ဖရဲစျေးနှုန်းများတက်လာ

မြန်မာ့ဖရဲ စျေးနှုန်းများမှာ နှစ်သစ်ကူးအပြီး ပိုမိုတက်လာတာဖြစ်တယ်လို့ မြန်မာနိုင်ငံဖရဲ ၊ သခွား စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။ 

တရုတ်ဘက်မှ နှစ်သစ်ကူးအပြီးမှာ ဝယ်လိုအားတက်လာတဲ့အတွက် မြန်မာ့ဖရဲစျေးနှုန်းများမှာ (၁၇) တန်ကို ယွမ် ၃၀၀၀ လောက် ပိုမိုတက်လာတယ်လို့ မြန်မာနိုင်ငံဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌဦးနိုင်ဝင်းကပြောပါတယ်။

ဖရဲက ခရစ္စမတ်ကနေစပြီးတဖြည်းဖြည်းတက်လာတာ အခုဆိုရင် (၁၇) တန်ကို ယွမ် (၃၀၀၀)လောက်ပိုမိုတက်လာပါတယ်။ နှစ်ကူးပြီးမှ ပိုတက်လာတာပေါ့။ တရုတ်ဘက်ကလည်း ရာသီဥတုကြောင့် စိုက်လို့မရဘူးဆိုတော့ အဝယ်လိုက်လာတာလည်းပါတယ်

အရင် စက်တင်ဘာလနဲ့ အောက်တိုဘာလများက မြန်မာ့ဖရဲ (၁၇) တန်ကို ယွမ် ၃၉၀၀၀ သာရှိပြီး အခုနှစ်သစ်ကူးအပြီး မြန်မာ့ဖရဲ (၁၇) တန်ကို ယွမ် ၄၂၀၀၀ စျေးနှုန်း မြင့်တက်လာကြောင်းသိရပါတယ်။

မြန်မာ့ဖရဲကို တရုတ်ကိုအဓိကထားတင်ပို့နေပြီး အခြားပြည်ပနိုင်ငံစျေးကွက်များကိုလည်း တင်ပို့နေတာဖြစ်ကြောင်း မြန်မာနိုင်ငံ ဖရဲသခွားစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။ 

တိုးတိုးခိုင်(ABM)

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်