၀င်ငွေနှစ်ဆတိုးစေမယ့် ဘက်စုံစိုက်ပျိုးမွေးမြူရေးစနစ်

၀င်ငွေနှစ်ဆတိုးစေမယ့် ဘက်စုံစိုက်ပျိုးမွေးမြူရေးစနစ်

၀င်ငွေနှစ်ဆတိုးစေဖို့ သွင်းအားစုကုန်ကျစရိတ်တွေကို လျော့ချပြီး အကြိုးအမြတ်ပိုမို ရစေမယ့် ဘက်စုံစိုက်ပျိုးမွေးမြူရေး စနစ်လေးကို ပြောပြသွားမှာ ဖြစ်ပါတယ်။ စိုက်ပျိုးရေး လုပ်ကိုင်သူ အများစုက စိုက်ပျိုးရေးတစ်ခုတည်းသာ လုပ်ကိုင်တာများသည့်အတွက် စိုက်ပျိုးရေးက ထွက်လာတယ့် စွန့်ပစ်ပစ္စည်းတွေကို ပြန်လည်အသုံးချနိုင်မယ့်နေရာနည်းပြီး သီးနှံအကြွင်း အကျန်တွေ လေလွင့်ဆုံးရှုံးရတယ်။ ထိုပြသနာကို စိုက်ပျိုးရေးအပြင်မွေးမြူရေးပါ တွဲဖက်လုပ်ကိုင်ခြင်းဖြင့် ဖြေရှင်းနိုင်မှာဖြစ်ပါတယ်။ ဒီအတိုင်းစွန့်ပစ်ရမယ့် သီးနှံအကြွင်းအကျန်တွေကို ဝင်ငွေရရှိဖို့ လုပ်ကြည့်ကြရအောင်နော်။

မွေးမြူရေးကိုတွဲဖက်လုပ်ကိုင်ခြင်းဖြင့် စိုက်ပျိုးရေးမှ ထွက်လာမည့် သီးနှံအကြွင်း အကျန်တွေ၊ ရိုးပျက်တွေကို တိရိစ္ဆာန်တွေကို ကျွေးနိုင်သောကြောင့် တိရိစ္ဆာန်အစာအတွက် ကုန်ကျ စရိတ်ကို သက်သာစေမည့်အပြင် သီးနှံ အကြွင်းအကျန်တွေ ဆုံးရှုံးမှုကိုလဲ လျော့နည်းစေမှာ ဖြစ်ပါတယ်။ ဥပမာ နွားမွေးခြင်းဖြင့် လုပ်သားအင်အားလဲရသလို နွားနို့လဲရသဖြင့် အပိုဝင်ငွေလဲ ရရှိစေမှာ ဖြစ်ပါတယ်။ ထို့ပြင် နွားချေးရရှိသည့်အတွက် အပင်နှင့်မြေဆီလွှာအတွက် သဘာဝ မြေသြဇာကိုရရှိစေမှာ ဖြစ်ပါတယ်။

ငါးမွေးမြူခြင်းကိုလဲ တွဲဖက်လုပ်ကိုင်နိုင်ပါတယ်။ ငါးစာအတွက် အိမ်မီးဖိုချောင်မှထွက်သော သီးနှံအကြွင်းအကျန်များ၊ စိုက်ခင်းမှထွက်သော သီးနှံအကြွင်းအကျန် များအပြင် နွားချေးကိုလည်း ငါးစာအနေနဲ့ ကျွေးနိုင်ပါတယ်။ ငါးမွေးကန်မှရေကို စိုက်ခင်းသို့ လှောင်းခြင်းဖြင့် အပင်များအတွက် အာဟာရဖြစ်စေတယ်။ ထိုနည်းတူပင် ၀က်မွေးမည်ဆိုရင်လဲ ဝက်စာအတွက်လဲ အဆင်ပြေသလို ဝက်ချေးကို ငါးကန်ထဲသို့ ငါးစာအနေနဲ့ကျွေးနိုင်သည်။ အပူပိုင်းဇုန်ရှိ သီးနှံစိုက်ပျိုး၍မဖြစ်ထွန်း သော မြေအချို့မှာ ဆိတ်၊သိုး တို့ကိုနှစ်အနည်းငယ်မွေးမြူခြင်းဖြင့် မြေဆီလွှာကိုပြန်လည် ကျန်းမာ လာစေနိုင်ပါတယ်။ ထို့ပြင် ပိုးမွေးမြူရေးနှင့် ပျားမွေးမြူရေးများနှင့်ပါ တွဲဖက်လုပ်ဆောင်နိုင် ပါတယ်။

လုပ်ငန်းတစ်ခုမှထွက်လာတဲ့ စွန့်ပစ်ပစ္စည်းကို တစ်ခြားတစ်ဖက်မှာ သွင်းအားစုအနေနဲ့ ပြန်သုံးနိုင်သည့်အတွက် သွင်းအားစုကုန်ကျစရိတ်ကို အနည်းဆုံးဖြစ်စေပြီး အကျိုးအမြတ် အများဆုံး ရစေတယ်။ စွန့်ပစ်ပစ္စည်းတွေကို ပြန်လည်အသုံးပြုသည့်အတွက် ပတ်ဝန်းကျင် ညစ်ညမ်းမှုကို လျော့ကျစေတယ်။

စိုက်ပျိုးရာသီမတိုင်ခင်မှာလဲ လုပ်ကိုင်စရာအလုပ်ရှိသောကြောင့် ဝင်ငွေရရှိမှုကို ပိုမိုသေချာ စေနိုင်မှာဖြစ်ပါတယ်။ ဘက်စုံစိုက်ပျိုးမွေးမြူရေးကို လုပ်ဆောင်ခြင်းကြောင့် လုပ်ငန်းတစ်မျိုးမှ အရှုံးပေါ်လျှင်တောင် အခြားလုပ်ငန်းတစ်မျိုးမှ အမြတ်ဖြင့်ကာမိသောကြောင့် ရေရှည်တည်တံ့သော စိုက်ပျိုးထုတ်လုပ်မှု ဖြစ်စေတယ်။ လုပ်ငန်းတစ်ခုမှ စွန့်ပစ်ပစ္စည်းကို အခြားတစ်ခုမှာ အသုံးပြုသော ကြောင့် ပြင်ပမှထပ်မံထည့်သွင်းရသည့် သဘာဝအရင်းအမြစ်ကိုလျော့နည်းစေသောကြောင့် သဘာဝ ပတ်ဝန်းကျင်ကိုလည်းထိန်းသိမ်းပြီးသား ဖြစ်စေနိုင်ပါသည်။

ဝတ်မှုန်သင်း

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်