Export လမ်းကြောင်းများမပွင့်သေးသော်လည်း ယခုရက်ပိုင်း ကွမ်းသီးဈေးအနည်းငယ်ပြန်တက်

အိန္ဒိယနိုင်ငံသို့တင်ပို့သည့် Export လမ်းကြောင်းများမပွင့်သေးသော်လည်း ယခုရက်ပိုင်းတွင် ကွမ်းသီးဈေး အနည်းငယ်ပြန်တက်ကြောင်း ကွမ်းသီးဒိုင်များမှ သိရသည်။

ပြီးခဲ့တဲ့ရှေ့တစ်ပတ် နှစ်ပတ်က ကွမ်းသီးအသစ် တစ်ပိဿာကို ၂,၀၀၀ ကျပ်လောက် ဈေးရှိခဲ့တယ်။ အခုတစ်ပတ်မှာ ဈေးနည်းနည်းတက်လာတယ်။ ကွမ်းသီးအဟောင်းဈေးကလည်း ပထမ COVID-19 ကာလတုန်းက တစ်ပိဿာကို ၄,၀၀၀ ကျပ်လောက် ရှိခဲ့တယ်။ အခုရက်မှာ နည်းနည်းပြန်တက်နေတယ်။ COVID-19 ရောဂါမပေါ်ခင် အရင်နှစ်တွေတုန်းကနဲ့ယှဉ်ရင်တော့ အခုတက်တဲ့ဈေးတွေက နည်းနေသေးတယ် ဆိုပေမယ့်လည်း ပြည်ပပို့တဲ့ဈေးကွက်လမ်းတွေ သိပ်မပွင့်သေးတဲ့ ခုလိုကာလထဲမှာတော့ ဒီလောက်ဈေးက တက်တယ်လို့ ဆိုရမှာပါ။ အရင်နှစ်တွေကတော့ ဒီအချိန်ဆို ကွမ်းသီးဈေးက ၄,၀၀၀ ကျပ်နဲ့အထက် ဈေးရှိခဲ့တာပေါ့။

ဟု ရန်ကုန်မြို့၊ ဘုရင့်နောင်ပွဲရုံရှိ ကွမ်းသီးဒိုင်မှ ကိုမျိုးမြင့်လတ် က ပြောသည်။

ကွမ်းသီးအသစ်များ စတင်ထွက်ရှိသည့် ကာလဖြစ်သဖြင့် ဈေးအနည်းငယ် တက်လာခြင်းဖြစ်ပြီး၊ ကွမ်းသီးအထွက်များတတ်သည့် ဒီဇင်ဘာလဝန်းကျင်တွင် ကွမ်းသီးဈေးပြန်လည်ကျဆင်းတတ်ကြောင်း သိရသည်။

အခုရက်ပိုင်းတွေမှာ ကွမ်းသီးအဝယ်လိုက်လာတာကြောင့် ဈေးနည်းနည်းတက်လာတာပါ။ ဒီဇင်ဘာလလောက် ဆိုရင်တော့ ကွမ်းသီးအထွက်များမယ့်အချိန်ဆိုတော့ ဈေးပြန်ကျလောက်ပါမယ်။

ဟု ကိုမျိုးမြင့်လတ်က ဆက်လက်ပြောသည်။

လက်ရှိဈေးကွက်တွင်း ကွမ်းသီးအသစ် တစ်ပိဿာလျှင် (၂,၇၀၀) ကျပ် ဝန်းကျင်၊ ကွမ်းသီးအဟောင်း တစ်ပိဿာလျှင် (၄,၆၀၀) ကျပ်ဝန်းကျင် ဈေးနှုန်းများဖြင့် လက်ကားရောင်းဝယ်ဖောက်ကားနေကြသည်။

ဆောင်းပါးများ/သတင်းများ ပြန်လည်ကူးယူဖော်ပြပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...