မြန်မာ့လက်ဖက်ခြောက်တစ်တန် တင်ပို့သွားရန် စီစဉ်ဆောင်ရွက်နေ

Photo - Photo _ Shutter stock

တရုတ်နိုင်ငံကို မြန်မာ့လက်ဖက်ခြောက် တစ်တန် တင်ပို့သွားနိုင်ရန် စီစဉ်ဆောင်ရွက်နေကြောင်း ပလောင် လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။ 

မြန်မာ့လက်ဖက်ခြောက်တစ်တန်ကို လာမယ့် သြဂုတ်လဝန်းကျင်မှာ တင်ပို့သွားရန် အခုလက်ရှိစီစဉ် ဆောင်ရွက်နေတယ်လို့ ပလောင်လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ အတွင်းရေးမှူး ဦးဇော်ညွှန့် ကပြောပါတယ်။

“ အခုလက်ရှိ တရုတ်နိုင်ငံကို လက်ဖက်ခြောက်တင်ပို့နိုင်ဖို့အတွက် ၈လပိုင်းထဲမှာ တင်ပို့နိုင်ဖို့လုပ် ဆောင်နေပါတယ်။ ဒေသထွက်နေတဲ့ ပင်ကြီးလက်ဖက်ကို စုနေတယ်။ တရုတ်ကို သွားပြီးတွေ့မယ်။ ပြီးရင် တင်ပို့ရောင်းချမယ်”

တရုတ်နိုင်ငံကို မြန်မာ့လက်ဖက်များ အရည်အသွေးအလိုက် တင်ပို့ရောင်းချနိုင်ရန်အတွက် ဈေးနှုန်းများ သတ်မှတ်ပေးသွားမှာဖြစ်ကြောင်း အဆိုပါအသင်းမှ သိရပါတယ်။ 

မြန်မာတစ်နိုင်ငံလုံးအနေဖြင့် လက်ဖက်စိုက်ဧက စုစုပေါင်း ၂၂၀၀၀ ကျော်သာရှိကြောင်း ပလောင်လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။ 

တိုးတိုးခိုင်(ABM)



ယခုဆောင်းပါးက သင့်အတွက် အသုံးဝင်ပါသလား?

  ဆိုရိုးစကား  

"ကမ္ဘာပေါ်မှာ နှစ်စဉ် အစားအစာပေါင်း ၁.၃ ဘီလီယံ တန်ဟာ ဆုံးရှုံး ဒါမှမဟုတ် လေ့လွင့်နေပါတယ်။" (FAO)