စပျစ်အပင်​ ညှိုးသေပြဿနာ..အ​ဖြေရှာခြင်း

သည်အချိန်ကာလသည်ကား စပျစ်ခြံများ စပျစ်သီးခူးချိန်ဖြစ်ပါတယ်။

ချွန်း၊ နံပတ်-၃၊ ဝိုင်စပျစ်၊ ပန်းရောင်..စသဖြင့် မျိုးအလိုက် စျေးနှုန်းအမျိုးမျိုး ရောင်းဝယ်ဖောက်ကားကာ အဝေးပို့၊ အနီးသယ် စသဖြင့် အလုပ်လှိုင်နေချိန်လည်း ဖြစ်ပါတယ်။

စပျစ်သီး အထွက်နှုန်းကောင်းသလို၊ စျေးနှုန်းကလည်း စပျစ်အမျိုးအစားအလိုက် ၁ ပိဿာ ၄၀၀၀ မှ ၂၀၀၀၀ အထိ အစားစားရှိပါတယ်။

၁ ဧက ကုန်ချိန်၈၀၀၀ထွက်ရင် သိန်း ၃ - ၄၀၀ အသာလေးရပါတယ်။

ဒီတစ်ပတ်တော့ စာရေးသူ ကျနော် ပျော်ဘွယ်၊ ရန်အောင်မြို့မှာ ငရုတ်မျိုးအတွက် လေ့လာရေး ကွင်းဆင်းရင်း တောင်သူမိတ်ဆွေများရဲ့ စိုက်ခင်းတွေကို လှည့်လည်ကြည့်ရှု ဆွေးနွေးလေ့ရှိပါတယ်။

ဒေသအသီးသီးရှိ၊ တောင်သူများစွာရဲ့ စိုက်ပျိုးရေးမေးခွန်းတွေကို ခရီးသွားရင်း ဖြေကြားပေးနေတာမို့ ဖုန်းကိုလည်း အမြဲဖွင့်ထားရပါတယ်။ အဲ့ဒီအချိန်မှာ ဖုန်းဝင်လာပါတယ်။ ကိုင်လိုက်တော့

"ဟယ်လို...ဒို့ဦးလေး.လားဗျာ..."ဆိုပြီး..ရမည်းသင်း၊ ရွာတန်းဒေသ စပျစ်ခြံပိုင်ရှင်တစ်ဦး ဖုန်းဆက်လာပါတယ်။

မေးခွန်းရဲ့ လိုရင်းအချက်က..သူ့ခြံမှာ..စပျစ်ပင်အချို့၊ အသီးတွေ ရင့်မှည့်ချိန်ကျမှ အပင်ညှိုးသေနေတာကို အဖြေရှာပေးပါဆရာ.."လို့ ဖုန်းဆက်ပါတယ်။

သာမန် ဖြစ်ရိုးဖြစ်စဥ်၊ ပိုးမွှား ရောဂါမျိုးမဟုတ်နိုင်ဘူး။

စပျစ်ခြံသမားတွေရဲ့ စိုက်ပျိုးရေးနည်းပညာ အဆင့်အတန်းကလည်း သိပ်ပြီး နိမ့်ကြတာမဟုတ်တော့...

ကျနော် ချက်ချင်းလာကြည့်မယ်လို့ အကြောင်းပြန်လိုက်ပါတယ်။

သွားရောက်ကြည့်ချိန်မှာ မျိုးကတော့ ဝိုင် အညိုမျိုးနဲ့ ပန်းရောင်မျိုး ဘဲဗျ။

ပန်းရောင်ခြံက အသေများနေတာ တွေ့ရတယ်။

အပြင်ပန်းကြည့်ရတာကတော့ အပင်ညှိုးတာအပြင် ဘာလက္ခဏာမှထူးထူးခြားခြားမတွေ့ရပါဘူး။

မြေကြီး pH 6.2 ရှိတယ်။

ရေ pH .ကလည်း 6.8 ရှိတယ်။

အီးအမ် ဘိုကာရှီလည်း နှစ်စဥ်သုံးထားတယ်။

အပြစ်ရှာမရတာနဲ့..အမြစ်ပါ တူးရတော့တာပေါ့။

အမြစ်မွေးလေးတွေ ညိုနေတယ်၊ အတွင်းထဲ ပုပ်တာ ရိတာမရှိဘူး။

ပင်စည်ကို ထက်ပိုင်းဖြတ်ကြည့်တယ်။ အစာကြော/ရေကြော ကောင်းတယ်..

(ရော်...ခက်ပြီ.. ဒါ..ဘာလဲ??)

ကဲ..နောက်ဆုံးတနေရာပဲ..ကျန်တော့တယ်..

(ကိုင်းဆက်နေရာ ကို .ဖြတ်ကြည့်ဖို့)

ကိုင်းဖြတ်ကတ်ကြေးကြီးနဲ့၊ ကိုင်းဆက်နေရာရဲ့ အထက် ၄ လက်မ၊ အောက် ၄ လက်မလောက်ကို ဖြတ်ယူလိုက်ပါတယ်။ ပြီးရင် ကိုင်းကူး/ဆက် နေရာကို ဓားနဲ့ထက်ခြမ်းပိုင်းကြည့်လိုက်ပါတယ်။

တွေ့ပါပြီဗျာ.

သပ်ထိုး ကိုင်းဆက်နေရာရဲ့ အတွင်းသားတွေထဲမှာ မှိုရောဝင်ပြီး ညိုမဲနေတာ။

အစာ၊ ရေစာတွေက အထက်လည်း မပို့နိုင်၊ အောက်လည်း မဆင်းနိုင်တော့ ခါးပြတ်ပြီး အာဟာရချိူ့၊ ညှိုးသေရတော့တာပါဘဲ။

သုံးသပ်ချက်

အသီးတွေရင့်မှည့်မှ၊ သေရတာ ဘာကြောင့်လဲ..

ကိုင်းကူးချိန်နဲ့ ပြုစုမှု အားနည်းချက်အချို့ တွေ့ရပါတယ်။

အသီးသီးအားအလျောက် ရေနဲ့အာဟာရ လိူအပ်ချက်သည် ရင့်မှည့်ချိန် နီးလေ ပိုလိုအပ်လေ ဖြစ်တာမို့ အခုလို အချိန်မှာ ကိုင်းဆက်နေရာရဲ့ အစာရေ ပို့ဆောင်မှု မပံ့ပိုးပေးနိုင်တာကြောင့်ပါ။

(လူတွေမှာ အစာလည်မြိုကင်ဆာ ဖြစ်တာနဲ့ အလားသဏ္ဌာန်တူပါတယ်။)

- ကိုင်းကူးချိန်မှာ၊ ဒဏ်ရာကို၊ လုံခြုံ ကြပ်မတ်အောင် ပလပ်စတစ် မအုပ်ခြင်း၊

- ကိုင်းဆက်ပြီးချိန်၊အသားတိုးချိန်၊ ပလပ်စတစ်ခွာပြီး ၊ဒဏ်ရာ.နေရာ ကို ငြမ်အောင်မထိန်းခဲ့ခြင်း.

- ကိုင်းကူးဒဏ်ရာနေရာ မိုးရေဝင်ခြင်း။

- မှိုဆေး သုတ်လိမ်းမှု၊ အသုံးပြုပုံ၊ အသုံးပြုသည့်ဆေးအမျိုးအစား လိုအပ်ချက်ရှိနေခြင်း

- စပျစ်အမျိုးအစားသည်၊ ပင်စည်အသားပွခြင်း(ကျစ်လစ်မှုနည်းခြင်း) စတဲ့ အားနည်းချက်များကြောင့်လို့ သုံးသပ်ပါတယ်။

အကြံပြုတင်ပြချက်

အသီးတွေ ရင့်မှည့်ချိန်ရောက်မှ အပင်တွေ ညှိုးသေတာဖြစ်လို့ ဒီပြဿနာမျိုးဟာ ရောဂါဖြစ်မှ ကုသတာမျိုးထက်၊ မဖြစ်အောင်

ဘယ်လို ကာကွယ်ထိန်းသိမ်းရမလဲ?..ဆိုတာ ပိုအရေးကြီးပါတယ်။

အောက်ပါအချက်များကို မဖြစ်မနေလုပ်ဆောင်ပေးဖို့ အကြံပြုချင်ပါတယ်။

-စပျစ် ကိုင်းကူးရာမှာ အောက်ခံပင်၏ ဖြောင့်ဖြူးညီညာသောနေနေရာကို ရွေးချယ်ပါ။

- စင်ပေါ် အနီးနေရာ ကိုင်းကူးခြင်းသည် မိုးရေဝင်နိုင်ခြင်း၊ ဆေးကုသမှုခက်ခြင်း၊ အလှုပ်အရှားများနိုင်ခြင်းကြောင့် ယင်းနေရာကို မရွေးချယ်သင့်ပါ။

- ကိုင်းဆက်ရာတွင် ဆက်ကြောင်းကို ပြည့်ဝလုံခြုံတင်းကြပ်စွာ ချည်နှောင်ပါ။

- ကိုင်းဆက်ပြီးချိန် ၊ပလပ်စတစ်ကို ချက်ချင်းခွာမပစ်ဘဲ ဒဏ်ရာ ဟမသွားအောင် အောက်ခံကိုင်းကို နှီးကြိုးဖြင့်ထိန်းပေးထားသင့်ပါတယ်။

- မိုးဦးကျချိန်နှင့် မိုးရာသီတွင် ကိုင်းဆက်နေရာများကို ကော့ပါးဟိုက်ဒြောဆိုဒ်ဖျန်းခြင်း Iprodione(ရိုဘရယ်/ရီစတော) မှိုသတ်ဆေးကို ရေဖျော်သုတ်လိမ်းပေးခြင်း ပြုလုပ်ပါ။

စေတနာများစွာဖြင့်..

ဒို့ဦးလေး

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...