တာချီလန် (Choy Sum) စိုက်ပျိုးပြုစုနည်း

တာချီလန်က Brassicaceae မျိုးဝင်ဖြစ်ပြီး မုန်ညင်း၊ ကိုက်လန်တို့နဲ့ အပင်ပုံသဏ္ဍာန်ရော အရသာပါဆင်တူကြပါတယ်။ အများစုက ကိုက်လန်နဲ့ မှားတတ်ကြပေမယ့် တာချီလန်က ရိုးတံသေးသွယ်ပြီး ပိုလည်းနုပါတယ်။ ကိုက်လန်ထက်လည်း ပိုပြီးဈေးကောင်းရပါတယ်။ ကျန်းမာရေးနဲ့လည်းညီညွတ်ပြီး တာချီလန်ကိုကြော်စားမယ်ဆိုရင် ဗီတာမင် A, B6 နဲ့ အမျှင်ဓာတ်၊ ကယ်ဆီဓာတ်၊ သံဓာတ်တွေရရှိနိုင်ပါတယ်။ အခုလိုကာလကြီးမှာ အိမ်မှာစိုက်ပျိုးထားမယ်ဆိုရင် အာဟာရရှိတဲ့ ဟင်းတစ်ခွက်ရသလို များများစိုက်ပြီးရောင်းရင်လည်း အပိုဝင်ငွေကောင်းကောင်းရရှိနိုင်တာမို့ စိုက်ပျိုးနည်းလေးကို မျှဝေပေးလိုက်ပါတယ်ဗျ။

‌မြေအမျိုးအစားနဲ့ ကြိုက်နှစ်သက်သောရာသီဥတု

- မြေဆွေးဓာတ်ကြွယ်ဝပြီး ရေသွင်းရေထုတ်ကောင်းတဲ့မြေမျိုးကို ကြိုက်နှစ်သက်ပါတယ်။ မြေအချဉ်ငန်ဓာတ် (6-7) အတွင်းရှိရင် ပိုပြီးသင့်တော်ပါတယ်။

- အေးမြတဲ့ရာသီကို ပိုကြိုက်နှစ်သက်ပေမယ့် အပူချိန်အသင့်အတင့်ရှိတဲ့ ရာသီမှာလည်းစိုက်လို့ရပါတယ်။ အပူချိန်အရမ်းများရင်တော့ ခါးသွားတတ်ပါတယ်။ အပူချိန် ( 14°C-30°C) အတွင်း စိုက်နိုင်ပါတယ်။

- မတ်လ၊ ဧပြီလတို့လို ဆောင်းနှောင်းပိုင်းကာလနဲ့ ဩဂုတ်လ၊ စက်တင်ဘာလတို့လို မိုးကြိုကာလတွေမှာ စိုက်ဖို့သင့်တော်ပါတယ်။

စိုက်ပျိုးခြင်း

- မျိုးစေ့ကိုပျိုးပြီးမှ ရွှေ့ပြောင်းစိုက်လို့ရသလို တိုက်ရိုက်အစေ့ချ၍လည်း စိုက်နိုင်ပါတယ်။ ပျိုးပြီးမှစိုက်မယ်ဆိုရင် အရွက်လေးရွက်ထွက်တဲ့အရွယ်မှာ ရွှေ့စိုက်နိုင်ပါတယ်။

- တိုက်ရိုက်အစေ့ချစိုက်မယ်ဆိုရင်တော့ သဘာဝမြေဩဇာ၊ မြေဆွေးတွေနဲ့ ပြင်ထားတဲ့မြေမှာ အတန်းလိုက် မြောင်းလေးတွေပြုလုပ်ပေးပါ။ လက်မဝက်အနက်မှာ မျိုးစေ့ (၃) စေ့ခန့်ထည့်ပြီး ပင်ကြား (၆) လက်မ နဲ့ တန်းကြား (၁၂) လက်မ ခန့်ထား၍ စိုက်နိုင်ပါတယ်။

အပင်ပြုစုစောင့်ရှောက်ခြင်း

- စိုက်ပြီးပထမအပတ်မှာ ရေကိုနေ့တိုင်းလောင်းပေးသင့်ပြီး ရေမဝပ်အောင်ဂရုစိုက်ရပါမယ်။ တစ်ပတ်လောက်ကြာလို့ အပင်စပေါက်ပြီးတဲ့နောက်မှာတော့ နေ့တိုင်းရေပေးစရာမလိုဘဲ လိုအပ်သလောက်သာပေးပါ။

- အနည်းဆုံး တစ်ပတ်တစ်ခါတော့ ပေါင်းမြက်များကို ရှင်းလင်းပေးသင့်ပါတယ်။ ပေါင်းမြက်ပြဿနာ လျော့နည်းဖို့နဲ့ အစိုဓာတ်ထိန်းသိမ်းထားနိုင်ဖို့ မြေဖုံးခြင်းကိုလည်း လုပ်ဆောင်ပေးသင့်ပါတယ်။

- မြေဆွေးကြွယ်ဝတဲ့မြေမှာ စိုက်ခဲ့တာမို့ ဓာတ်မြေဩဇာကို ထွေထွေထူးထူး ထည့်ပေးစရာမလိုပါဘူးဗျ။

- တာချီလန်မှာ အဓိကကျရောက်တတ်တဲ့ ပိုးမွှားနဲ့ ရောဂါတွေကတော့ ပျများ၊ ခရု၊ ပက်ကျိ၊ ရွက်စားခူကောင်များ၊ ရွက်ထွင်းဂျပိုးနဲ့ အဝါရောင်အစက်အပျောက်ရောဂါ၊ ဖားဥမှိုရောဂါတို့ ကျရောက်တတ်ပါတယ်။

ခူးဆွတ်ရိတ်သိမ်းခြင်း

- မျိုးအပေါ်မူတည်ပြီး ရိတ်သိမ်းချိန် အနည်းငယ်ကွာခြားနိုင်ပါတယ်။ တချို့သောမျိုးတွေက စိုက်ပြီးရက် ( ၃၀) မှာ ခူးဆွတ်လို့ရသလို မျိုးအများစုကတော့ စိုက်ပြီးရက် ( ၅၀-၇၀) အတွင်း ခူးဆွတ်နိုင်ပါတယ်။

- တာချီလန်က အရွက်၊ အရိုး၊ အဖူးအပွင့် အကုန်စားလို့ရတာမို့ အပင်ခြေကနေ ဖြတ်ယူလို့ရသလို အပင်အပေါ်ပိုင်းတစ်ဝက်လောက်ပဲ ဖြတ်ယူမယ်ဆိုရင်တော့ တစ်ရာသီလုံး ခူးစားလို့ရနေမှာပါဗျ။

Ref; https://homeguides.sfgate.com/grow-choy-sum-38321.html

https://www.evergreenseeds.com/choy-sum/

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...