စပါးသရစ်ပိုးကို ဘယ်လိုကာကွယ်နှိမ်နင်းမလဲ

ဖျက်ဆီးပုံလက္ခဏာများ

    သရစ်ပိုးဖျက်ဆီးမှုကြောင့်ဖြစ်တဲ့ စပါးရွက်တွေက ကွေးပြီး အရောင်ပျက်စေပါတယ်။ ခြောက်သွေ့ရာသီကာလတွေဟာ စပါးသရစ်ပိုးဖွံ့ဖြိုးမှုကို အခြေအနေပေးပါတယ်။ စပါးခင်းထဲမှာ ရေသေမရှိတာဟာလည်း ဖျက်ဆီးမှုကို ပိုမိုဆိုးဝါးစေပါတယ်။

     ဒီအင်းဆက်တွေဟာ စပါးစိုက်ပတ်ဝန်းကျင်အားလုံးမှာ ရှိကြပါတယ်။ အပူပိုင်းဒေသတွေမှာ စပါးသရစ်ပိုးတွေဟာ ဇူလိုင်လမှ စက်တင်ဘာလအထိနှင့် ဇန်နဝါရီလမှ မတ်လအထိ ခြောက်သွေ့ကာလတွေမှာ ပေါများလာပါတယ်။ သမပိုင်းဒေသတွေမှာ ဆောင်းရာသီအတောအတွင်း ကျူးကျော်ဝင်ရောက်လာကြကာ စပါးမျိုးရင်းဝင် ပေါင်းပင်တွေမှာ ဆောင်းခိုကြပါတယ်။

     အရွယ်ရောက်သရစ်ပိုးတွေဟာ နေ့ဘက်မှာ ပျံသန်းကြတဲ့ အကောင်တွေဖြစ်ပါတယ်။ ၄င်းတို့ဟာ နေ့ဖက်မှာ ကျူးကျော်ဝင်ရောက်ကြပြီး အသစ်စိုက်ထားတဲ့စပါးခင်းနဲ့ အခြားလက်ခံပင်တွေကို ရှာဖွေကြပါတယ်။ ဥတွေကို စပါးရွက်ပြားရဲ့ ဟနေတဲ့နေရာမှာ အုကြပါတယ်။ ဥအပေါ်တစ်၀က်ဟာ ပေါ်နေပါတယ်။ အသစ်ပေါက်လာတဲ့ လောက်ကောင်ဟာ ပွင့်အာမှုမရှိသေးတဲ့ စပါးရွက်ငယ်တွေရဲ့ နူးညံ့တဲ့တစ်ရှူးတွေကို စားကြပါတယ်။

အမျိုးအစားခွဲခြားခြင်း

စားသောက်ဖျက်ဆီးမှုလက္ခဏာအတွက် အောက်ပါတို့ကို စစ်ဆေးပါ။

    • ဖျက်ဆီးခံထားရတဲ့ စပါးရွက်များမှာ ငွေရောင်အစင်းကြောင်း ဒါမှမဟုတ် အဝါရောင်သန်းတဲ့ အကွက်များရှိခြင်း

    • ဖျက်ဆီးခံထားရတဲ့ဧရိယာမှာ အလင်းဖောက်နိုင်တဲ့ အပေါ်ယံရွက်ကြောကို မြင်ရနိုင်ခြင်း 

    • စပါးရွက်ဘေးဖက်အနားမှ အလယ်အထိ အရွက်များကွေးသွားခြင်း

    • ဆိုးဝါးစွာဖျက်ဆီးခံထားရပါက စပါးရွက်ဖျားများ ညှိုးသွားခြင်း

    • စပါးနှံထွက်တဲ့အဆင့်မှာ အဆံမပြည့်တဲ့ စပါးစေ့များဖြစ်ခြင်း 

လိပ်နေတဲ့စပါးရွက်တွေမှာလည်း ရေငတ်တဲ့လက္ခဏာတွေ တွေ့ရပါတယ်။ စပါးသရစ်ပိုး ဖျက်ဆီးတာဟုတ်မဟုတ် အတည်ပြုရန် ကွေးနေတဲ့စပါးရွက်ထဲမှာ စပါးသရစ်ပိုးရှိမရှိ စစ်ဆေးပါ။ 

    • စပါးရွက်မျက်နှာပြင်ပေါ်မှာ ဥတစ်ဝက်ပေါ်နေခြင်းနဲ့အတူ စပါးရွက်တစ်ရှူးပေါ်မှာ နို့နှစ်ဖြူရောင် ဥများတွေ့ရခြင်း 

    • အဝါရောင်လောက်ကောင်တွေနဲ့ ညိုရင့်ရောင် အရွယ်ရောက်ကောင်တွေက စပါးပင်တစ်ရှူးတွေကို စုတ်ပြတ်စေခြင်း

    • အရွက်များအရောင်ပျက်ပြီး လိပ်နေခြင်းနဲ့ စပါးရွက်တစ်ရှူးအများကြီး ဖယ်ရှားခံရခြင်းကြောင့် အလင်းဖောက်နိုင်တဲ့ စပါးရွက်ကြောသာ ကျန်တော့ခြင်း 

စီးပွားရေးအရအရေးပါပုံ 

    ခြောက်သွေ့ရာသီအတောအတွင်းမှာ စပါးသရစ်ပိုးဟာ ပိုမိုဆိုးဝါးတဲ့ ဖျက်ပိုးဖြစ်ပါတယ်။ ၄င်းဟာ ပျိုးပင်အဆင့် ဒါမှမဟုတ် အစောစိုက်စပါးခင်းစိုက်ပြီး (၂) ပတ်အကြာမှာ စပါးပင်တွေကို ဖျက်ဆီးပါတယ်။

    မလေးရှားနိုင်ငံက တိုက်ရိုက်စိုက်စပါးခင်းတွေမှာ စိုက်ပြီး ရက် (၂) မှာ ဖျက်ဆီးမှု ဆိုးဝါးရင် အထွက်ဆုံးရှုံးမှုဟာ ၁၀၀% အထိရောက်နိုင်ပါတယ်။ 

ကာကွယ်နှိမ်နင်းနည်း

    • စပါးသရစ်ပိုးခံနိုင်ရည်ရှိတဲ့ စပါးမျိုးတွေကို ရွေးချယ်စိုက်ပျိုးပါ။ ရနိုင်တဲ့စပါးမျိုးတွေအတွက် ခေတ်မီစပါးမျိုးစာရင်းကို ဒေသဆိုင်ရာ စိုက်ပျိုးရေးရုံးတွေနဲ့ ဆက်သွယ်ပါ။ 

    • စပါးသရစ်ပိုးကျနေတဲ့ စပါးခင်းကို (၂၀) ရက်ကြာ ရေလွှမ်းပါ။

    • သရစ်ပိုးရဲ့ သားရဲကောင်တွေဖြစ်ကြတဲ့ လိပ်ခုံးကျိုင်း၊ အန်သိုကိုးရစ် ကြမ်းပိုးနဲ့ စတာဖီလီနစ်ကျိုင်းကောင်တွေကို တိုးပွားအောင်အားပေးပါ။

    • အောက်ပါ ပိုးသတ်ဆေးတစ်မျိုးမျိုးကို ဆေးဘူး/အိတ်ပါအညွှန်းစာအတိုင်း အသုံးပြုပါ။

        ◦ အဆီဖိတ် (Acephate)

        ◦ ဒိုင်မီသိုအိတ် (Dimethoate)

ဒေါက်တာကိုကို (စိုက်ပျိုးရေး)

ဒေါက်တာကိုကို၏စိုက်ပျိုးရေးဆောင်းပါးများလေ့လာရန်

 (ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်"  "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေရှင့်)

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more