ငါးကွမ်းရှပ် ( Mackerel Fish )

  ငါးကွမ်းရှပ်ငါးကို အင်္ဂလိပ်လို Spanish Mackerel ဟုသိရသည်။ မြန်မာလို ငါးကွမ်းရှပ် ( ခေါ် ) ငါးညို့ဟုလည်း လူသိများကြပါသည်။ ငါးကွမ်းရှပ်ငါးများမှာ ရေပေါ်ရေလွှာနေ ( Pelagic Fish ) များဖြစ်ကြပြီး ရေငန်ဒေသ ၊ ရေချိုရေငန်စပ်ဒေသများတွင် တွေ့ရများသည်။

   ငါးကွမ်းရှပ်ငါးမှာ အကြေးခွံမပါတဲ့ အကြေးခွံမဲ့ ( scaleless ) ငါးတစ်မျိုးဖြစ်သည်။ အရိုးနည်းပြီး အသားများကာ အရသာထူးခြားကောင်းမွန်လှပါသည်။ အိန္ဒိယ၊ ဘင်္ဂလားဒေ့ရှ်၊ ဟောင်ကောင်၊ ဂျပန်၊ ထိုင်း စတဲ့နိုင်ငံတွေမှာလည်း တွေ့ရှိရပါသည်။

    ငါးကွမ်းရှပ်ငါး ( Mackerel  Fish ) များမှာ အသားစား ( Carnivorous ) များဖြစ်ကြပြီး ငါးငယ်များ၊ ပုစွန်၊ ကင်းမွန် စတဲ့ အခွံမာရေသတ္တဝါများကို သူတို့၏အစာအဖြစ် စားသုံးကြပါသည်။ ငါးကွမ်းရှပ်အမမှာ ဥပေါင်း (၅ – ၁၅ ) သိန်းခန့်ထိ ဥဥနိုင်ကြပါသည်။

    ငါးကွမ်းရှပ်ငါးမှာ လူသားတို့၏ ကျန်းမာရေးအတွက် အလွန်အကျိုးပြုတဲ့ ငါးတစ်မျိုးလည်းဖြစ်သည်။ ငါးကွမ်းရှပ်ကို စားခြင်းအားဖြင့် လူတို့၏သွေးအတွင်းရှိ သကြားဓာတ်ကို လျော့ချပေး၏။ လူသားတို့အတွက် မရှိမဖြစ်လိုအပ်သည့် Omega – 3 fatty acids ကိုလည်း ရရှိစေပါသည်။

    ငါးကွမ်းရှပ်ငါးဟင်းလျာများမှာ ငါးကွမ်းရှပ်ငါးကြော်နှပ်၊ ငါးကွမ်းရှပ်ငါးဆုပ်လုံးဆီပြန်၊ ငါးကွမ်းရှပ်သောက်ဆမ်း/ မွန်ဟင်း၊ ငါးကွမ်းရှပ်ရေညှိလိပ်၊ ငါးကွမ်းရှပ်ခြောက်ဆီပြန်ရေကျန်ဟင်း စသည်တို့ဖြစ်သည်။ ထို့ပြင် ငါးကွမ်းရှပ်ငါးခြောက်ဆားပေါ့များမှာ ဈေးကောင်းလှသလို ငါးကွမ်းရှပ်ငါးဖြင့် ပြုလုပ်ထားသော ငါးမုန့်မှာလည်း အရသာကောင်းမွန်လှပေသည်။ ရွာဓလေ့အလှူများတွင်လည်း ငါးခြောက်ထောင်းကြော်၊ ငါးခြောက်နှပ်ဟင်းလျာများအတွက် ငါးကွမ်းရှပ်ငါးခြောက်ကို အများဆုံးအသုံးပြုကြပါသည်။

ငါးကွမ်းရှပ်ငါးကို -

    Phylum ( မျိုးပေါင်းစု ) - Chordata

     Class    ( အမျိုးအစား ) - Actinopte rygii

     Order   ( မျိုးစဥ် )        -  Scombriformes

     Family ( မျိုးရင်း )      -  Scombridae

     Genus  ( မျိုးစု )         -  Scomberomorus

     Species ( မျိုးစိတ် )    -  Scomberomorus guttatus

     English Name (အင်္ဂလိပ် ) -Spanish Mackerel ဟူ၍ဖြစ်ပါသည်။

ပင်လယ်ပြာ ( ငါးဦးစီး )

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်