မွေးမြူရေးလုပ်ငန်းနှင့် ရေ အရည်အသွေး

စီးပွားဖြစ်မွေးမြူရေးလုပ်ငန်းမှာ ရေဟာ မွေးမြူရေးတိရစ္ဆာန်တွေ၏ အစာစားနှုန်း၊ ကြီးထွားမှုနှုန်းနှင့် ထုတ်လုပ်နိုင်စွမ်းအပေါ် များစွာလွှမ်းမိုးထားပါတယ်။ ဒါ့ကြောင့် မွေးမြူရေးတိရစ္ဆာန်တွေဟာ အရည်အသွေးကောင်းမွန်တဲ့ သောက်ရေရရှိရန် လွန်စွာအရေးကြီးလှပါတယ်။

မွေးမြူရေးလုပ်ငန်းရှင်အများစုဟာ မိမိမွေးမြူထားတဲ့ ကြက်ခြံ(သို့မဟုတ်) ဝက်ခြံမှာ သောက်ရေအရေးပါမှုကို မေ့လျော့တတ်ကြပြီး တိရစ္ဆာန် အစာနှင့် ဆေးဝါးကိုသာ အဓိက အာရုံစိုက်လေ့ရှိကြပါတယ်။ ကြက်၊ ဝက် နှင့် နွားမွေးမြူရေးလုပ်ငန်းမှာ သောက်ရေဟာ မွေးမြူထားတဲ့ တိရစ္ဆာန်တွေရဲ့ ဇီဝရုပ်ဖြစ်ပျက်ခြင်းမှာ အဓိကပါဝင်ကူညီပေးပြီး ခန္ဓာကိုယ်အပူချိန်၊ အစာခြေဖျက်ခြင်းနှင့် စွန့်ထုတ်ခြင်းဖြစ်စဉ်တွေမှာ ကူညီပေးပါတယ်။

ရေအရင်းအမြစ်

မွေးမြူရေးလုပ်ငန်းမှာ သောက်ရေကို အဝီစိရေနက်တွင်းများမှ အဓိကမှီခိုနေရပါတယ်။ ၎င်း တွင်းရေတွေမှာ သတ္တုဓာတ်များ၊ အဆိပ်ဓာတုပစ္စည်းများနှင့် ဘက်တီးရီးယားပိုးမွှားများပါဝင်တတ်ပြီး ဝက်များ၏ ကျန်းမာရေးနှင့် ထုတ်လုပ်မှုစွမ်းရည်အပေါ် ဆိုးကျိုးသက်ရောက်နိုင်ပါတယ်။ ပုံမှန်အားဖြင့် တိရစ္ဆာန်တွေ၏ သောက်ရေမှာ ကလိုရင်းရေသန့်ဆေးကို ထည့်ကာ သောက်သုံးရေ၏ အရည်အသွေးကို ထိန်းညှိနိုင်ပါတယ်။ ကလိုရင်းအဆင့် ( Chlorine level) ကို ၂.၀ ppm အထိရောက်အောင်ထည့်ပေးနိုင်ပါတယ်။

ရေအရည်အသွေး စစ်ဆေးခြင်း

မွေးမြူရေးခြံတွေမှာ အရည်အသွေးကောင်းမွန်တဲ့ သောက်ရေ ရရှိနိုင်ဖို့ဆိုလျှင် ပုံမှန်စစ်ဆေးပေးခြင်းများ ပြုလုပ်ပေးရမှာဖြစ်ပါတယ်။ မွေးမြူသူတွေအနေဖြင့် ပုံမှန်အသုံးပြုသည့် အုတ်ကန်များ၊ ရေစည်နှင့် ပိုက်လိုင်းများကို အချိန်မှန်ဆေးကြောပေးခြင်းများ လုပ်ဆောင်ပေးနိုင်ပါတယ်။ ယခုနောက်ပိုင်း ရေနမှုနာကို ယူကာ စနစ်တကျ ဓာတ်ခွဲစမ်းသပ်မှုများ ပြုလုပ်ခြင်းဖြင့် မွေးမြူရေးတိရစ္ဆာန်တွေအတွက် အရေးကြီးတဲ့ သောက်ရေ၏ အရည်အသွေးကို ထိန်းညှိပေးနိုင်ပါတယ်။ တစ်နှစ်လျှင် အနည်းဆုံး တစ်ကြိမ် ရေမှာ ပါဝင်တဲ့ ဘက်တီးရီးပမာဏကို စစ်ဆေးခြင်းဖြင့် ရေအရည်အသွေး (water quality) ကို စစ်ဆေးနိုင်ပါတယ်။

ရေ လိုအပ်မှု

ဒါ့အပြင် သောက်ရေ၏ လိုအပ်ချက်ဟာ ရာသီဥတုအပေါ်မူတည်ပြီး လိုအပ်ချက် အနည်းအများကွာခြားနိုင်ပါတယ်။ အထူးသဖြင့် နွေရာသီလိုကာလမှာ သောက်ရေလိုအပ်ချက်ဟာ ပုံမှန်ထက်ပိုများတတ်ပါတယ်။ ရေသောက်နှုန်းအနည်းအများဟာလည်း ပတ်ဝန်းကျင်အပူချိန်၊ စိုထိုင်းဆ၊ အစာတွင်ဆားပါဝင်မှု၊ ကျွေးတဲ့အစာအချိုးအစားပေါ်မူတည်ပြီး ကွဲပြားနိုင်ပါတယ်။ မိမိခြံအတွင်း ရေကို (၂၄) နာရီရရှိအောင်ပြုလုပ်ပေးခြင်းဖြင့် ရေလိုအပ်မှု မရှိအောင်လုပ်ဆောင်နိုင်ပါတယ်။

မွေးမြူရေးလုပ်ငန်းမှာ အားဆေးနှင့် ကာကွယ်ဆေးအချို့တို့ကိုလည်း သောက်ရေထဲထည့်ကာ တိုက်တာကြောင့် သောက်ရေအရည်အသွေးမကောင်းလျှင် ဆေး၏ အကျိုးအာနိသင်အပေါ် သက်ရောက်မှုရှိနိုင်ပါတယ်။ ဒါ့ကြောင့် မွေးမြူလုပ်ငန်းအောင်အောင်မြင်မြင်လုပ်ဆောင်နိုင်ဖို့ဆိုလျှင် သောက်ရေ၏ အရည်အသွေးကို သေချာဂရုစိုက်သင့်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...