ငါးမွေးမြူရေးအတွက် သင့်လျော်သော ကန်အောက်ခြေမြေသားကို ပြုပြင်စီမံခြင်း

ကန်တစ်ကန်၏ငါးထုတ်လုပ်မှု ပမာဏကို ကန်၏အောက်ခြေမြေသားများက ကောင်းမွန်စွာအဆုံးအဖြတ်ပေးပါသည်။ ကောင်းမွန်သော သက်ရှိအစာများ ထုတ်လုပ်ခြင်းသည် ကန်အောက်ခြေတွင်ရှိသော မြေဩဇာဓာတ်ရရှိမှုပေါ်တွင် မူတည်ပါသည်။

မွေးမြူရေးကန်များတွင် ကန်အောက်ခြေမြေသားနှင့်ပတ်သက်၍ ပြဿနာများရှိသဖြင့် ကန်အောက်‌ခြေမြေသားကို ပြုပြင်ထိန်းသိမ်းရန် နည်းစနစ်များ ပေါ်ပေါက်လာပါသည်။

မြေသားအမျိုးအစား

ငါးကန်များ၏ ရေဩဇာဓာတ်ကောင်းမွန်ရန်အတွက် မြေတွင်ပါ၀င်သော မြေဩဇာဓာတ် ကောင်းမွန်မှုသည် အလွန်‌အရေးကြီးသည်။ အလွန်သဲဆန်သောမြေဖြစ်ပါက ဩဇာဓာတ်များ စိမ့်ထွက်သွားနိုင်ပြီး အလွန်ရွှံ့ဆန်သောမြေဖြစ်ပါက ဩဇာဓာတ်များကို စုပ်ယူထိန်းသိမ်းထားနိုင်ပါသည်။

သဲဆန်သောမြေတွင် ကန်တည်ဆောက်ထားပါက သဘာ၀မြေဩဇာများကို မြောက်များစွာ ထည့်ပေးခြင်းဖြင့် ရေစိမ့်ထွက်ဆုံးရှုံးမှုကို ထိန်းသိမ်းပေးပါသည်။

အက်စစ်ဆန်သောမြေသား

ကန်အောက်‌ခြေမြေသားများတွင် အက်စစ်ဓာတ်လွန်ကဲစွာပါခြင်း၊ ထုံးဓာတ် လွန်ကဲစွာပါ၀င်ခြင်းတို့ စသည်ဖြင့်အမျိုးမျိုးဖြစ်နိုင်သည်။

ကန်အောက်ခြေမြေသား၏ ချဉ်ငန်နှုန်း pH သည် ၆ မှ ၈ အတွင်းမှာ စံနှုန်းအတိုင်းအတာဖြစ်သည်။

အက်စစ်ဓာတ်ဆန်သော မြေသားကန်သည် ထုံးဓာတ်နှင့် ရေစေးနှုန်းနိမ့်ကျသည်။ အလူမီနီယမ်နှင့် သံဓာတ်တို့ မြင့်မားစွာပါ၀င်တက်သည်။ အက်စစ်ဓာတ်များသောကန်သည် ကန်ရေဩဇာ မကောင်းနိုင်ပါ။ ထုံးထည့်ပေးခြင်းဖြင့် အက်စစ်ဓာတ်ဆန်သောမြေသားကန်ရှိ ရေဩဇာဓာတ်ပြည်၀စေသော တစ်ခုတည်းသောနည်းလမ်းဖြစ်သည်။ ထုံးဓာတ်သည် ချဉ်ငန်နှုန်းကောင်းသော မြေပေါ်တွင်ကြာမြင့်စွာ အကျိုးသက်ရောက်စေပါသည်။

ကန်အောက်ခြေမြေသားအားအခြောက်ခံခြင်း

ငါးမွေးမြူရေးမပြုလုပ်ခင် ကန်အောက်ခြေမြေသားအား၂ စင်တီမီတာခန့် အက်ကွဲခြောက်သွေ့သည်အထိ မဖြစ်မနေ‌ အခြောက်ခံရပါသည်။ ထိုသို့ပြုလုပ်ခြင်းဖြင့် မြေသားအတွင်းသို့ အောက်စီဂျင်၀င်ရောက်လာကာ အန္တရာယ်ဖြစ်စေနိုင်သော အော်ဂဲနစ်ပစ္စည်းများနှင့် ပိုးမွှားများကိုပျက်စီးစေပါသည်။

မြေသားကို ရက်ပိုမိုရှည်ကြာစွာ အခြောက်ခံခြင်းဖြင့် မြေသားရှိ ပိုးမွှားများ၏ဥများနှင့် ၎င်းတို့၏ သားလောင်းများကိုပျက်စီး လျော့နည်းစေပါသည်။

ကန်အခြောက်ခံခြင်းကို ရက်သတ္တပတ် ၂ ပတ် ၃ ပတ်အထိ ဆောင်ရွက်ပါက အကောင်းဆုံးဖြစ်သည်။ မြေသားအတွင်းသို့ အောက်စီဂျင်ရရှိစေရန်အတွက် အခြောက်ခံထားသောမြေသားကို ထယ်ထိုး၍ မြေလှန်ရပါမည်။ ထို့နောက်ထုံးကြဲပတ်၍ ရေထည့်ကာ ငါးမွေးမြူရန်အတွက် အဆင်သင့်ပြုလုပ်လို့ရပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်