှိ ဝါးလုံးတိုင်တွင် ကပ်ချည်၍ ရေထဲသို့ ၄လက်မ -၆ လက်မ ခန့် အောက်ချနှစ်ထားပေးပါ။

အခက်အခဲ(၄)ငါးကန်ရေနောက်ကျိခြင်း

ဖြေရှင်းနည်းများ

• ၀.၀၁ဧက ကန်လျှင် ထုံး ၅၀၀ ဂရမ် (၃၁ ကျပ်သားခန့်)ထည့်ပေးပါ။

• ၀.၀၁ဧကကန်လျှင် ဂျစ်ပ်ဆမ် ၁-၁.၅ ကီလိုဂရမ် (၆၂ကျပ်သား-၉၅ကျပ်သားခန့်)သို့ ၀.၀၁ ဧကလျှင် ကောက်ရိုးခြောက် ၁-၁.၅ ဂရမ် (၆၂ကျပ်သား-၉၅ကျပ်သားခန့်)ကို သတ်မှတ်ထားတဲ့ နည်းစနစ်အတိုင်း(ကောက်ရိုးခြောက်များကို ၁၀ ကျပ်သားခန့် အထုံးများပြုလုပ်ပြီး၊ ကန်ရေ နေရာအနှံ့ပစ်ချပေးပါ။ ၃ ရက်ကြာပြီးနောက် ၎င်းကောက်ရိုးများကို ပြန်လည်ဆယ်ယူပါ။ (သို့မဟုတ်)

• ၀.၀၁ ဧကလျှင် ကျောက်ချဉ် ၂၅၀ ဂရမ် (၁၅ကျပ်သားခန့်)အသုံးပြုပါ။

ငါးရောဂါစီမံခန့်ခွဲမှု

အခက်အခဲ (၁) - ငါးအနာအဆာရောဂါ

ဖြေရှင်းနည်းများ

• ၀.၀၁ ဧကကန်အတွက် အိမ်သုံးဆေး ၂၅၀ ဂရမ် (၁၅ကျပ်သားခန့်) (သို့) ထုံး ၃၀ ကျပ်သားခန့် ထည့်သွင်းနိုင်ပါတယ်။ ၎င်းအချိန်အဆသုံးပြီးနောက် နောက်ထပ်သုံးပါက အထက်ပါနှုန်းထားရဲ့ ထက်ဝက်ကို ဆောင်းရာသီနောက်ပိုင်း တစ်လခြား သုံးစွဲနိုင်ပါတယ်။

• ငါးကို ရေ ၁၀ လီတာတွင် ပိုတက်ဆီယမ်ပါမင်ဂနိတ် ၅ ဂရမ် (၀.၃ကျပ်သားခန့်) ထည့်ဖျော်ထား တဲ့ ဖျော်ရည်တွင် ငါးကို ၁၀ စက္ကန့်ခန့် နှစ်ထားနိုင်ပါတယ်။

• ၁ မီတာ(သို့) ၃ ပေအနက်ရှိတဲ့ ၀.၀၁ ဧက ကန်အတွက် ၂.၆၅ ဂရမ် (၁၆ ကျပ်သားခန့်) ပမာဏ ရှိ ဘက်တီးရီးယား ပိုးသတ်ဆေးကို အသုံးပြုနိုင်ပါတယ်။

အခက်အခဲ (၂) - အာဂူလပ်စ်(သို့)ကပ်ပါးကောင်တွယ်ကပ်ခြင်း(အာဂူလိုးဆစ်ရောဂါ)

ဖြေရှင်းနည်းများ

• ၀.၀၁ ဧက အကျယ် ရေအနက် တစ်ပေကန်အတွက် ကပ်ပါးကောင်များကို သတ်ပေးနိုင်တဲ့ ဆေး(အာဂူလက်ဖ်) ၈ မီလီမီတာထည့်ပါ။

• ၀.၀၁ ဧကအကျယ် ရေအနက် တစ်ပေကန်အတွက် ဆူမီသိယွန် ၂-၃ စီစီနှုန်းဖြင့် ဖျော်ပါ။ အဆစုစုပေါင်း တွက်ပြီးကန်ရေပြင်အနှံ့ဖြန်းပေးပါ။ တစ်ပတ် ၇ ရက်ခြား ၃ ကြိမ်ဖျန်းပေးပါရန်။

Ref: My Culture စီမံကိန်း၏ မိသားစုတစ်ပိုင်တစ်နိုင်ငါးမွေးမြူခြင်း (အိတ်ဆောင်စာအုပ်)မှ ကူးယူ ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...