“စိုက်နည်းစနစ်ကျွမ်းကျင်ပါက သခွားထွက်နှုန်းပန်းတိုင် သေချာမည်”

    စိုက်ပျိုးနည်းစနစ်ပိုင်း ကျွမ်းကျင်ပါက သခွားပင်၏ ထွက်နှုန်းပန်းတိုင် သေချာမည်ဖြစ်ကြောင်း စိုက်ပျိုးရေးပညာရှင်များက ပြောသည်။

    သခွားပင် စိုက်ပျိုးရာတွင် စိုက်ဘောင်ဖြင့် စနစ်တကျစိုက်ပျိုးပါက ရေငတ်ခြင်းနှင့် ရေဝပ်ခြင်းတို့ကို ပိုမိုသက်သာစေပြီး စိုက်ဘောင်ကို ကောက်ရိုး၊ သစ်ရွက် (သို့မဟုတ်) ပလတ်စတစ်စနှင့် ဖုံးအုပ်သင့်ကြောင်း သိရသည်။

မြေဩဇာကတော့ ကိုယ်ကြိုက်နှစ်သက်ရာ သုံးပါ။ အပင် လေဝင်လေထွက်ကောင်းကောင်းရစေဖို့ လုံလောက်တဲ့ ပင်ကြားတန်းကြားအကွာအဝေးနဲ့ ချိန်ဆစိုက်ပျိုးရပါမယ်။ သခွားပင်နွယ်တက်စေဖို့ တန်းထိုးပြီး စင်ဆောက်ပေးပါ။

ဟု စိုက်ပျိုးရေးပညာရှင် ဦးအောင်ကိုလတ် က ပြောသည်။

    သခွားပင်သည် အခါးဓာတ်တစ်ကြိမ် ထုတ်မိပါက ဆက်တိုက်ထုတ်လွှတ်တတ်သော သဘာဝရှိသဖြင့် အပင်ငယ်စဉ်မှစ၍ ရေလောင်းခြင်း၊ ရေသွင်းပေးခြင်းတို့ကို ပုံမှန်ပြုလုပ်ပေးသင့်ပြီး၊ သခွားသီးမခါးစေရန် မျိုးကောင်းမျိုးသန့်ကို ရွေးချယ်စိုက်ပျိုးသင့်ကြောင်း သိရသည်။

အပင်ခြေကို ရေမဝပ်စေဖို့အတွက် အထူးဂရုစိုက်ပါ။ ရွက်ဖြန်းဆေးအနေနဲ့ ရေတစ်ဂါလံကို ဆားခါး ဟင်းစားဇွန်း (၁) ဇွန်းနှုန်းနဲ့ (၅) ရက်တစ်ကြိမ် ဖျန်းပေးနိုင်ပါတယ်။ မနက်ပိုင်းမှာ ဖျန်းပေးပါ။ တချို့သခွားမျိုးတွေဟာ မိုးရာသီမှာ မခါးပေမယ့်လည်း ကျန်တဲ့ရာသီမှာ ခါးတတ်ပါတယ်။ အခု နောက်ပိုင်းမှာတော့ နွေ၊ မိုး၊ ဆောင်း သုံးရာသီလုံး မခါးတဲ့မျိုးတွေလည်း ပေါ်ထွက်နေပါပြီ။

ဟု ဦးအောင်ကိုလတ် က ဆက်လက်ပြောသည်။

   သခွားပင်ကို မိုးရာသီနှင့် ဆောင်းရာသီတို့တွင် စိုက်ပျိုးသင့်ပြီး၊ နွေရာသီတွင် စိုက်ပျိုးမည်ဆိုပါကကွမ်းခြံ ပြုလုပ်ရာတွင် အသုံးပြုလေ့ရှိသည့် ဇကာစိမ်း (50% horti net) များဖြင့် အမိုးပြုလုပ်၍ စိုက်ပျိုးနိုင်ကြောင်း သိရသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

Read more