တောင်သူလက်ထဲ နှမ်းကုန်ချိန်ဖြစ်သဖြင့် နှမ်းဈေးအနည်းငယ်ပြန်တက်

တောင်သူများလက်ထဲ၌ နှမ်းကုန်သည့်အချိန်ဖြစ်သဖြင့် ဈေးကွက်အတွင်း နှမ်းဈေးအနည်းငယ်ပြန်တက်လာကြောင်း နှမ်းစိုက်တောင်သူများထံမှ သိရသည်။

ဈေးက နည်းနည်းချင်းပြန်တက်လာနေတယ်။ လုံးဝဈေးတက်တယ်လို့တော့ ပြောလို့မရသေးပါဘူး။ ဈေးတော့ အရမ်းကြီးမကောင်းသေးဘူးပေါ့။ နှမ်းရိတ်ခ၊ အလုပ်သမားခ၊ မြေဆီဖိုးတွေ ပေးချေရတာကြောင့် ပြီးခဲ့တဲ့လပိုင်းက ရတဲ့ဈေးတွေနဲ့ နှမ်းရောင်းခဲ့ရသူတွေ အတော်လေးများပါတယ်။ အခုကျတော့ တောင်သူလက်ထဲမှာ နှမ်းက သိပ်မရှိတော့ဘူး။ နှမ်းကုန်တဲ့အချိန်ကျတော့မှ နှမ်းဈေးက ပြန်တက်လာတယ်။

ဟု စစ်ကိုင်းတိုင်း၊ ရွှေဘိုခရိုင်၊ ဝက်လက်မြို့နယ်၊ ရေထွက်ကျေးရွာမှ နှမ်းစိုက်တောင်သူ ဦးလှဝင်းဆွေ က ပြောသည်။

ရွှေဘိုခရိုင်၌ ဧပြီလ (၃၀) ရက်နှင့် မေလ (၂) ရက်တို့တွင် တစ်ကြိမ် မိုးကြီးရွာသွန်းခဲ့သဖြင့်၊ မိုးနှမ်းစိုက်ပျိုးသူများ နှမ်းခင်းများပျက် အရှုံးပေါ်ခဲ့ပြီး၊ နွေနှမ်းစိုက်ပျိုးသူများမှာ နှမ်းဈေးကောင်းရရန် မျှော်လင့်ထားခဲ့ကြသည်။

မတ်လအလယ်လောက်မှာ နှမ်းစကြဲတဲ့သူတွေကတော့၊ နှမ်းမရောင်းရသေးဘူးဆိုရင် အခုဈေးနဲ့ ရောင်းလို့ရမှာပေါ့။ ဧပြီလအလယ်လောက်မှာ မိုးနှမ်းကြဲတဲ့သူတွေကတော့ အခင်းတွေပျက်ကုန်ပြီး နှမ်းကို မရိတ်သိမ်းလိုက်ရပါဘူး။ တောင်သူတော်တော်များများ အထိနာကုန်ကြပါတယ်။ မိုးနှမ်းတွေကလည်း မရိတ်ရတော့ ကုမဏီချေးငွေဆပ်ဖို့အတွက် အပြင်ကနေ အတိုးနဲ့ ငွေချေးယူရသူတွေလည်း ရှိပါတယ်။

ဟု ဦးလှဝင်းဆွေ က ဆက်လက်ပြောသည်။

ဇွန်လက နှမ်းဈေး တစ်ပိဿာလျှင် (၄၄၀၀၀) ဝန်းကျင် ဈေးနှုန်းရှိခဲ့ပြီး၊ လက်ရှိတွင် နှမ်းဈေး တစ်ပိဿာလျှင် (၅၅၀၀၀) ကျပ် ဝန်းကျင်ဖြင့် ရောင်းဝယ်နေကြောင်း ရွှေဘိုခရိုင်၊ ဝက်လက်မြို့နယ်ရှိ နှမ်းဒိုင်များမှ သိရသည်။

မြန်မာနိုင်ငံတွင် နှမ်းသီးနှံကို စစ်ကိုင်းတိုင်းနှင့် မကွေးတိုင်းတို့တွင် အများဆုံး စိုက်ပျိုးကြပြီး၊ နွေနှမ်းကို မတ်လတွင် စိုက်ပျိုး၍၊ မိုးနှမ်းကို မေလတွင် စိုက်ပျိုးကြသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...