"" ငါးပုဏ္ဏား Mango Fish or Paradise Threadfin"

15/11/2019 15:00 PM တွင် ကမ္ဘာ့ငါးအဖွဲ့ ကမ္ဘာ့ငါးအဖွဲ့ မှ ရေးသား ပြီး WorldFish WorldFish မှ ပေးပို့ထားပါသည်။

 

ငါးပုဏ္ဏားမှာ အကြေးခွံပါသောငါးဖြစ်ပြီး နှုတ်ခမ်းမွှေးရှည်ရှည်နှင့် အသားနူးညံ့တဲ့ငါးဖြစ်ပါသည်။ ငါးရဲ့အရောင်က ရွှေနီရောင်သန်းနေပြီး နှုတ်ခမ်းမွှေးကအမြီးထိရှည်သည်။

ရေချိုပိုင်းတွင် အများဆုံးတွေ့ရပြီး ရေချိုရေငန်စပ်၊ ရေငန်ပိုင်းတွင်လည်း တွေ့ရသည်။ကရင်ပြည်နယ်၊ သံလွင်မြစ်ကြောင်းတွင်လည်း သိပ္ပံအမည် polynemus paradiseus ငါးပုဏ္ဏားမျိုးစိတ်ကို တွေ့ရှိရသည်။ မျိုးပေါင်းစု (phylum)-Chordata မှဆင်းသက်လာပြီး အင်္ဂလိပ်အမည်- Mango fish or Paradise Threadfin ဟုသိရသည်။

ငါးပုဏ္ဏားမှာ အများအားဖြင့် အလျား၉လက်မခန့် ထိရှိကြပြီး တန်ဖိုးမြင့်ငါးတွင် ပါဝင်သည်။ ပုစွန်၊ ငါးငယ်စသည်တို့ကို သူတို့ရဲ့အစာအဖြစ်စားကြသည်။

အရိုးနည်းပြီး အသားနူးညံ့သည်။ သူ့တွင် အသားဓါတ်၊ ရေငွေ့ဓါတ် ပါရှိပြီး ထူးခြားချက်မှာ ခေါင်းကိုမဖြတ်ပဲကြော်စားပါက အလွန်နူးညံ့ပြီး ကျက်လွယ်သဖြင့် ကြွပ်ရွပြီးစား၍အလွန်ကောင်းသည်။ ငါးပုဏ္ဏားမှာ အင်အားဖြစ်စေသည်ဟု ယုံကြည်မှုရှိကြ၍ ကလေးသူငယ်နှင့် သက်ကြီးရွယ်အိုတွေကို ဓါတ်စာအနေဖြင့်လည်း ကျွေးကြသည်။

မွန်ပြည်နယ်၊ မော်လမြိုင်ဘက်တွင် ငါးပုဏ္ဏားဆူဆီဟင်းမှာ နာမည်ကြီးသည်။ ငါးပုဏ္ဏားဆူဆီဟင်းမှာ ငါးပုဏ္ဏားကိုကြော်ပြီး ပြန်နှပ်ထားသော ဟင်းတစ်မယ်ဖြစ်သည်။

ငါးပုဏ္ဏားတစ်ပိသာကျပ် (၁၀၀၀၀-၁၃၀၀၀) ဝန်းကျင်ရှိကြပြီး ငါးပုဏ္ဏားအကြွပ်ကြော်၊ဆီပြန်၊ ဆူဆီ၊ အိုးကပ်စသဖြင့်စားသုံးကြသည်။

နှင်းဖြူဖြူ (dof)

Source- AQUADAPT Myanmar