ဆေးဖက်ဝင်တဲ့ ဆယ့်နှစ်ရာသီ (အဝါ)

မျိုးရင်း။ ။ Apocynaceae

မြန်မာအမည်။ ။ ဆယ့်နှစ်ရာသီ

အင်္ဂလိပ်အမည်။ ။ Exile Oleander

ပုံသဏ္ဍာန်-

အပင် ပင်လတ်မျိုးဖြစ်၏။ ပေ ၂၀ ခန့်ထိမြင့်၏။ အခေါက်ထူသည်။ ကိုင်းဖြာသည်။ အခေါက်အညိုရောင်ပေါ်တွင် အဖြူကွက်များရှိ၏။

အရွက် အကိုင်းထိပ်ဘက်တွင် စုပြုံ၍ ရွက်လွှဲထွက်သည်။ ရွက်ပြားကျဉ်း၍ သေးသွယ်ပြီး ကြိုးပြားသေးပုံရှိသည်။ ထိပ်နှင့် အရင်းပိုင်း ချွန်သည်။ ရွက်ညှာ အလွန်တိုသည်။ ရွက်ပြားပြောင်ချောပြီး ရွက်လယ်ကြော ထင်ရှား၍ ရွက်နားညီသည်။

အပွင့် အဝါရောင်ရှိ၍ ခေါင်းလောင်းပုံဖြစ်သည်။ ဝတ်ဆံများပွင့်ချပ်များတွင် ကပ်နေ၏။ အမွေးနုကလေးများလည်းရှိ၏။ ပွင့်ဖတ်ပြွန်ပိုင်း စိမ်းဝါရောင်ရှိ၏။

အသီး အချင်း ၁ ၁/၂ လက်မခန့်ရှိ၏။ အတွဲလိုက်သီး၏။ ပြောင်ချော၍ တောက်ပပြီး အစိမ်းရောင်ရှိသည်။ အလယ်တွင် လုံးဝန်း၍ ထိပ်နှစ်ဖက်သို့ ချွန်သွယ်သွားသည်။

ပေါက်ရောက်သည့်ဒေသ။ ။ မြန်မာနိုင်ငံ အနှံ့အပြားတွင် ပေါက်ရောက်သည်။

ပေါက်ရောက်ပုံ။ ။ သဘာဝအလျောက် ပေါက်ရောက်သည်။

အသုံးပြုသည့်အစိတ်အပိုင်း။ ။ အပွင့်၊ အရွက်၊ အမြစ်၊ အခေါက်။

အာနိသင်။ ။ မြန်မာဆေးကျမ်းများ အလိုအရ ဖန်၊ စပ်၊ ခါးသော အရသာရှိ၏။ ပူသောသတ္တိရှိ၏။ လေကိုနိုင်၏။ ယားနာ၊ အရေပြားနာ၊ အနာပေါက်ခြင်းတို့ကို ပျောက်စေသည်။ မျက်စိကို အကျိုးပြု၏။ အဖျားရောဂါ၊ နူနာ၊ မြင်းသရိုက်နာတို့ကို နိုင်၏။ ၎င်းချည်းသက်သက် စားသုံးလျှင် အဆိပ်ဖြစ်စေ၏။

အသုံးပြုပုံ-

အပွင့်နှင့် အရွက်

၁။ အပွင့် သို့မဟုတ် အရွက်ကို ရေနှင့်နယ်ပြီး ၎င်းရေကို သံလွင်ဆီနှင့် ဆီသက်သက်ကျန်အောင် ချက်၍ ယားနာ၊ အရေပြားနာများကို လိမ်းပေးက ပျောက်ကင်း၏။

၂။ အရွက်ကိုပြုတ်၍ ကြိတ်ပြီး ဆီနှင့် ရောလိမ်းပါက အဆစ်အမျက် ကိုက်ခဲခြင်းပျောက်၏။

အမြစ်

၁။ အမြစ်ကို သွေး၍ မုန်ညင်းဆီနှင့် ရောချက်လိမ်းလျှင် အရေပြားနာ ပျောက်စေ၏။

၂။ အမြစ်ကို ရေနှင့် သွေးလိမ်းလျှင် ပွေးနာပျောက်၏။

အခေါက်

၁။ အဖျားကျဆေးအဖြစ်လည်းကောင်း၊ အပူလောင်ခြင်းနှင့် ပွေး၊ ယားနာများအတွက်လည်းကောင်း သုံး၏။

မြန်မာ့ဆေးဝါးပင်များ

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...