“ရွှေဝါငါးကြင်းမွေးမြူရေး”

       ရွှေဝါငါးကြင်းသည် ကိုယ်ထည်ရှည်ပြီး ဘေးတိုက်သင့်ရုံပြား၏။ နှုတ်ခမ်းပုံကို ဆန့်ထုတ်နိုင်၍ နှုတ်ခမ်းချော၏။ သွား(၃)တန်းရှိပြီး မေးရိုးမွှေး (၂) စုံ ရှိပြီး (၁)စုံမှာ အလွန်သေးငယ်သည်။ ရွှေဝါငါးကြင်း၏ မူရင်းဒေသမှာ မြစ်ဖြစ်သော်လည်း နှစ်ပေါင်းများစွာ လူတို့ပြုပြင်သဖြင့် ယခုအခါ ရေချိုကန်၊ ရေလှောင်ကန်၊ လယ်ကွက်များတွင်လည်း မွေးမြူနိုင်သော အဖိုးတန် ငါးမျိုး ဖြစ်လာပါသည်။

         ရွှေဝါငါးကြင်းမွေးမြူရာတွင် အသားတိုးနှုန်းမြန်သဖြင့် မွေးမြူရေးသမားများအတွက် အကျိုးရှိပါသည်။

ရွှေဝါငါးကြင်းမွေးမြူရာတွင် အရေးပါသော မြေနေရာရွေးချယ်ခြင်းအကြောင်း

       ၁။ မြေနေရာသည် သဲဆန်သောမြေ မဖြစ်စေဘဲ မြေစေးအမျိုးအစားကို ရွေးချယ်ရပါမည်။ မြေစေးဖြစ်သောကြောင့် ကန်အတွင်း ရေမခမ်းဘဲ ငါးအတွက် သင့်လျော်ပါသည်။

       ၂။ လမ်းပန်းဆက်သွယ်ရေးကောင်း၍ စျေးကွက်ရှိသော နေရာကို ရွေးချယ်ရပါမည်။ 

ရေအမျိုးအစား

       ၁။ ကန်အတွင်းရှိ ရေသည် ထုံးဓာတ်များသောရေ မဖြစ်စေရန် ဂရုပြုရပါမည်။ ထုံးဓာတ်များသော ရေဖြစ်နေပါက ပြုပြင်ရန်မှာမူ စရိတ်အလွန်ကြီးသဖြင့် တွက်ချေကိုက်မည် မဟုတ်ပါ။

       ၂။ အကယ်၍ ဂဝံမြေဖြစ်သဖြင့် အချဉ်ပေါက်နေသောရေ ဖြစ်နေပါက ပြုပြင်ရန် ဖြစ်နိုင်ပါသည်။

မွေးမြူကန်

       ၁။ ရွှေဝါငါးကြင်းမွေးမြူရန်ကန်ကို အနည်းဆုံး အလျားပေ-၂၀၀၊ အနံပေ-၁၀၀ ရှိ ဧကဝက်ခန့် အကျယ်ဖြစ်အောင်တူးပါ။

       ၂။ ကန်ကို တစ်နှစ်ပတ်လုံး ရေအနက် (၄)ပေ ရှိနေစေရန် (၆) ပေခန့်နက်အောင် တူးထားရပါမည်။

       ၃။ ကန်ဘောင်ဖို့လျှင်လည်း ကန်နှုတ်ခမ်းမှ နေ၍ နောက်သို့ (၅) ပေဆုတ်ပြီး ကန်ဘောင်ဖို့ထားပေးပါ။

       ၄။ ကန်ဘောင်ထိပ်မှနေ၍ အောက်တည့်တည့်သို့ (၁)တောင် (သို့မဟုတ်) (၁၈) လက်မ အကွာတွင် ရေလျှံပေါက်တစ်ခု တပ်ထားပြီး ကန်ဘောင် မပြိုရန် ကန်ဘောင်တွင် မြက်များအပြည့်ကပ်၍ စိုက်ထားပေးပါ။

       ၅။ ကန်ကို ရေမထည့်မီ ထုံးမှုန့်ပိဿာ (၁၅၀) ကို ဖြန့်ပြီး ဖြူးပေးပါ။ ထုံးမှုန့်ထည့်ပြီးလျှင် ရေထည့်ပါ။

       ၆။ ရေထည့်ပြီး (၁)ပတ်ကြာလျှင် နွားချေး၊ ကျွဲချေး၊ ဝက်ချေး၊ ကြက်ချေး၊ ဘဲချေး စသော မည်သ ည့်တိရိစ္ဆာန်ချေးများကို ဖြစ်စေ (၄)ဂါလံဝင်ပုံးနှင့် ပုံး(၁၅၀) ထည့်ပေးပါ။

       ၇။ တစ်ပါတ်ကြာလျှင် ကန်ရေသည် စိမ်းလာပါမည်။ ကန်ရေစိမ်းလာသောအခါ ငါးသားပေါက်များ ထည့်နိုင်ပါသည်။

ငါးသားပေါက်ထည့်သွင်းနှုန်း

       ၁။ ငါးသားပေါက်များ ဝယ်ယူထည့်သွင်းသည့်အခါ အရွယ်(၄)လက်မအောက် ဖြစ်ပါက ပိုမို သင့်လျော်ပါသည်။

      ၂။ ငါးသားပေါက် အရွယ်ငယ်လေ၊ သယ်ယူရလွယ်လေ ဖြစ်ပါသည်။ သယ်ယူသောအခါ ပလပ်စတစ်အိတ်တွင် ရေထည့်ပြီး အောက်ဆီဂျင် ဓာတ်ငွေ့ဖြင့် သယ်ယူလျှင် အနည်းဆုံး (၁၂) နာရီခန့်ကြာသည်အထိ ခံပါသည်။

       ၃။ ရွှေဝါငါးကြင်းမွေးလျှင် ငါးသားပေါက်တစ်မျိုးတည်းကို ကန်အတွင်း၌ ထည့်၍ မွေးမြူပါ။ အလျားပေ (၂၀၀)၊ အနံပေ (၁၀၀) ရှိ ဧကဝက်ခန့် ကျယ်သော ငါးကန်တစ်ကန်တွင် ငါးသားပေါက်ကောင်ရေ (၁၆၅၀) ကောင် ထည့်၍ မွေးမြူနိုင်ပါသည်။

အစာကျွေးနှုန်း

    • ငါးသားပေါက်များကို အစာကျွေးလျှင် နံနက် (၇) နာရီ မထိုးမီကျွေးပါ။

    • ငါးတစ်ကောင်လျှင် (၁) ကျပ်သားအရွယ်ရှိသော ငါးကောင်ရေ (၁၆၅၀) အတွက် တစ်နေ့ကို ဖွဲနုနှင့် နှမ်းဖတ် ရောထားသော အစာ (၆၅) ကျပ်သားကို ကျွေးရမည် ဖြစ်သည်။

ငါးသားပေါက်အစာကျွေးနှုန်း အချိုးအစား

    • ဖွဲနု (၅၀) ကျပ်သားနှင့် နှမ်းဖတ် (၁၅) ကျပ်သားကို ရေနှင့် ရောနယ်ပြီး အလုံးများလုပ်၍ ကျွေးပါ။ ဤအချိုးအစားအတိုင်း ငါး၏ အလေးချိန်များလာသည်နှင့် အမျှ အစာကို တိုး၍ ကျွေးပါ။

    • အစာစိမ်းရရန်အတွက်လည်း ဘဲစာပင်ကို (၁)လ(၁)ကြိမ် တင်း(၁)စိတ်ခန့် ကျွေးပေးပါ။

ကြီးထွားနှုန်း

    • ရွှေဝါငါးကြင်းကို (၁)ကျပ်သားအရွယ်မှစပြီး အစာမှန်မှန် ကျွေး၍ မွေးမြူပါက (၁)နှစ်အတွင်း (၁)ကောင်လျှင် (၆၀)ကျပ်သား အထိ ကြီးထွားလာနိုင်ပါသည်။

    • ဧကဝက်ရှိသော ကန်(၁)ကန်တွင် ရွှေဝါငါးကြင်းများထည့်၍ စနစ်တကျ ဂရုစိုက်၍ မွေးမြူပါက (၁)နှစ်အတွင်း ရွှေဝါငါးပိဿချိန် (၉၀၀)ကျော် ရရှိနိုင်ကြောင်းသိရပါသည်။

ပင်လယ်ပြာ(ငါးဦးစီး)

မှီငြမ်း-ရွှေဝါငါးကြင်းမွေးမြူရေးလမ်းညွှန် (ငါးလုပ်ငန်းဦးစီးဌာန)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်