ဆွမ်းမွှေးပင်

16/09/2020 15:00 PM တွင် စုမြတ်မြတ်မိုး စုမြတ်မြတ်မိုး မှ ရေးသား

    ဆွမ်းမွှေးပင်ကို ထမင်းချက်ရာတွင် ရနံ့သင်းပျံ့စေရန် ထည့်ကြသည်ဟု လူသိများပါသည်။ ဆွမ်းမွှေးပင်ကို အင်္ဂလိပ်အမည် Pandan ဟု ခေါ်ပါသည်။ သိပ္ပံအမည်မှာ Pandanus amaryllifolius ဖြစ်ပြီး မျိုးစဥ်မှာ Pandanales ဖြစ်ပါသည်။ မျိုးရင်းမှာ Pandanaceae ဖြစ်ပါသည်။ မူရင်းဒေသမှာ တောင်အာရှနှင့် အရှေ့တောင်အာရှဖြစ်ပါသည်။ ရနံမွှေးကာ လူကြိုက်များသော ဆွမ်းမွှေးပင်အများစုသည် အာရှနှင့် သီရိလင်္ကာမှ ဖြစ်ပါသည်။

    ဆွမ်းမွှေးပင်သည် ဆီအုန်းပင်နှင့်ပုံစံဆင်ကာ ခြုံပင်ပုအမျိုးအစားဖြစ်ပါသည်။ အရွက်များသည် သေးသွယ်၍ ချွန်ကာ ထောင်မတ်ပြီး ရှည်လျားပါသည်။ အရွက်၏အရောင်မှာ အစိမ်းရင့်ရောင်ဖြစ်ပါသည်။ ရာသီဥတုဒဏ်ကိုခံနိုင်ကာ ရုံလိုက်ပွားနိုင်ပါသည်။ အရွက်၏ရနံ့သည် အလွန်သင်းပျံကာ အုန်းနို့ကဲ့သို့ ချိုအီသောရနံ့ဖြစ်ပြီး အထူးသဖြင့် ထိုင်းနိုင်ငံတွင် အချိုပွဲများပြုလုပ်ရာတွင်သုံးပါသည်။ မြန်မာနိုင်ငံတွင်လည်း ထမင်းချက်ရာတွင် ပေါ်ဆန်းမွှေးရနံ့ကဲ့သို့ သင်းပျံ့စေရန် ထမင်းအိုးနှပ်သည့်အခါအရွက်ကိုထုံး၍ ထည့်ချက်ကြပါသည်။ ယခုအခါ ဆွမ်းမွှေးရွက်ကို ထမင်းချက်ရာတွင် အသုံးပြုသည့်အပြင် ဆွမ်းမွှေးရွက်မှရသော သဘာဝအရောင်ကို စားစရာများတွင်ထည့်သွင်း၍ ဆွမ်းမွှေးသာကူလုံး၊ ဆွမ်းမွှေးကောက်ညှင်းလုံး၊ ဆွမ်းမွှေးကိတ်၊ ဆွမ်းမွှေးကျောက်ကျော၊ ဆွမ်းမွှေးရေခဲမုန့် စသည်တို့်ကို ပြုလုပ်ကြပါသည်။ ထို့ပြင် မုန့်လက်ဆောင်းဖတ်များကို ဆွမ်းမွှေးရည်ဖြင့် အစိမ်းရောင်လုပ်ကာ ပိုမိုစားချင့်စဖွယ်အနေအထားနှင့်ပြုလုပ်လာကြပါသည်။ ဆွမ်းမွှေးရွက်ကို လက်ဖက်ရည်ကြမ်းအဖြစ်လည်း သောက်သုံးလာကြပါသည်။ အချို့လူများက ကောက်ညှင်းထုပ် ထုပ်ရာတွင် ငှက်ပျောဖက်အစား ဆွမ်းမွှေးရွက်များနှင့်ထုပ်ပိုးကာ ပိုမိုသင်းပျံ့သော ကောက်ညှင်းထုပ်ကို ပြုလုပ်ကြပါသည်။

    အရွက်ကို အရည်ယူရာတွင် ပထမဦးစွာအရွက်စိမ်းများကို သန့်စင်စွာဆေးကြော၍ အပိုင်းပိုင်းဖြတ်ပါ။ ထို့နောက် ကြိတ်စက်အတွင်းသို့ ထိုအရွက်နှင့် ရေအနည်းငယ်ထည့်ကာကြိတ်ပြီးနောက် အဝတ်ပါးဖြင့်စစ်ပြီး အရည်ကိုရယူကာ လိုအပ်သည့် အချိုပွဲများ မုန့်များတွင် သုံးနိုင်ပါသည်။ ဆွမ်းမွှေးရွက်တွင် မွှေးသောရနံ့ဖြစ်စေခြင်းမှာ 2-acetyl-1-pyrroline ဒြပ်ပေါင်း ပါဝင်သောကြောင့် ဖြစ်ပါသည်။ ထိုဒြပ်ပေါင်းသည် ဘာစမာတီ ဆန်တွင်လည်း ပါဝင်ပါသည်။ ထို့ပြင်  pandamarine ဒြပ်ပေါင်းလည်း ပါဝင်ပါသည်။ ထိုအရာကလည်း နို့ကဲ့သို့သော သင်းပျံ့သည့် အနံ့အရသာကို ပေးစွမ်းနိုင်ပါသည်။

    ဆွမ်းမွှေးရွက်ကို ဟင်းချက်ရာတွင် သုံးသည်သာမက ဘဲ အိပ်မပျော်ခြင်း၊ ပင်ပန်းနွမ်းနယ်ခြင်း၊ သွေးတိုး၊ နားကိုက်၊ ဒူးနာ ခါးနာခြင်း၊ အရက်နာကျခြင်း၊ ကိုယ်ပူကြီးခြင်း၊ ကင်ဆာရောဂါ စသည်တို့တွင် အရွက်စိမ်းအရည်ကို သောက်သုံးခြင်း၊ ဆွမ်းမွှေးရွက် လက်ဖက်ရည်ကြမ်းကို သောက်ခြင်းဖြင့် သက်သာစေပါသည်။ ထို့ပြင် ဆွမ်းမွှေးပင်၏ရနံ့သည် အင်းဆက်ပိုးမွှားများကို ပြေးစေသောအစွမ်းရှိ၍ သဘာဝ အင်းဆက်ပြေးဆေးအနေနှင့်လည်း အရွက်အရည်ကို သုံးနိုင်ပါသည်။

    အာရှဒေသရှိလူများနှင့်မစိမ်းသော ဆွမ်းမွှေးရွက်သည် အနံ့အရသာပြည့်စုံရုံသာမက ဆေးဖက်လည်းဝင်သည့်အတွက် တန်ဖိုးအနည်းငယ်သာရင်းရသော ဆွမ်းမွှေးရွက်ဖြင့် မြန်မာ့ရိုးရာအချိုပွဲများ ပြုလုပ်ကြည့်ကြစေလိုကြောင်း ရေးသားလိုက်ရပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်