ကြက်သွန်ဖြူ ကြက်‌ဆေး

ကြက်သွန်ဖြူဟာ လူတွေအတွက် အအေးမိခြင်းနဲ့ တုပ်ကွေးဖြစ်ခြင်းကနေ ကာကွယ်ပေးနိုင်သလို ကြက်တွေ အတွက်လည်း ခုခံအားစနစ်ကို မြှင့်တင်ပေးနိုင်ပါတယ်..။

ကြက်သွန်ဖြူကို ရှေးခေတ်အီဂျစ်လူမျိုး‌‌‌တွေက ဆေးအဖြစ် အသုံးပြုခဲ့ကြသလို ယနေ့ခေတ်မှာလည်းကျန်းမာရေးဖြည့်စွက်ဆေးအဖြစ် လူသိများလာပါတယ်..။

ကြက်သွန်ဖြူကို စားသုံး‌ပေးရင် ကင်ဆာရောဂါဖြစ်နိုင်ချေနည်းပြီး နှလုံးရောဂါဖြစ်နိုင်ချေကိုလည်း လျော့ကျစေပါတယ်..။ ဒါ့အပြင် ကိုလက်စထရောနဲ့ သွေးဖိအားကိုလည်း ‌‌လျှော့ချပေးနိုင်တဲ့ အကျိုးကျေးဇူး‌တွေလည်း ရှိတယ်လို့ ဆိုပါတယ်..။

အဲ့လို လူ‌‌တွေအတွက် ကျန်းမာ‌ရေးအကျိုးများတဲ့ ကြက်သွန်ဖြူဟာ ကြက်‌မွေးမြူ‌ရေးမှာလည်း ‌ဆေးအဖြစ် အသုံးတည့်ပြီး ဘယ်လိုမျိုးအသုံးတည့်တာလဲ ဆိုတာကို ‌ဖော်ပြပေးသွားပါမယ်..။

ကြက်သွန်ဖြူဟာဆိုရင် ကြက်‌‌တွေအတွက် ရောဂါပိုး ကူးစက်ခြင်းနဲ့ အသက်ရှူလမ်းကြောင်းဆိုင်ရာ ပြဿနာတွေကို ကာကွယ်ပေးသလို အစာစားချင်စိတ်နဲ့ကြက်ဥအရွယ်အစားအ‌ပေါ်ကိုလည်း ကောင်းမွန်တဲ့ သက်ရောက်မှုတွေ ရှိပါတယ်..။

ဘယ်လိုပုံစံနဲ့ အသုံးပြုနိုင်မလဲ..

ကြက်အစားအစာထဲမှာ ထည့်သွင်းအသုံးပြုနိုင်ပါတယ်..။ ဒါပေမဲ့ ဘယ်အရာမဆို သေချာပြင်ဆင်ပြီးမှသာ ဂရုပြုလုပ်ဆောင်သင့်လို့ ကိုယ်‌ကျွေးမယ့်အစားအစာကို ကြက်တွေအနေနဲ့ ယဉ်ပါးလာအောင် အရင်ပြုလုပ်ထားသင့်ပါတယ်..။

ဘယ်လို‌နေရာ‌တွေမှာ အသုံးပြုနိုင်သလဲ...

- သေးငယ်တဲ့ဒဏ်ရာတွေနဲ့ ပွန်းပဲ့ဒဏ်ရာတွေ သက်သာ‌စေဖို့အတွက် ကြက်သွန်ဖြူကို ကြက်ရဲ့အရေပြားမှာ ပွတ်လိမ်းပေးနိုင်ပါတယ်..။

- ကြက်သွန်ဖြူကို ကြိတ်ပြီး အစာထဲမှာ ထည့်ပြီးလည်းအသုံးပြုနိုင်ပါတယ်..။ အဲ့ဒီလို ‌ကျွေး‌‌ပေးရင် ကြက်ရဲ့အူအတွင်းရှိ ကပ်ပါးကောင်တွေကို လျော့ပါးစေပါတယ်..။ ဒါပေမဲ့ တီကောင်စတာတွေနဲ့ ရောမကျွေးဖို့တော့ တားမြစ်လိုပါတယ်..။

- ကြက်သွန်ဖြူထည့်‌ကျွေးမယ်ဆိုရင် ကြက်သွန်ဖြူလေးမြွှာလောက်ကိုပဲ ကြက်သောက်သုံးရေထဲ ထည့်ကာ တစ်ပတ်ကို နှစ်ကြိမ်လောက်ပဲ တိုက်‌ကျွေး‌ပေးပါ..။ နောက်ပြီး တခြားအစာနဲ့ ကြက်သွန်ဖြူအမှုန့်ကို ရော‌‌ကျွေးမယ်ဆိုရင် တခြားအစာမှုန့် ‌ပေါင် ၅၀ ဆိုရင် ကြက်သွန်ဖြူအမှုန့် ၁.၅ ပေါင်နှုန်းနဲ့ ထည့်‌ကျွေးပါ..။ ၂၀ Kg ဆိုရင် ကြက်သွန်ဖြူအမှုန့် ဝ.၆ Kg နှုန်းနဲ့ ထည့်‌ကျွေးရပါမယ်..။

အရသာစမ်းသပ်သူတွေက‌တော့ ကြက်သွန်ဖြူ‌ကျွေးတဲ့ ကြက်မတွေရဲ့ ကြက်ဥတွေဟာ ပိုမိုနူးညံ့တဲ့ အရသာရှိတယ်လို့ ပြောကြပါတယ်..။ သုတေသီ‌တွေကတော့ ကြက်သွန်ဖြူဟာ ကြက်ဥနဲ့ ကြက်ချေးတွေမှာ ဆာလ်ဖာပါဝင်မှုကို တစ်နည်းနည်းနဲ့လျော့နည်းစေတယ်လို့ ဆိုပါတယ်..။

ကြက်မွေးမြူသူ‌‌တွေအနေနဲ့ ကြက်ခြေထောက်ကို ကြက်သွန်ဖြူနဲ့ ပွတ်တိုက်ပြီး ကပ်ပါး‌ကောင်တွေကို ကာကွယ်တဲ့‌နေရာမှာလည်း အသုံးပြုနိုင်ပါ‌တယ်တဲ့..။

Ref; Dr.Myo Zaw ၏ "ကြက်မွေးမြူရေးနှင့် ကြက်သွန်ဖြူ" အကြောင်းမှ ကောက်နုတ်ဖော်ပြပါသည်..။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...