ငရုတ်ကောင်းဈေးကွက် ရေရှည်ခိုင်မာမှုရှိစေဖို့

မေး - ငရုတ်ကောင်းဈေးကွက် ရေရှည်ခိုင်မာစေဖို့နဲ့ အထွက်နှုန်းကောင်းမွန်ပြီး အရည်းအသွေးစံချိန်မီငရုတ်ကောင်းတွေ စိုက်ပျိုးထုတ်လုပ်နိုင်စေဖို့အတွက် နိုင်ငံတော်တာဝန်ရှိသူ အသီးသီး၊ ကုန်သည်ပွဲစားများ၊ စိုက်ပျိုးထုတ်လုပ်သူ တောင်သူများ) အနေနဲ့ ဘယ်လိုနည်းလမ်းတွေကို ကြိုးပမ်းလုပ်ဆောင်သင့်ပါသလဲ?

ဖြေ - ငရုတ်ကောင်းက နှစ်ရှည်ပင်လည်းဖြစ်တယ်။ ပြည်တွင်းပြည်ပ ဈေးကွက်လိုလားမှုရှိတဲ့ ကုန်ခြောက်သီးနှံ အမျိုးအစားလည်း ဖြစ်တယ်။ စိုက်ပျိုးပြီး (၃) နှစ်သားအရွယ်မှာ စီးပွားဖြစ်ငရုတ်ကောင်းတွေ ထုတ်လုပ်ရောင်းချနိုင်တယ်။ (၄) နှစ်သားအရွယ် အပင်တစ်ပင်ရဲ့အထွက်နှုန်းက ငရုတ်ကောင်းစေ့အခြောက် တစ်ပိဿာကနေ (၅) ပိဿာအထိရနိုင်တယ်။ ဒါ့ကြောင့်မို့ တောင်သူတွေအနေနဲ့ ကိုယ့်ခြံက ငရုတ်ကောင်းတွေကို အထွက်နှုန်းမကျဆင်းချင်ဘူးဆိုရင် စနစ်တကျ ရေပေးဝေပါ၊ လိုအပ်ရင် လိုအပ်သလို မှိုသတ်ဆေး ဖြန်းပေးပါ၊ အပင်ကို သူ့အချိန်နဲ့သူ အစာအာဟာရ ကျွေးပေးပါ။ နေရောင်ခြည်ကို တစ်ဝက်တစ်ပျက် အရိပ်(၅၀%အရိပ်)ထားပေးပါ။ နေရောင်ခြည်လုံးဝမရဘဲ အရိပ်ထဲမှာချည်းနေရတာကို ငရုတ်ကောင်းပင်က မကြိုက်ဘူး။ ၁၀၀% ပြည့် နေရောင်ခြည် ကျနေတာမျိုးကိုလည်း မကြိုက်ပါဘူး။

    ပြည်တွင်းဈေးကွက်မှာ ငရုတ်ကောင်းဝယ်လိုအားများပြားတာကြောင့် ကုန်သည်တွေက နှစ်စဉ် ဗီယက်နမ်နိုင်ငံကနေ ငရုတ်ကောင်းတွေတင်သွင်းကြတယ်။ အသီးကောင်းတွေသာမက အရည်အသွေးမပြည့်မီတဲ့ Reject သီး(အပယ်သီး)တွေကိုပါ တင်သွင်းနေကြတယ်။ ပြည်တွင်းက စိုက်ပျိုးသူတွေအနေနဲ့ ပြည်တွင်းစားသုံးမှုဖူလုံအောင် စိုက်ပျိုးထုတ်လုပ်နိုင်ဖို့ လိုအပ်နေပါပြီ။ အရည်အသွေးလည်း ကောင်းဖို့လိုသလို၊ အထွက်နှုန်းလည်းများဖို့ဆိုရင် မူလလက်ဟောင်း ငရုတ်ကောင်းမျိုးဟောင်းနဲ့ အဆင်မပြေပါဘူး။ အထွက်နှုန်းကောင်းတဲ့ မျိုးကောင်းရရှိဖို့ အရေးကြီးပါတယ်။ စိုက်ပျိုးနည်းစနစ် အပိုင်းကိုလည်း နားလည်ရပါမယ်။ ငရုတ်ကောင်းသီးနှံ ရေရှည်ဈေးကွက်ခိုင်မာမှုရရှိစေဖို့ဆိုရင် နိုင်ငံတော်နဲ့ သက်ဆိုင်ရာတာဝန်ရှိသူ အသီးသီးတွေရဲ့ ပံ့ပိုးကူညီမှုတွေကိုလည်း အများကြီးလိုအပ်နေပါတယ်။ လိုအပ်တဲ့အပိုင်းတွေမှာ ပံ့ပိုးကူညီပေးပါလို့လည်း မေတ္တာရပ်ခံ အကြံပြုလိုပါတယ်။ အထွက်နှုန်းကောင်းတဲ့ မျိုးကောင်းမျိုးသန့် ဗီယက်နမ် ငရုတ်ကောင်းမျိုး စီလွန်(Ceylon) ကို ကိုယ့်ပြည်တွင်းမှာ ပြောင်းလဲစိုက်ပျိုးနိုင်ဖို့အတွက် ကျွန်တော်တို့ KKO Pepper - ငရုတ်ကောင်း စိုက်ပျိုးထုတ်လုပ်ရေးနှင့် နည်းပညာဖြန့်ဝေရေးမှလည်း လိုအပ်တဲ့နည်းပညာနဲ့မျိုးကောင်းမျိုးသန့်တွေ တတ်စွမ်းသလောက် ကူညီပေးသွားမှာဖြစ်ပါတယ်။ အိမ်နီးချင်းနိုင်ငံတွေအနက် မြန်မာနိုင်ငံရဲ့ ရေမြေရာသီဥတုဟာ မျှတကောင်းမွန်တဲ့အထဲ ပါဝင်ပါတယ်။ ငရုတ်ကောင်းတွေကို နှစ်စဉ် အိမ်နီးချင်းနိုင်ငံက တင်သွင်းနေပြီး ကိုယ့်နိုင်ငံတွင်းမှာ တစ်ပိဿာကို (၆၅၀၀)ကျပ်ကနေ (၁၀၀၀၀)ကျပ်နဲ့ ရောင်းချနေမယ့် အစား၊ ကိုယ့်ပြည်တွင်းမှာတင် စိုက်ပျိုးထုတ်လုပ်နိုင်အောင် ကြိုးပမ်းပြီး ဒီဈေးနှုန်းနဲ့ ရောင်းနိုင်စေချင်ပါတယ်။

    ပြည်တွင်းက ရင်းနှီးမြှုပ်နှံသူတွေ အနေနဲ့လည်း ဈေးကွက်လိုအပ်ချက်အရ တွက်ချေကိုက်တဲ့ ငရုတ်ကောင်းစိုက်ပျိုးရေးကို စိတ်ပါဝင်စားလာစေချင်ပါတယ်။ ပြည်တွင်းမှာ ရေ၊ မြေ သဘာဝတွေ ကောင်းမွန်နေရဲ့သားနဲ့ ပြည်ပကငရုတ်ကောင်းတွေကို နှစ်စဉ်တင်သွင်းနေရတဲ့ ဖြစ်စဉ်မျိုးတွေကနေ ကင်းလွတ်အောင် စိုက်ဧကတွေ တိုးချဲ့စိုက်ပျိုးကြစေလိုပါတယ်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်