အစိမ်းရောင်လမ်း
Greenovator
အစားအစာထုတ်လုပ်သူများအတွက် အရေးပါသော နည်းလမ်းကောင်းများ
၁။ ကုန်ကြမ်းပြင်ဆင်ရွေးချယ်ခြင်း၊ ထုတ်လုပ်ခြင်း
o ညစ်ညမ်းသော မြေနေရာ၊ စွန့်ပစ်ပစည်း စွန့်ထုတ်သည့်စက်ရုံ/အလုပ်ရုံများနှင့် ဝေးရာတွင်စိုက်ပျိုးခြင်း/ မွေးမြူခြင်း
o သန့်ရှင်းစွာ ထုတ်လုပ်ခြင်း
o သန့်ရှင်းစွာ သယ်ယူပို့ဆောင်ခြင်း
o စိတ်ချရသော ကုန်ကြမ်းပေးသွင်းသူများကို ရှာဖွေခြင်း
၂။ အဆောက်အဦး တည်နေရာ ရွေးချယ်ခြင်း
အစားအသောက် ထုတ်လုပ်ခြင်း လုပ်ငန်းစဉ် အတွက် လုပ်ငန်းတည်နေရာသည်
o ညစ်ညမ်းသော မြေနေရာ၊ စွန့်ပစ် ပစည်း စွန့်ထုတ်သည့် စက်ရုံ/ အလုပ်ရုံများနှင့် ဝေးရာတွင် တည်ရှိရမည်။
o ကြွက်၊ ခြင်၊ ယင်၊ ပိုးကောင် နှင့် အနံ့အသက်ဆိုးများမှ ကင်းရာ နေရာတွင် တည်ရှိရမည်။
o သန့်ရှင်းရေး ပြုလုပ်ရန် နှင့် ပြုပြင်ထိန်းသိမ်းရန် လွယ်ကူသည့် ဒီဇိုင်း ဖြစ်ရမည်။
o လုပ်ငန်းစဉ်များ၊ ဆင့်ပွားညစ်ညမ်းမှုများ ကို အလွယ်တကူ ထိန်းချုပ်နိုင်သည့် ဒီဇိုင်း ဖြစ်ရမည်။
o အခင်းအကျင်းဖွဲ့စည်းမှု သည် ထုတ်လုပ်မှု အဆင့်ဆင့်ကို အစဉ်လိုက် ဆောင်ရွက်သွားနိုင်သည့် ပုံစံ ဖြစ်ရမည်။ မတူညီသော ထုတ်လုပ်မှု အဆင့်များကို သီးခြားစီ ပြုလုပ်ရမည်။
o လေ၀င်လေထွက် ကောင်းရမည်။ လိုအပ်သော အပူချိန်ကို ထိန်းထားနိုင်ရမည်။
o လိုအပ်သော တစ်ကိုယ်ရေး သန့်ရှင်းရေး အသုံးအဆောင်များ လုံလောက်စွာ ရှိရမည်။
၃။ စက်ရုံပတ်၀န်းကျင်ဆိုင်ရာ သန့်ရှင်းရေး
သန့်ရှင်းရေး ပြုလုပ်ရာတွင်
o စက်ရုံတွင်း ပိုးမွှားများ မပေါက်ဖွားနိုင်အောင် သန့်ရှင်းရေးကို စနစ်တကျ ပြုလုပ်ရပါမည်။
o အမှိုက်များကို စနစ်တကျခွဲ၍ စွန့်ပစ်ရမည်။
o ထုတ်လုပ်မှု နေရာများတွင် ကျန်ရှိနေသည့် အမှုန်များကို ရှင်းလင်းခြင်း၊ ရေဆေးခြင်း၊ ဆပ်ပြာဖြင့်ဆေးခြင်း၊ စသည်တို့ကို စနစ်တကျ လုပ်ဆောင်ရပါမည်။ လိုအပ်ပါက ရေနွေး၊ ကလိုရင်း သို့မဟုတ် အရက်ပျံ သုံး၍ ပိုးသတ် ရမည်။
o ကြမ်းပြင်များကို အမှုန်အမွှား၊ အမှိုက်သရိုက်များမှ ကင်းစင်အောင် အမြဲ သန့်ရှင်းအောင် ထားရမည်။ လိုအပ်ပါက ကလိုရင်း သို့မဟုတ် အိုင်အိုဒင်း ကို သတ်မှတ်ထားသော ပမာဏ သုံး၍ ပိုးသတ်နိုင်ပါသည်။
o စက်များကို ထုတ်လုပ်သူ၏ လမ်းညွှန်ချက် သို့မဟုတ် သတ်မှတ်ထားသော သန့်ရှင်းရေး အစီအစဉ်များအတိုင်း လုပ်ဆောင်ရမည်။
၄။ ပိုးမွှားအန္တရာယ် ထိန်းချုပ် ကာကွယ်ခြင်း
o လုံခြုံမှုရှိသော၊ ပိုးမွှားမ၀င်နိုင်သည့် အဆောက်အဦး ဖြစ်အောင် ပြင်ဆင်ရမည်။
o စက်ရုံအတွင်း ပိုးမွှာများ မျိုးပွားနိုင်သော နေရာများကို ထိန်းချုပ်ရမည်။
o ရေနှုတ်မြောင်းများ၊ ရေပိုက်များ၊ တံခါးအောက်ခြေများကို စနစ်တကျ ထိန်းချုပ်ကာရံထားရမည်။
o အပြင်ဘက် အပေါက်၀ တွင် ကြွက်ထောင်ချောက်များ၊ ကြွက်ကပ်ကော်ထောင်ချောက်များ အသုံးပြုနိုင်ပါသည်။
o အင်းဆက် ပိုးမွှားထောင်ချောက်/ အလင်းရောင်ထောင်ချောက်များ ထားရှိရမည်။
o (သို့မဟုတ်) ပိုးမွှားအန္တရာယ် ထိန်းချုပ်ကာကွယ်ခြင်းအတွက် လုပ်ဆောင်ပေးသော ပြင်ပအဖွဲ့အစည်းများကိုလည်း အပ်နှံနိုင်ပါသည်။
၅။ ၀န်ထမ်းဆိုင်ရာ သတ်မှတ်ချက်များ
o ကျန်းမာရေးကောင်းမွန်သောသူ ဖြစ်ရပါမည်။
o တစ်ကိုယ်ရေ သန့်ရှင်းမှု ရှိရမည်။
o လုပ်ငန်းခွင်မ၀င်မှီ သတ်မှတ်ထားသော တစ်ကိုယ်ရေသန့်ရှင်းရေး အသုံးအဆောင်များကို သေချာစွာ၀တ်ဆင် ရမည်။ (အေပရွန်၊ ခေါင်းစွပ်၊ နှာခေါင်းစည်း၊ ဖိနပ်)
o လက်သည်းဆိုးဆေးများ၊ မျက်တောင်တုများ၊ လက်၀တ်ရတနာများ ၀တ်ခြင်းကို စစ်ဆေးတားမြစ်ရမည်။
o လက်ကို သေချာစွာ ဆေးရမည်။
o အစားအစာညစ်ညမ်းမှုကို ဖြစ်စေသည့် အောက်ပါအချက်များကို သေချာစောင့်ကြည့် တားမြစ်ရမည်။
· ကွမ်းတံတွေး ထွေးခြင်း
· စကားပြောခြင်း
· ဖုံးအုပ်မထားသော အစားအစာများအနီးတွင် နှာချေခြင်း၊ ချောင်းဆိုးခြင်း
· ထုတ်လုပ်မှုနေရာတွင် အစာစားခြင်း
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}