နတ်မတောင် သဘာဝဘေးမဲ့ ဥယျာဉ် ဧရိယာပါ တောင်တန်း တစ်ခုတွင် သစ်တောသစ်ပင် မရှိတော့ဘဲ ပြောင်တလင်းခါဖြစ်နေပြီဟုဆို

နတ်မတောင် ဘေးမဲ့ သဘာဝ ဥယျာဉ်ဧရိယာထဲတွင် ပါဝင်နေသော ၁၂ မိုင်တောင်ခြေစခန်းအနီးရှိ ကျေးရွာတစ်ဝိုက်မှ တောင်တန်းများတွင် သစ်တောသစ်ပင်ဟူ၍ မရှိတော့ဘဲ ပြောင်တလင်းခါ နေပြီဖြစ်ကြောင်း ကိုယ်တိုင် မြင်တွေ့ခဲ့ရသော သဘာဝ အခြေခံ ခရီးသွားဧည့်လမ်းညွှန် တစ်ဦးက ဓာတ်ပုံနှင့် တကွ ၄.၄.၂၀၁၅ ရက်တွင် ထုတ်ဖော်ပြောကြားသည်။ ၎င်းအနေဖြင့် ယင်းလမ်းကြောင်းကို နှစ်စဉ်နီးပါး သဘာဝအခြေခံ တောင်တက် ခရီးသွားများအား ဧည့်လမ်းညွှန်အဖြစ် လိုက်လံပို့ဆောင် ပေးနေခဲ့ရာတွင် ယခုနှစ်၌ ယင်းကဲ့သို့ ပြောင်တလင်းခါနေသော မြင်ကွင်းကို မြင်ခဲ့ရခြင်းဟု ဆိုသည်။ “အဲဒီနေရာက နတ်မတောင် သဘာဝ ဧရိယာထဲမှာ ပါတယ်။ ပြောရရင် ၁၂ မိုင် စခန်းနားက ကျေးရွာ တစ်ဝိုက်မှာ ပါပဲ” ဟု ဧည့်လမ်းညွှန် ကိုစိုင်းကျော်သူထွေးက ပြောသည်။ အဆိုပါ တောင်တက် ခရီးစဉ်ကို ခရီးသည် ၁၀ ဦးကျော်အား ၎င်းက မတ်လ နောက်ဆုံးပတ်တါင် လိုက်လံပို့ဆောင်ပေးခဲ့ခြင်းဖြစ်ပြီး ကမ္ဘာလှည့် ခရီးသွားများကိုယ်တိုင်က ယင်းမြင်ကွင်းအပေါ် မေးခွန်းထုတ်ကြသည်ဟု ဆိုသည်။ “ဒါကို ဘယ်သူတွေက လုပ်တာလဲ။ တားဆီးမည့်သူ မရှိတော့ဘူးလား။ သဘာဝပတ်ဝန်းကျင်ကို ထိခိုက်စေတာ မသိဘူးလား ဆိုတဲ့ မေးခွန်းတွေပေါ့” ဟု ကိုစိုင်းကျော်သူထွေးက ပြောသည်။

အဆိုပါ မြေဧရိယာမှာ ဧက သောင်းဂဏန်းခန့်ရှိမည်ဟု ၎င်းက ခန့်မှန်းထားပြီး ယခင် အခေါက်များလာစဉ်က သစ်တောသစ်ပင်ကြီးများအပြင် သိသာထင်ရှားစေသည့် ငှက်ပျောတောကြီးမှာ ဧက သောင်းဂဏန်းခန့် ရှိနေသည်ဟု ဆိုသော်လည်း ယခုမူ ပြောင်တလင်းခါနေသည်ကို အံ့သြစွာတွေ့ရခြင်းဟု ဆိုသည်။

“ကျွန်တော် စုံစမ်းကြည့်လိုက်တော့ ဝဥစိုက်ဖို့အတွက် ဒေသခံတွေနဲ့ ကုမ္ပဏီတွေက တောင်ခြေအပင်တွကို ရှင်းပစ်တာလို့ ပြောတယ်။ ခက်တာက သဘာဝပတ်ဝန်းကျင် ထိန်းသိမ်းဧရိယာထဲ အထိလာပြီး ရှင်းပစ်နေတာက ဆိုးတာပေါ့” ဟု ၎င်းက ဆိုသည်။ နတ်မတောင်၏ အဆိုပါ မြင်ကွင်းကို လူမှုကွန်ရက်၌် တင်ပြလိုက်စဉ်တါင် ကြည့်ရှုသူကွန်ရက် အသုံးပြုသူများက အံ့အားသင့်ကြောင်းနှင့် ယင်းနေရာကို ရောက်ဖူးသူ အချို့ကလည်း ယင်းမြင်ကွင်းကို မျှောင့်လင့်မထားမိကြောင်း ပြောဆိုကြသည်။ “ဒီအတိုင်းဆက်ပြီး ရှင်းနေရင် တောင်တစ်တောင်လုံး ပြောင်သွားနိုင်တယ်” ဟု ကိုစိုင်းကျော်သူထွေးက ဆိုသည်။

အေဝိုင်အီး

REF: The Voice Daily news journal

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်