စပါးကြမ်းပိုးနက်ကို ဘယ်လိုကာကွယ်နှိမ်နင်းမလဲ

ဖျက်ဆီးပုံလက္ခဏာများ

စပါးကြမ်းပိုးနက်တွေဟာ စပါးပင်ရဲ့ သစ်ရည်ကို စုပ်ယူကြတာကြောင့် စပါးရွက် အညိုရောင်ပြောင်းတာ၊ အူပုပ်တာနဲ့ ကြမ်းပိုးကြောင့် စပါးပင်မီးလောင်ကျွမ်းတဲ့ လက္ခဏာကို ဖြစ်စေပါတယ်။ ၄င်းတို့ရဲ့ ဖျက်ဆီးမှုဟာ စပါးပင်တွေကို ပုစေတာ၊ ပင်ပွားအရေအတွက် လျော့နည်းစေတာနဲ့ နှံဖြူဖြစ်ပေါ်စေတာတို့ကိုလည်း ဖြစ်စေပါတယ်။ 

ဆိုးဝါးစွာ ဖျက်ဆီးခံရရင် စပါးကြမ်းပိုးနက်တွေဟာ စပါးပင်ကို အားနည်းစေကာ စပါးစေ့ ထုတ်လုပ်မှုကို အတားအဆီးဖြစ်စေပါတယ်။

ဒီအင်းဆက်ကို မိုးရေသောက်နဲ့ ဆည်ရေသောက်စပါးခင်းတွေမှာ အတွေ့ရများပါတယ်။ ၄င်းတို့ဟာ ဆည်ရေသောက်စပါး ဆက်တိုက်ဆိုက်တဲ့ဧရိယာနဲ့ ရေထုတ်ညံ့တဲ့ စပါးခင်းတွေကို ပိုမိုနှစ်သက်ပါတယ်။ ခြောက်သွေ့ရာသီစပါးနဲ့ သိပ်သည်းစွာစိုက်ထားတဲ့ စပါးခင်းတွေမှာ ဖျက်ဆီးမှုကို ပိုပြီး မကြာခဏတွေ့ရပါတယ်။

စပါးကြမ်းပိုးတွေဟာ လဆန်းစက်ဝန်းက လွှမ်းမိုးပါတယ်။ လပြည့်ညတွေမှာဆို အရွယ်ရောက်ကောင်တွေဟာ အလင်းရောင်ရှိရာကို အစုလိုက်သွားကြပါတယ်။ စပါးစိုက်ချိန်မညီတာနဲ့ နိုက်ထရိုဂျင်ဓါတ် အလွန်အကျွံသုံးစွဲတာကလည်း ဒီဖျက်ပိုးပွားများမှုကို အားပေးပါတယ်။ စပါးမစိုက်တဲ့ကာလအတောအတွင်းမှာ တစ်ဆင့်ခံလက်ခံပင် ရှိတာဟာလည်း ဒီဖျက်ပိုးအရေအတွက် တိုးစေပါတယ်။ 

အမျိုးအစားခွဲခြားခြင်း

    • စပါးရွက် အရောင်ပြောင်းမပြောင်း စစ်ဆေးပါ။ စပါးကြမ်းပိုးနက်တွေရဲ့ ဖျက်ဆီးမှုဟာ စပါးပင်ကို နိညိုရောင် ဒါမှမဟုတ် အဝါရောင်ကို ဖြစ်စေပါတယ်။ စပါးရွက်တွေမှာလည်း အဝါရောင်ဒဏ်ရာတွေရှိပါတယ်။

    • စပါးပင်ပွားအရေအတွက် လျော့မလျော့ စစ်ဆေးပါ။ စပါးကြမ်းပိုးရဲ့ မီးလောင်ကျွမ်းတဲ့ပုံစံကြောင့် မမြင်သာသောပျားရည်ချိုး ဒါမှမဟုတ် ကြပ်ခိုးမှိုတို့နဲ့အတူ စပါးပင်ပွားတွေကို ညှိုးနွမ်းစေပါတယ်။

    • စပါးပင်တွေလည်း ပုသွားကြပြီး စပါးနှံတိုသွားကာ မပြည်မစုံထွက်လာတဲ့ စပါးနှံတွေ နဲ့ အနှံသန္ဓေတည်တဲ့အဆင့်မှာ အဆံမပြည့်တဲ့ နှံပွားတွေ ဒါမှမဟုတ် နှံဖြူတာတွေကို ဖြစ်စေပါတယ်။ 

    • အူပုပ်ရှိမရှိ စစ်ဆေးပါ။

အူပုပ်တာဟာ စပါးဆစ်ပိုးတွေကြောင့်လည်း ဖြစ်နိုင်ပါတယ်။ စပါးကြမ်းပိုးနက် ဖျက်ဆီးမှုဟုတ်မဟုတ် အတည်ပြုဖို့ ဖျက်ဆီးခံထားရတဲ့ စပါးပင်တွေကို ပင်ခြေကနေ နုတ်ကြည့်ပါက နုတ်မရပါ။

ဆိုးဝါးစွာ ကျရောက်ဖျက်ဆီးပါက အနှံအောင်တဲ့အဆင့် ဒါမှမဟုတ် ရင့်မှည့်တဲ့အဆင့်မှာ စပါးကြမ်းပိုးနက်ကြောင့် စပါးပင်လောင်ကျွမ်းတာကို တွေ့မြင်ရလေ့ရှိပါတယ်။.

စီးပွားရေးအရ အရေးပါပုံ 

စပါးကြမ်းပိုးနက်ဟာ ပျိုးပင်အဆင့်ကနေ ရင့်မှည့်တဲ့အဆင့်အထိ စပါးပင်ကို စားသောက်ကြပါတယ်။ စပါးပင်မြုံတစ်မြုံက စပါးကြမ်းပိုးနက် (၁၀) ကောင်ဟာ အချို့စပါးမျိုးတွေမှာ အထွက် ၃၅% အထိ ဆုံးရှုံးစေနိုင်ပါတယ်။

ကာကွယ်နှိမ်နင်းခြင်း

ကြိုတင်ကာကွယ်ခြင်း 

    • စပါးကြမ်းပိုးနက်ခံနိုင်ရည်ရှိတဲ့ စပါးမျိုးတွေကို စိုက်ပါ။ ဝယ်ယူရရှိနိုင်တဲ့ ခေတ်မီစပါးမျိုးများကို နီးစပ်ရာဒေသတွင်း စိုက်ပျိုးရေးဦးစီးဌာနနဲ့ ဆက်သွယ်ပါ။

    • စပါးခင်းထဲက ပေါင်းမြက်တွေကိုရှင်းပြီး ထယ်ထိုးပြီးပါက စပါးခင်းကို အခြောက်ခံထားပါ။

    • ဒီအင်းဆက်ရဲ့ ဘဝစက်ဝန်းကိုဖျက်ဖို့ ရင့်မှည့်ချိန်တူညီတဲ့ စပါးမျိုးတွေကို စိုက်ပါ။

    • ဥအုတဲ့ အရွယ်ရောက်ကောင်တွေအတွက် မာကျူရီမီးလုံးတွေ အသုံးပြုတာကို လမပြည့်မီ (၅) ရက်အလိုနဲ့ လပြည့်ပြီး (၅) ရက်နောက်ပိုင်းမှာ ပြုလုပ်ပါ။

    • ဒီဖျက်ပိုးရဲ့ ဥတွေကို ကပ်ပါးပြုတဲ့ နဂျီငယ်တွေ၊ ဥ၊ အကောင်ငယ်နဲ့ အကောင်ကြီးတွေကို တိုက်ခိုက်တဲ့ မြေကြီးကျိုင်းတွေ၊ ပင့်ကူတွေ၊ ပုရစ်တွေနဲ့ ပုရွက်ဆိတ်နီတွေ၊ ဥ၊ အကောင်ငယ်တွေကို စားတဲ့ လိပ်ခုံးကျိုင်းတွေ၊ ဘဲတွေ၊ ဖားတွေနဲ့ အကောင်ငယ်နှင့် အကောင်ကြီးတွေကိုတိုက်ခိုက်တဲ့ မှိုရောဂါမျိုးစိတ်တွေလို ဇီဝထိန်းချုပ်ပိုးမွှားတွေကို ထိန်းသိမ်းပါ။ 

နှိမ်နင်းခြင်း 

    • အစောပိုင်း ကျရောက်ဖျက်ဆီးမှုအတောအတွင်း  ဒီအင်းဆက်တွေကို စပါးပင်အပေါ်ဖက်ကို ရွေ့သွားစေဖို့  စပါးခင်းကို ၂ ရက် − ၃ ရက် ခန့် ရေအမြင့်ကို မြှင့်ပေးပါ။

    • ဥတွေကိုသေစေဖို့ စပါးခင်းကို ရေလွှမ်းပါ။ 

    • စပါးရိတ်ပြီး စပါးခင်းထဲမှာ ကျန်နေသေးတဲ့ စပါးကြမ်းပိုးနက်တွေကို ဖယ်ရှားဖို့ စပါးခင်းကို ထယ်ထိုးပါ။

    • အောက်ပါပိုးသတ်ဆေးတစ်မျိုးမျိုးကို ဆေးဘူး/ အိတ်ပါအညွှန်းစာအတိုင်း အသုံးပြုပါ။

        ◦ အဆီဖိတ် (Acephate)

        ◦ အင်မီဒါကလိုပရစ်ဒ် (Imidacloprid)

        ◦ ဒိုင်မီသိုအိတ် (Dimethoate)

ဒေါက်တာကိုကို

ဒေါက်တာကိုကို၏ စိုက်ပျိုးရေးဆောင်းပါးများလေ့လာရန်

Farm Link Co.,Ltd ကြော်ငြာ

စပါးဂုတ်ကျိုးရောဂါကြောင့် အထွက်နှုန်း မလျော့ပါစေနဲ့..။ #ရှူးဝါး (၇၅ ဒဗလျူပီ) စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ ဘာကြောင့် #ရှူးဝါးကို သုံးစွဲသင့်တာလဲ? 👉 ရှူးဝါးမှာ ပါဝင်တဲ့ အစွမ်းရှိပစ္စည်း Tricyclazole ဟာ မှိုတွေ အပင်ထဲကို ထိုးဖောက်ဝင်ရောက်နိုင်ဖို့ လိုအပ်တဲ့ Melanin (အရောင်ခြယ်ပစ္စည်း) ထုတ်လုပ်မှုကို လုံးဝဟန့်တားပစ်ပါတယ်။ 👉 မှိုတွေ အပင်ထဲကို ထပ်မံမဝင်ရောက်နိုင်အောင် တားဆီးပေးလို့ နောက်ထပ် ရောဂါမပြန့်ပွားအောင် အချိန်ကြာမြင့်စွာ ကာကွယ်ပေးပါတယ်။ 👉 ပင်လုံးပြန့်အာနိသင်ရှိတဲ့အတွက် ဖျန်းပြီးတာနဲ့ အပင်အတွင်းပိုင်းထိ စိမ့်ဝင်ပြီး မှိုရောဂါတွေကို ချက်ချင်း ထိန်းချုပ်ပေးပါတယ်။ 👉 ပင်စည်ဂုတ်ကျိုးရောဂါနဲ့ အနှံဂုတ်ကျိုးရောဂါတွေကို အမြစ်ပြတ်အောင် ကာကွယ်ကုသနိုင်လို့ အထွက်နှုန်းအတွက် အပြည့်အဝစိတ်ချရ‌စေပါတယ်။ စပါးတစ်ရာသီမှာ ရှူးဝါးကို ၃ကြိမ်ပဲသုံး 👉 ပျိုးခင်းအရွယ် (သို့) ၂၀ ရက်သား (ကြိုတင်ကာကွယ်ရန်) 👉 ပင်ပွားအားကောင်းချိန် (ရောဂါကင်းစင်ရန်) 👉 စပါးနှံ ၅% ထွက်ချိန် (အနှံများ အကျိုးအပဲ့မရှိ အောင်မြင်စေရန်) ကဲ...ဦးကြီးတို့ရေ ရောဂါကင်းမှ အထွက်တိုးမည်၊ အထွက်တိုးမှ အကျိုးအမြတ်ရမည်။ ဆိုတော့ကား.. ပင်စည်သန်စွမ်း၊ အနှံဝင်းဝါဖို့ ရှူးဝါးနဲ့ အတူလက်တွဲစို့

Read more