သီရိမင်္ဂလာဈေးသို့ ကွမ်းတင်ပို့မှုများပြားနေခြင်းကြောင့် ကွမ်းဈေးကွက်အနည်းငယ်ကျဆင်းမှုရှိနေ

    ဧရာဝတီတိုင်းဒေသကြီးမှ ရန်ကုန်တိုင်းဒေသကြီး သီရိမင်္ဂလာဈေးသို့ ကွမ်းတင်ပို့မှုများပြားနေခြင်းကြောင့် ကွမ်းဈေးကွက်အနည်းငယ်ကျဆင်းမှုရှိနေကြောင်း ဈေးကွက်ကျွမ်းကျင်သူများထံမှ သိရသည်။

ကျွန်တော်တို့ဒေသတွေကနေ ရန်ကုန်၊ သီရိမင်္ဂလာဈေးကိုတင်ပို့နေတဲ့ ကွမ်းရွက်ဈေးကွက်က နည်းနည်းအေးသွားပါတယ်။ သီရိမင်္ဂလာဈေးကို ကွမ်းတွေတင်ပို့မှုများနေတဲ့အတွက် ဈေးသိပ်မကောင်းတော့တာပါ။ နှစ်စဉ် ဒီလိုအချိန်ဆိုရင် ဈေးကောင်းရနိုင်တာကို တောင်သူတွေက သိလာတဲ့အတွက် ဈေးကွက်ကို ချိန်ဆစိုက်ပျိုးကြတယ်။ ဧရာဝတီတိုင်းအတွင်းက ရေမမြှုပ်တဲ့နေရာ အားလုံးနီးပါးက ကွမ်းကို ဒီအချိန်မှာထွက်အောင် ချိန်ပြီးစိုက်လာကြတော့ စုပြုံတင်ပို့သလိုဖြစ်သွားပြီး ဈေးကျဆင်းတာပါ။

ဟု ဧရာဝတီတိုင်းဒေသကြီး၊ ညောင်တုန်းမြို့နယ်မှ ကွမ်းစိုက်တောင်သူ ကိုမင်းလွင်က ပြောသည်။

    ၂၀၂၀ ခုနှစ်၊ ယခုရာသီချိန်မျိုးက အရည်အသွေးမြင့် ကွမ်းအချိန်တစ်ဆယ်လျှင် ကျပ် (၁) သိန်းကျော် ဈေးရရှိခဲ့သော်လည်း၊ ယခုနှစ်တွင်မူ အရည်အသွေးမြင့် ကွမ်းအချိန်တစ်ဆယ်လျှင် ကျပ်(၇)သောင်းမှ (၈) သောင်းအတွင်းသာ ရရှိကြောင်းသိရသည်။

အကောင်းဆုံးဆိုတဲ့ အရည်အသွေးရှိတဲ့ကွမ်းကိုမှ ဒီလောက်ပဲဈေးရတော့တာပါ။ အဓိကအားဖြင့် သီရိမင်္ဂလာဈေးကို တင်ပို့နေတာက ဒီအချိန်မှာဆိုရင် ပန်းတနော်ကွမ်းပါ။ ပန်းတနော်၊ ကျောင်းကုန်း၊ ဟင်္သာတ၊ ညောင်တုန်းဘက်ကကွမ်းခြံတွေက အများဆုံးတင်ပို့ကြတာပေါ့။ ဒါပေမယ့် ဟင်္သာတဘက်ကကျတော့ ပန်းတနော်၊ ညောင်တုန်း၊ ကျောင်းကုန်းတို့ဘက်က ကွမ်းတွေရဲ့အရည်အသွေးကို မမှီဘူး။ ဈေးကွက်ယှဉ်တာမျိုးမလုပ်ဘဲ သူ့ဈေးကွက်နဲ့တော့ သူ့ဘာသူ ရပ်တည်တယ်ပေါ့။ ဒီလိုနဲ့ ဒီအချိန်ဆိုရင် ကွမ်းဈေးကောင်းတာကိုသိတော့ စိုက်ပျိုးချိန် တူညီလာကြပြီး စုပြုံတင်ပို့ရင်း ဈေးကွက်အခုလို ကျဆင်းလာတာပါပဲ။

ဟု ၎င်းက ဆက်လက်ပြောသည်။

     ၂၀၂၁ ခုနှစ်၊ ဒီဇင်ဘာလ (၇) ရက်နေ့ ကွမ်းရွက်လက်ကားရောင်းချမှုအနေဖြင့် (ရိုးညို/စိမ်း) ယာကွမ်း တစ်ပိဿာလျှင် အရည်အသွေးပေါ်မူတည်၍ (၄၀၀၀) ကျပ်မှ (၈၀၀၀) ကျပ်အတွင်း၊ ယာဆိုက်ပြည့် တစ်ပိဿာလျှင် အရည်အသွေးပေါ်မူတည်၍ (၅၅၀၀) ကျပ်မှ (၆၀၀၀) ကျပ် အတွင်း၊ ဆိုက်လတ် တစ်ပိဿာလျှင် အရည်အသွေးပေါ်မူတည်၍ (၁၅၀၀) ကျပ်မှ (၄၀၀၀) ကျပ် အတွင်း၊ ဆိုက်သေး တစ်ပိဿာလျှင် အရည်အသွေးပေါ်မူတည်၍ (၁၀၀၀)ကျပ်မှ (၁၅၀၀)ကျပ် အတွင်း၊ ပယ်ကြီး တစ်ပိဿာလျှင် (၃၅၀၀) ကျပ်မှ (၄၀၀၀) ကျပ် ဈေးနှုန်းများဖြင့် ရောင်းဝယ်ဖောက်ကားနေကြောင်း သီရိမင်္ဂလာဈေးရှိ ရွှေရင်အေးရိပ် ကွမ်းနှင့်ကွမ်းသီး ရောင်းဝယ်ရေးမှ သိရသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more