ဖီးကြမ်းငှက်ပျောဈေးနှုန်းများ စတင်မြင့်တက်လာ

၂၀၂၀ ခုနှစ်၊ ဇွန်လအတွင်း ဖီးကြမ်းငှက်ပျောဈေးနှုန်းများ စတင်မြင့်တက်လာကြောင်း ငှက်ပျောစိုက် တောင်သူများက ပြောသည်။

ဈေးကွက်ထဲမှာ ဖီးကြမ်းငှက်ပျောဈေးနှုန်းတွေကတော့ တရိပ်ရိပ်နဲ့တက်လာနေပါတယ်။ အရင်ကထက် ဈေးကွက်ဝယ်လိုအားလည်း ပိုပြီးကောင်းနေပါတယ်။

ဟု မကွေးတိုင်း၊ ပွင့်ဖြူမြို့မှ ငှက်ပျောစိုက်တောင်သူ ကိုမောင်နိုင် က ပြောသည်။

၂၀၂၀ ခုနှစ်၊ မတ်လက ဖီးကြမ်းငှက်ပျော တစ်ဖီးလျှင် (၁၂၀၀) ကျပ်အထိ ဈေးမြင့်တက်ခဲ့သော်လည်း၊ နောက်ပိုင်းတွင် ဖီးကြမ်းငှက်ပျောဈေး ကျဆင်းသွားခဲ့ပြီး၊ ယခုတဖန် ပြန်လည်ဈေးတက်လာခြင်းဖြစ်သည်။

မတ်လတုန်းက အသီးအထွက်နည်းချိန်မို့ ဈေးတက်ခဲ့တာပါ။ အခုလက်ရှိမှာတော့ ဖီးကြမ်းငှက်ပျောတစ်ဖီးကို ကိုးရာကျပ်ဝန်းကျင် ပေါက်ဈေး ပြန်လည်ရရှိနေပါတယ်။ ရန်ကုန်လက်လီဈေးနှုန်းတွေနဲ့တော့ အနည်းငယ် ကွာခြားမှုရှိနိုင်ပါတယ်။

ဟု ကိုမောင်နိုင် က ပြောသည်။

မြန်မာနိုင်ငံတွင် ဖီးကြမ်းငှက်ပျောကို မန္တလေးတိုင်း ကျောက်ဆည်အနီးတဝိုက်၊ မကွေးတိုင်း ပွင့်ဖြူ၊ ပခုက္ကူ အနီးတဝိုက်၊ စစ်ကိုင်းတိုင်း ရွှေဘိုနှင့် ဧရာဝတီတိုင်း ကျုံပျော်မြို့အနီးတဝိုက်ဒေသများတွင် အများဆုံး စိုက်ပျိုးထုတ်လုပ်နေကြောင်း သိရသည်။

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။