မွေးမြူရေးငါးကို ဘယ်လိုနည်းလမ်းတွေနဲ့ အစာကျွေးမလဲ?

ငါးမွေးမြူသူတွေအနေနဲ့ မိမိထည့်သွင်းမွေးမြူထားတဲ့ ငါးမျိုးစိတ်များနဲ့ ငါးမွေးမြူတဲ့နည်းစနစ်ပေါ်မူတည်ပြီး ငါးအစာကျွေးတဲ့နည်းလမ်း အမျိုးမျိုးရှိပါတယ်။ မိမိသတ်မှတ်ထားတဲ့ ပုံမှန်နေရာ ၄ နေရာ (သို့) ၆နေရာမှာ အညီအမျှ ကြဲပက်ပြီး အစာကျွေးခြင်း၊ ကန်ဘောင်မှ ၆ ပေ သို့ ၁၀ပေခန့်ရှည်တဲ့ လူသွားလမ်း(သို့) တံတားပြုလုပ်ပြီး အစာကို ကြဲပက်ခြင်း၊ ကန်အလယ်မှာ စင်လုပ်ပြီး ပက်ကျွေးမွေးခြင်း၊ အစာဗန်းလုပ်ပြီး ကျွေးခြင်း၊ အရွယ်အစားကြီးတဲ့ကန်တွေအတွက် ကြိုး ၂ ချောင်း (သို့) ၃ ချောင်းကို ကန်ရဲ့ အရှည်အတိုင်းတားစေပြီး ၎င်းကြိုးလေးများ အရှည်အတိုင်းလှေဖြင့်ဖြစ်စေ ဝါးဖောင်ဘောဖြင့် အစာကျွေးနိုင်ပါတယ်။

အစာကျွေးချိန်နှင့် အကြိမ်ရေ

ငါးကျပ်သားခန့် အရွယ်အထိ တစ်နေ့သုံးကြိမ်ခန့်၊ ငါးကျပ်သားကျော်ရင် ဖမ်းဆီးရောင်းချချိန်အထိတစ်နေ့ နှစ်ကြိမ် ကျွေးနိုင်ပါတယ် ။(အကောင်းဆုံးပျော်ဝင်အောက်ဆီဂျင်ပမာဏ- ၅-၇ မီလီဂရမ်/၁ လီတာ) ငါးကန် ရေရဲ့အပူချိန် အတက်အကျဟာလည်း အစာစားနှုန်းကိုလျော့ကျစေပါတယ်။ (အကောင်းဆုံး အပူချိန်အတိုင်းအတာ ၂၅-၃၂ ဒီဂရီစင်တီဂရိတ်) အကယ်၍ ရေရဲ့အပူချိန်ဟာ ၂၀-၂၄ ဒီဂရီစင်တီဂရိတ်၊ ၁၆-၁၉ ဒီဂရီစင်တီဂရိတ်နဲ့ ၃၃-၃၈ ဒီဂရီစင်တီဂရိတ် အတွင်းရှိရင် ပုံမှန်ကျွေးနေကျ အစာပမာဏရဲ့ ၈၀ ရာခိုင်နှုန်း၊ ၆၀ ရာခိုင်နှုန်းအထိလျှော့ပြီး ကျွေးသင့်ပါတယ်။ မနက်ပိုင်းနေထွက်ပြီး နှစ်နာရီခန့်အကြာမှာ နေ့စဉ်ကျွေးရမယ့် ပမာဏရဲ့ ၆၀-၆၅ ရာခိုင်နှုန်း (တစ်နေ့လုံး ကျွေးရမယ့် အစာရဲ့တစ်ဝက်ကျော်)ကို ကျွေးပြီး ညနေနေမဝင်မီ နှစ်နာရီခန့်အလိုမှာ ကျန် ၃၅-၄၀ရာခိုင် နှုန်းကို ကျွေးသင့်ပါတယ်။ ငါးကန်ရေရဲ့ အရည်အသွေးဟာ မိုးဆက်တိုက်ရွာတဲ့နေ့တွေမှာ အပြောင်းအလဲမြန်တဲ့အတွက် ငါးများအစာစားနှုန်း လျော့ကျလေ့ရှိပါတယ်။

အစာကျွေးချိန်တွင် ငါးကျန်းမာရေးအခြေအနေစစ်ဆေးခြင်း

အစာကျွေးချိန်မှာ ငါးများထင်သလောက်မတွေ့ရှိပါက ကျွေးတဲ့အစာကို မကြိုက်/မနှစ်သက်ကြောင်း သိနိုင်ပါတယ်။ ငါးအစာစားနည်းရတဲ့ အကြောင်းအရင်းတစ်ခုမှာ ရေအရည်အသွေးမကောင်းခြင်းကြောင့်လည်း ဖြစ်နိုင်ပါတယ်။ ငါးများကျန်းမာသန်စွမ်းမှုရှိ/မရှိ အခြေအနေကို ငါးနမူနာ ကောက်ယူတဲ့ အချိန်မှာလည်း စစ်ဆေး ကြည့်ရှုနိုင်ပါတယ်။ ဦးခေါင်းပိုင်းဟာ ကိုယ်ထည်ပိုင်းထက်ကြီးနေတဲ့ အနေအထားတွေ့ရှိရင် အစာပြတ်လပ်မှု၊ မလုံလောက်မှု ဖြစ်နေကြောင်း သိရှိနိုင်ပါတယ်။ အရည်အသွေးညံ့တဲ့အစာ (ဗီတာမင်၊ သတ္တုဓာတ်နဲ့ အခြား အာဟာရဖြစ်စေတဲ့ ကုန်ကြမ်းများမပါဝင်တဲ့ငါးစာ)များသာ စားသုံးရသဖြင့် သန်စွမ်းမှုမရှိခြင်းကြောင့် အစာစားတာ ရပ်တန့်သွားနိုင်ပါတယ်။ ခန္ဓာကိုယ်နဲ့ အမြီးများကောက်ကွေးနေခြင်း၊ ဦးခေါင်းပိုင်းနိမ့်ဆင်းနေခြင်းစတဲ့ လက္ခဏာတွေဟာ ငါးများကျန်းမာသန်စွမ်းမှုရှိ၊ မရှိအခြေအနေကို ဆုံးဖြတ်တဲ့အခါ ထည့်သွင်း စဉ်းစားရမယ့်အချက် ဖြစ်ပါတယ်။

အစာပမာဏ

အစာကျွေးရမယ့်ပမာဏဟာ ငါးရဲ့အလေးချိန်၊ ငါးအမျိုးအစားနဲ့ နေထိုင်တဲ့ ပတ်ဝန်းကျင်ပေါ်မှာ မူတည်ပါတယ်။ စကျွေးတဲ့အဆင့်မှာ ငါးရဲ့အလေးချိန်နဲ့ အစာကျွေးနှုန်းအချိုးအစားကို ရေပေါ်စာနဲ့ ရေမြုပ်စာနှစ်မျိုးလုံးအတွက် လိုက်နာဆောင်ရွက်သင့်ပါတယ်။ အဲဒီအဆင့်ကို လွန်ရင် ရေပေါ်စာကို မိနစ် ၃၀ခန့်အတွင်း ငါးစားတဲ့ အစာပမာဏပေါ်မူတည်ပြီး အစာကျွေးနှုန်းကို သတ်မှတ်နိုင်ပါတယ်။ ဆိုလိုသည်မှာ အစာ ၆ ပိဿာခန့်ကျွေးပြီး နာရီဝက်ခန့်ကြာတဲ့အခါ ၇၀ရာခိုင်နှုန်း(၄ပိဿာကျော်ခန့်) ငါးစားသုံးကြောင်းတွေ့ရှိရပါက နောက်ပိုင်းအစာ ကျွေးရင် ၎င်းနှုန်းအတိုင်း( ၆ ပိဿာ၏ ၇၀ရာခိုင်နှုန်း - ၄ ပိဿာကျော်) ဆက်ပြီး ကျွေးနိုင်ပါတယ်။ အကယ်၍ ငါးဟာ မိနစ်၃၀အတွင်း ကျွေးတဲ့အစာအားလုံး(၆ ပိဿာ-ဤဥပမာအရ) ကိုကုန်အောင် စားသုံးကောင်းစားသုံး နိုင်မှာဖြစ်ပါတယ်။

အစာစိမ်(အရွက်စိမ်း)ကျွေးနည်းစနစ်

မြက်စားငါးကြင်းနဲ့ ငါးခုံးမငါးမျိုးစိတ်တွေကို အခြားငါးမျိုးတွေနဲ့ ရောနှောမွေးမြူရင် အစာစိမ်း (မြက်/ အရွက်)များ ကျွေးခြင်းဟာ ငါးထုတ်လုပ်မှုကို ပိုမိုကောင်းမွန်စေပါတယ်။ မြက်စားငါးကြင်းဟာ အစာစိမ်း (အရွက်စိမ်း) တွေကို ၎င်းခန္ဓာကိုယ်အလေးချိန်ရဲ့ ၄၀ မှ ၅၀ ရာခိုင်နှုန်းနဲ့ ညီမျှတဲ့ ပမာဏကို စားနိုင်ပါတယ်။ မြက်စားငါးကြင်းကို အစာကျွေးရင် ရေပေါ်ပေါ်တဲ့ လေးထောင့်(သို့) အဝိုင်းပုံ ဘောင်ခတ်ပြီး ၎င်းဘောင်အတွင်း အစာကျွေးသင့်ပါတယ်။ အစာကျွေးမယ့်ဘောင်ကို ကန်ဘောင်မှ ၃ ပေ မှ ၆ ပေ ကွာခန့်မှာ ထားနိုင်ပါတယ်။ ငါးစာကျွေးမယ့် ဘောင်အကျယ်အဝန်းမှာ ဝ.၃ဧက ကျယ်ဝန်းတဲ့ ငါးကန်အတွက် ၃ ပေပတ်လည်ခန့် ရှိသင့်ပါတယ်။ ခုတ်စင်းထားတဲ့ အပင် အရွက်တွေကို ၎င်းအစာကျွေးဘောင်ထဲမှာထည့်ပြီး ကျွေးနိုင်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...