ငါးမွေးမြူရေးနှင့် ရေအရည်အသွေးစီမံခန့်ခွဲမှု အပိုင်း(၂)

13/05/2022 10:30 AM တွင် Rio Amora Rio Amora မှ ရေးသား

ငါးမွေးမြူသည့်ကာလအတွင်းရေအရည်အသွေးကို ပြောင်းလဲစေနိုင်သည့် အရေးကြီးသည့်အချက်များ

(၁) ရေအပူချိန်

(၂) မြေဩဇာထည့်သွင်းခြင်း

(၃) အစာကျွေးခြင်း

(၄) လေပေးခြင်း

(၅) ကန်ရေလဲလှယ်ခြင်း

 

(၁) ရေအပူချိန်

 

*ရေ၏အပူချိန်သည် 28°C မှ 30°C အတွင်းရှိရမည်။

 

*ရေအပူချိန်လျော့ကျလာလျှင် ငါးများ၏အစာစားနှုန်းကျဆင်းလာသည်။

 

*အပူချိန်တအားများလာလျှင်လည်း ငါးများအတွက်မကောင်းပေ။

 

*ငါးထည်သွင်းနှုန်းလျော့နည်းသောကန်များသည် ငါထည့်သွင်းနှုန်းများသော ကန်များထက်အပူချိန်ဒဏ်ကို ပိုမိုခံနိုင်သည်။

 

*အောက်ဆီဂျင်ဓာတ်သည် အပူချိန်မြင့်မားလာသည့်အခါ ရေတွင်ပျော်၀င်မှု လျော့နည်းလာသည့်အတွက် ညအခါတွင် အောက်ဆီဂျင်ပြတ်မှုများ ဖြစ်ပေါ်လာနိုင်သည်။

 

(၂) မြေဩဇာထည့်သွင်းခြင်း

 

* မြေဩဇာထည့်သွင်ခြင်းသည် ကန်ထဲတွင်ရှိသော ရေဩဇာများတိုးပွားလာရန် အတွက်ဖြစ်သည်။

 

* မြေဩဇာနှစ်မျိုးရှိသည်။ သဘာ၀မြေဩဇာနှင့် ဓါတုမြေဩဇာတို့ဖြစ်သည်။

 

*သဘာ၀မြေဩဇာအုပ်စုတွင် နွားချေး၊ ကြက်ချေး၊ ၀က်ချေး၊ စသည့်တို့ပါ၀င်သည်။

 

* သဘာ၀မြေဩဇာများသည် ဓာတုမြေဩဇာများလောက်အားမပြင်းသည့်အတွက် အသုံးပြုရန်သင့်လျှော်သော်လည်း ရောဂါပိုးများပါ၀င်လာတတ်သည်။

 

* ယခုအခါတွင် မွေးမြူရေးကြက်ခြံများမှ တားမြစ်ထားသောဆေးဝါးများ ပါ၀င်လာသည့်အတွက် သတိထားရန်လိုအပ်သည်။

 

* ဓါတုမြေဩဇာများတွင် ယူရီးယားနှင့်တီဆူပါတို့ ပါ၀င်သည်။

 

* ယူရီးယားသည် ရေတွင်အလွယ်တကူပျော်၀င်သည့်အတွက် လိုအပ်သလောက် အကြိမ်ကြိမ်ခွဲ သုံးစွဲသင့်သည်။

 

* တီစူပါသည် ရေတွင်အနည်းငယ်သာ ဖြည်းဖြည်းချင်း ပျော်၀င်ပါသည်။

 

* ဓါတုမြေဩဇာများသည် ကန်အောက်‌ခြေမြေသားများနှင့် အလွယ်တကူဓာတ်ပြုနိုင်၍ လျင်မြန်စွာ ဆုံးရှုံးနိုင်သည်။

 

* အသုံးပြုမှုများသွားလျှင်လည်း ရေဩဇာများအတက်များသွားပြီး ကန်၏ ရေအရည်‌အသွးကို အကြီးအကျယ်ဒုက္ခပေးနိုင်သည်။

 

(၃) အစာကျွေးခြင်း

 

* ငါးအစာကျွေးများခြင်းသည် ကန်၏ရေအရည်အသွေးအား လျင်မြန်စွာ ကျဆင်းစေပါသည်။

 

* ငါးအစာအလေအလွင့်များပြိုကွဲရာမှ မလိုအပ်သော ဓာတုဓာတ်ပြုမှုများ ဖြစ်ပေါ်လာနိုင်သည်။

 

* ငါများစွန့်ထုတ်သော မစင်များမှလည်း အမိုးနီးယားဓာတ်ငွေ့များထွက်လာပြီး ငါများကိုဒုက္ခပေးပါသည်။

 

* ထို့ကြောင့်အစာကို ငါးများစားနိုင်သလောက်သာ သေချာတွက်ချက် ကျွေးမွေးရန် လိုအပ်ပါသည်။

 

(၄) လေပေးခြင်း

 

‌*ငါးမွေးမြူရေးကန်များတွင် လေပေးခြင်းဖြင့် ငါးကန်၏ အောက်ဆီဂျင်ကို ပိုမိုပေါကြွယ်၀စေပါသည်။

 

*ကန်ကြပ်မွေးသည့်ငါးကန်များတွင် လေပေးဒလက် တပ်စေခြင်းဖြင့် အစာကျန်များနှင့် အညစ်အကြေးများကို ကန်အလယ်တွင်စုပုံစေပြီး ငါးအစာကျွေးသည့်နေရာအား သန့်စင်စေပါသည်။

 

(၅) ကန်ရေလဲလှယ်ခြင်း

 

*ကန်ရေလဲလှယ်ခြင်းသည် ကန်ရေ၏ အပူချိန်ကို ထိန်းချုပ်နိုင်သည်။

 

*ကန်ရေကိုလှုပ်ရှားစေသည့်အတွက်လည်း အောက်ဆီဂျင်ကို ပေါကြွယ်၀စေသည်။

 

*နိုက်ထရိတ်နှင့် နိုက်ထရိုက်ကဲ့သိုသောအန္တရာယ်ရှိသောအ‌ခြေအနေများအားကြိုတင်ကာကွယ်ပြီးသား ဖြစ်စေသည်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


East West Seed Myanmar ကြော်ငြာ

မြန်မာ့နှစ်ဦးချိန်ခါသမယမှာ တောင်သူဦးကြီးမိတ်ဆွေများနှင့်အတူ မြန်မာပြည်သူပြည်သားအပေါင်း ကျန်းမာချမ်းသာကြပါစေကြောင်း East-West Seed (မြားနီ မျိုးစေ့ ကုမ္ပဏီက. ဆုတောင်းမေတ္တာပို့သ အပ်ပါသည်...တောင်သူဦးကြီးမိတ်ဆွေများ၏အကျိုးကို အစဥ်ရှေးရှုလျှက် မြန်မာ့ရေ မြေ ရာသီဥတု နှင့် ကိုက်ညီမှု အထွက်နှုန်းကောင်းမွန်မှု သီးနှံအရည်အသွေးကောင်းမွန်မှု ပိုးမွှားရောဂါ ဒဏ်ခံနိုင်ရည်ရှိမှု စသည့်အချက်များကို သုတေသနပြု စမ်းသပ်ပြီး အောက်ဖော်ပြပါ အရည်အသွေးမြင့်မျိုးများကို မိတ်ဆက်ပေးလိုက်ရပါတယ် ခင်ဗျာ.........
Read more East West Seed Myanmar Facebook page သို့သွားရန်

ဆွေးနွေးချက်များ

ဆွေးနွေးရန်