စီးပွားဖြစ် ကွမ်းခြံများတည်ထောင်ရာတွင် မှိုရောဂါကင်းစင်သည့် ကွမ်းမျိုးသန့်ရရှိရန် လွန်စွာအရေးကြီး

    စီးပွားဖြစ် ကွမ်းခြံများတည်ထောင်ရာတွင် မှိုရောဂါကင်းစင်သည့် ကွမ်းမျိုးသန့်ရရှိရန် လွန်စွာအရေးကြီးကြောင်း ကွမ်းစိုက်ပျိုးရေးကျွမ်းကျင်သူများက ပြောသည်။

ကျွန်တော်က ကွမ်းပင်ရေ (၃) သောင်း စိုက်ပျိုးထားပါတယ်။ ကွမ်းစိုက်သက်တမ်းက နှစ် (၄၀) မက ရှိပါပြီ။ ဘိုးဘွားတွေလက်ထက်ကတည်းက ကွမ်းစိုက်လာတာပါ။ ခေတ်ကာလကြာလာလို့ စိုက်နည်းစနစ် ပြောင်းလဲလာတာကလွဲပြီး၊ ကွမ်းကို တစိုက်မတ်မတ်စိုက်ပျိုးခဲ့ပါတယ်။ စီးပွားဖြစ် ခြံတည်တဲ့အခါ သတိထားရမှာတော့ မိုးခြံလုပ်မယ်ဆိုရင် အပင်ခြေမြေကြီးမှာ ရေမဝပ်ဖို့အရေးကြီးတယ်။ နောက်တစ်ခုက ကွမ်းမျိုးဝယ်ယူရာမှာ မျိုးသန့်ကွမ်းမျိုးကို ဝယ်ယူရရှိဖို့အရေးကြီးတယ်။ ကွမ်းမျိုးမှာ ရောဂါကပ်မပါလာဖို့က တော်တော်လေးဂရုစိုက်ဝယ်ရတယ်။ မျိုးမှာ ရောဂါကပ်ပါလာတဲ့အခါ စိုက်ပြီးရင် သေတာတို့၊ အရိုးပုပ်တာတို့၊ အမြစ်ဆွေးဝင်တာတို့ ဖြစ်တတ်ပါတယ်။

ဟု ဧရာဝတီတိုင်းဒေသကြီး၊ ညောင်တုန်းမြို့နယ်၊ စက္ကော့တောင်ကျေးရွာအုပ်စု၊ ဘုတ်ဆုံချောင်းကျေးရွာမှ ကွမ်းစိုက်ပျိုးရေးလုပ်ကိုင်သူ ဦးစိုးက ပြောသည်။

    ရှေးယခင်အခါများက ကွမ်းစိုက်ပျိုးရာတွင် မိုးခြံနှင့် နွေခြံဟူ၍ အများအားဖြင့် တစ်နှစ်လျှင် (၂) ကြိမ် စိုက်ပျိုးကြပြီး၊ ယခုအခါ ရေရရှိမှုအပေါ်မူတည်၍ တစ်နှစ်ပတ်လည်လုံး စိုက်ပျိုးလာကြသည်။

အောက်တိုဘာလ၊ နိုဝင်ဘာလ (သီတင်းကျွတ်/တန်ဆောင်မုန်း)  လတွေမှာ စိုက်တယ်။ မေလ၊ ဇွန်လ (ကဆုန်/နယုန်) လတွေမှာ တစ်ချီစိုက်တယ်။ ဟိုးတုန်းက ထုံးစံက အဲ့ဒီ (၂) ရာသီပဲ စိုက်တယ်။ နွေခြံနဲ့မိုးခြံလို့ ခေါ်ကြတာပေါ့။ အခုနောက်ပိုင်းတော့ ရေတွင်းတွေ တူးလို့ရလာတဲ့အတွက် ကွမ်းကို မတ်လ (တပေါင်းလ) ကတည်းက ကြိုစိုက်လာကြတယ်။ အရင်တုန်းကတော့ မိုးရွာတာကို စောင့်စိုက်ပျိုးကြရတာလေ။

ဟု ၎င်းက ပြောသည်။

ထုံးစံကတော့ ကွမ်းစိုက်ပျိုးပြီး တစ်လခွဲအကြာမှာ ခေါင်ညွှန့်နှိမ်လိုက်ပြီး (၃) လအကြာမှာ ကွမ်းစခူးပါတယ်။ ရက်ပေါင်း (၁၅၀)/ (၅) လလောက် ကြာတဲ့အထိ ကွမ်းတွေဆက်ခူးသွားလို့ရပါတယ်။ စစိုက်တဲ့အချိန်မှာ မြေပြင်ရတယ်။ ဂျပန်ကြက်ချေးမြေဩဇာ သုံးပါတယ်။ မြေခံကိုတော့ တီစူပါထည့်တယ်။ မစိုက်ခင်ကတည်းက မှိုဆေးတစ်မျိုးမျိုးနဲ့ တီဘီဆေးကို ရောစပ်ပြီး ကွမ်းရိုးတွေကို တစ်မိနစ်/နှစ်မိနစ် လောက်စိမ်ပြီးမှ စိုက်တယ်ဆိုရင် မှိုရောဂါတွေ ကွမ်းရိုးကိုလာမကပ်တော့ဘူး။ ကွမ်းစိုက်ပျိုးပြီးနောက် (၁၀)ရက်/(၁၅)ရက်သားလောက်မှာ (၁၀)ရက် တစ်ပတ်လောက်အကြာတိုင်း မှိုဆေးလေး နည်းနည်းစီဖြန်းပေးတယ်။

ဟု ကွမ်းစိုက်တောင်သူ ဦးစိုးက ဆက်လက်ပြောသည်။

    ကွမ်းခြံတည်ထောင်ရာတွင် ကွမ်းပင် တိုင်ရေ (၁၀၀၀) အတွက် စိုက်ပျိုးစရိတ်စုစုပေါင်းအနေဖြင့် တိုင်ဖိုး၊ မျိုးဖိုး၊ သွင်းအားစုစရိတ်များ အပါအဝင် ငွေကျပ်(၂)သိန်းဝန်းကျင် ကုန်ကျကြောင်း သိရသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်