စိုက်ပျိုးရလွယ်ကူ အကျိုးထူးတဲ့ ချစ်တီးပန်း

သိမ့်ဇာ • Greenovator • 11/06/2019

နေကြာမျိုးရင်းဝင်တစ်ခုဖြစ်တဲ့ ချစ်တီးပန်းဝါလေးတွေ စိုက်ပျိုးချင်တယ်ဆိုရင်တော့ အစေ့ကနေလည်း စိုက်ပျိုးလို့ရသလို ကိုင်းချိုးပြီးလည်း စိုက်ပျိုးနိုင်ပါတယ်။ မျိုးစိတ်ပေါင်းရာချီရှိပြီး နီမတုတ်ရောဂါတွေအတွက် စိုက်သင့်တဲ့မျိုးကတော့ (Tagete patula ) ဖြစ်ပါတယ်။ ခရမ်းချဉ်မှာကျရောက်တတ်တဲ့ ယဉ်ဖြူတွေ၊ ဂေါ်ဖီထုပ်တွေမှာ ကျရောက်တတ်တဲ့ လိပ်ပြာတွေကနေ နီမတုတ်ရောဂါတွေအတွက် ထိရောက်မှုရှိတာကြောင့် ကိုယ့်သီးနှံစိုက်ခင်းတွေကြားမှာ သီးညှပ်စိုက်ပျိုးချင်သူများအတွက် စိုက်ပျိုးနည်းလေးတွေ ဖော်ပြလိုက်ရပါတယ်...

ကိုင်းဖြတ်စိုက်ပျိုးနည်း

• မိခင်ပင်ရဲ့အညွန့်ထိပ်ကနေ ၄ လက်မ ၅ လက်မ လောက်ချန်ပြီး ဖြတ်ပါ။ မနုမရင့်ကိုင်းကို ရွေးဖြတ်ပါ။ ဖြတ်တဲ့အခါမှာ ကတ်ကြေးပြတ်ပြတ် သို့မဟုတ် ထက်တဲ့ဓားကိုသုံးပါ။

• ဖြတ်ပြီးသားကိုင်းတွေကို အရွက်တွေ သင်ရပါမယ်။ ထိပ်အညွန့်ကနေ (၂) ရွက် လောက်သာထားပြီး ကျန်တာတွေကို ဖယ်လိုက်ရပါမယ်ရှင့်။ (အရွက်တွေရှိနေရင် ပျိုးပင်အတွက် ရေဆုံးရှုံးမှုများစေတာကြောင့်ပဲဖြစ်ပါတယ်။ ပျိုးပင်အစာချက် လုပ်ဖို့အတွက် အပေါ်နှစ်ရွက်လောက်နဲ့သာလုံလောက်ပါတယ်)

• ကိုင်းတွေစိုက်ဖို့ မြေပြင်တဲ့အခါမှာတော့ ခြံထဲကမြေကြီး ၄ ဆ+ သဲ ၂ ဆ + သဘာဝမြေဆွေး ၂ ဆကို ရောနှောပြီးအသုံးပြုရင် အကာင်းဆုံးပါ။

• ထည့်စရာခွက်ကိုတော့ အဆင်ပြေသလို အသုံးပြုလို့ရပါတယ်ရှင့်။ ထည့်စရာရဲ့ အောက်ခြေမှာ လေဝင်လေထွက်ရအောင် အပါက်လေးတွေဖောက်ပေးပြီး ရေနဲ့မြေတွေ အလွန်အကျွံစိမ့်ထွက်မသွားအောင် ကျောက်စရစ်ခဲလေးတွေခံပြီးမှ ရောစပ်ထားတဲ့မြေကြီးကို ထည့်သင့်ပါတယ်ရှင့်။

• ကိုင်းဖြတ်စလေးတွေ ပျိုးဖို့အတွက် မြေအဆင်သင့်ဖြစ်ပြီဆိုရင်တော့ လက်ညှိုးလေးနဲ့ဖြစ်ဖြစ် အပေါက်လေးတွေလုပ်ပြီး ကိုင်းဖြတ်စကို ပျိုးနိုင်ပါပြီ။

• မြေကြီးနဲ့ ကြပ်ကြပ်လေးဖြစ်အာင်ဖိပြီး နှံနှံစပ်စပ်လေး ရေလောင်းပေးပါ။ ပျိုးထောင်ထားတဲ့အပင်တွေကို နေရောင်ခြည်နဲ့ တိုက်ရိုက်မထိတွေ့တဲ့နေရာမှာ ထားဖို့တော့လိုပါမယ်။

• အလင်းရောင်ရပြီး နေရောင်တိုက်ရိုက်မရတဲ့နေရာမှာ ထားလိုက်ပါ။ အရမ်းခြောက်မသွားအောင် ရေပုံမှန်လောင်းပေးဖို့တော့ လိုပါတယ်ရှင့်။ (၁၂) ရက်ကြာတဲ့အခါ အရွက်စစ်ကြားလေးတွေမှာ အညွန့်လေးတွေထွက်နေတာကို မြင်ရမှာပါ။ ဒီအချိန်မှာ အမြစ်တွေလဲထွက်နေပြီမို့ ရွေ့ပြောင်းစိုက်လို့ရပါပြီ။

မျိုးစေ့မှ စိုက်ပျိုးနည်း

ပန်းအခြောက်လေးတွေရဲ့ဝတ်ဆံကနေ ပန်းမျိုးစေ့တွေရယူနိုင်ပါတယ်။ အမဲရောင် အစေ့ လေးတွေပါတဲ့ ဝတ်ဆံလေးတွေကိုပဲ ရွေးချယ်စိုက်ပျိုးသင့်ပါတယ်။ မြေအချိုးအစားကိုတော့ ကိုင်းကူး စိုက်တုန်းကလိုပဲ ရောစပ်ရမှာပါ။ ပျိုးမယ့်ထည့်စရာ ခွက်ကိုလည်း အထက်ဖော်ပြပါအတိုင်း ပြင်ဆင်ရမှာပါ။ ပြီးရင်တော့ မျိုးစေ့လေးတွေမစိုက်ခင် ရေနှံစပ်အောင်လောင်းပေးရပါမယ်။ မျိုးစေ့တွေကြဲပြီး မြေပါးပါးလေး ထပ်အုပ်ပေးထားမယ်ဆိုရပါပြီ။ နေရောင် တိုက်ရိုက်မရတဲ့နေရာမှာထားပြီး ရေပုံမှန်လောင်းပေးရပါမယ်။ ၁၆ ရက် လောက်ကြာတဲ့အခါမှာဆိုရင်တော့ မိမိလိုချင်တဲ့နေရာကို ပြောင်းရွှေ့စိုက်ပျိုးနိုင်ပါပြီ။

သိမ့်ဇာ

ဆက်စပ်ဆောင်းပါးများ

စိုက်ပျိုးနည်း

မောင်နီပြောတဲ့ ခရမ်းချဉ်စင်တင်နည်း

Htunn Winn Kyaw

စိုက်ပျိုးနည်း

အစေ့ထုတ်ပြောင်း အထွက်တိုးစေမည့် စိုက်ပျိုးနည်းပညာ

Soe Myint

စိုက်ပျိုးနည်း

ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ

Thein Soe Min

နည်းပညာမိတ်ဖက်အဖွဲ့

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

မိုခါမတ်ပဲမျိုးကို၁ဧကကိုဘယ်နှုန်းလောက်ကြဲသင့်ပါသလဲ လယ်မြေအမျိုးအစားပါ

ဦးမြတ်သူ • ဖြေကြားချက် 0 ခု

ပိုတက်စီယန် ဆီလီကိတ် ဆိုတာဖျန်းဆေးရှိလားသိချင်ပါတယ် ကျွန်တော်အရင်တစ်ခါကြက်သွန်ကိုခရမ်းလွန်ရောင်ခြည်ဒဏ်သက်သာစေဖို့မေးတဲ့အဖြေထဲမှာပိုတက်စီယန် ဆီလီကိတ်လို့ပါလို့ပါ ဆေးဆိုင်အချို့ကလဲမရှိဘူပြောလို့ပါ

Ko Nay • ဖြေကြားချက် 2 ခု

ဆရာတို့ မဂ်လာပါ ပေါ်ဆန်းစပါးရက်၉၀ကျော်ပါပီ အဖုံးလုံးခါနီး ဗိုက်ဖောင်းနေပါပီ ဘာမြေဆီ ကျွေးလို့ရလဲခင်ဗျ သုံးကြိမ်မြောက်ကျွေးမာမို့ အကောင်းဆုံးဖြစ်နိုင်မယ့် မြေဆီ ကျွေးနည်းလေး အကြံပေးကြပါဦးခင်ဗျ... နယ်ဘက်ကတောင်သူ တချို့တော့ ပုလဲ+ဓာတ်ဆား သုံးပီး တချို့တောင်သူတွေကတော့ ၁၅-၁၅-၁၅ သုံးနေကြလို့ အကြံပေးကြပါဦးခင်ဗျ

အောင်မျိုးသူ • ဖြေကြားချက် 2 ခု

ပဲနီပြားက တဧကကိုမျိုးဘယ်လောက်ကြဲသင့်သလဲ?အရိပ်အနည်းငယ်ရှိတဲ့သရက်ခြံထဲမှာကြဲရင်ဖြစ်နိုင်လားခင်ဗျာ။အပင်ဖြစ်ထွန်းချိန်မှာရေအနည်းငယ်သွင်းရင်ကြိုက်သလားဗျာ။

mg mg si • ဖြေကြားချက် 3 ခု

အခုမှ ပျိုးမည်ဆိုလျှင်အချိန်မှီသေးလားဗျ

maungsoethuwin • ဖြေကြားချက် 2 ခု

Greenovator

ကြော်ငြာ

ပြင်းထန်တဲ့ရာသီဥတု စူပါအယ်နီညိုနဲ့ပတ်သက်ပြီး ပညာပေးဆောင်းပါးတွေ အမေးအဖြေကို လေ့လာပြီး ရာသီဥတုနဲ့လိုက်လျောညီထွေတဲ့ စိုက်ပျိုးရေးစနစ်ကို အတူကျင့်သုံးကြရအောင်...

လေ့လာရန်

နောက်ဆုံး ဆောင်းပါးများ