ဒီရေတောများ ပြန်လည်ထူထောင်ရာတွင်

မြန်မာနိုင်ငံသည် ဒီရေတောဖုံးလွှမ်းမှု စိုးရိမ်ဖွယ်ရာဆုံးရှုံးလျော့ကျလာလျက်ရှိပြီး ၎င်းကိုပြန်လည်ထူထောင်ရန် လိုအပ်နေကြောင်း သက်ဆိုင်ရာပညာရှင်များက အကြံပြုထားပါသည်။ 

မြန်မာနိုင်ငံရှိ ဂေဟစနစ်တွင် ဒီရေတောများ၏ အရေးပါမှုကို ချန်ထား၍မရပေ။ ထို့ကြောင့် မြန်မာနိုင်ငံအတွင်းရှိ လက်ကျန်ဒီရေတောများအား စနစ်တကျစီမံခန့်ခွဲ ခြင်း၊ ထိန်းသိမ်းစောင့်ရှောက်ခြင်း တိုးတက်လာစေရန်စဉ်ဆက်မပြတ်ဆောင်ရွက်ခြင်းတို့ ပြုလုပ်ရန်လို အပ်ပါသည်။ 

ဒီရေတောများလျော့နည်း၊ ဆုံးရှုံးလာမှုကြောင့် အပူငွေ့များတရိပ်ရိပ်တက်လာခြင်း၊ ကာဗွန်သိုလှောင်မှုလျော့နည်းလာခြင်း၊ သစ်ပင်ဖုံးလွှမ်းမှုရာခိုင်နှုန်းလျော့နည်းခြင်းစသည့် ပြဿနာများကြုံတွေ့လာရသည်။ ထို့ကြောင့် ဒီရေတောများ တစိုက်မတ်မတ်ပြန်လည်စိုက်ပျိုးခြင်းနှင့် ကာကွယ်ရေးအစီအစဉ်များကို ချက်ချင်း အကောင်အထည်ဖော်ရန် လိုအပ်နေပြီဖြစ်ပါသည်။ 

ဒီရေတောများပြန်လည်ထူထောင်ရာတွင် စိုက်ခင်းများအောင်မြင်ရန်အတွက် ဆောင်ရန်ရှောင်ရန်တို့ကို သိရှိနားလည်ရမည်ဖြစ်သည်။ ပထမဦးဆုံးအနေဖြင့် ဒီရေတောစိုက်ခင်း စိုက်ပျိုးမည့်နေရာနှင့်ကိုက်ညီ သော ဒီရေတောမျိုးစိတ်ကိုရွေးချယ်စိုက်ပျိုးရန်လိုအပ်မည်ဖြစ်သည်။ ကုန်းမြေအနိမ့်အမြင့်အလိုက်သော် လည်းကောင်း၊ မြေအမျိုးအစားအလိုက်သော်လည်းကောင်း သစ်မျိုးရွေးချယ်မှု မှန်ကန်မှသာလျင် စိုက်ခင်းအောင်မြင်မည်ဖြစ်သည်။ ထိုဆောင်ရွက်ချက်အတွက် ဒီရေတောသစ်မျိုးများ၏ ထူးခြားသည့် ဝိသေသများနှင့် သဘောသဘာဝတို့ကို ကောင်းစွာသိရှိနားလည်ရန်လိုအပ်မည်ဖြစ်သည်။ 

ဒီရေတောများပြန်လည်ထူထောင်ခြင်းအတွက် သစ်စေ့များကိုစုဆောင်းရသည်။ ဒီရေတောပင်ဖြစ်လာမည့် အသီးတောင့်များကိုနေရာဒေသအနှံ့မှ လိုက်လံစုစည်းပြီး လက်ရွေးစင်အသီး တောင့်များကိုရွေးချယ်ရသည်။ ရွေးချယ်ပြီးသော အသီးတောင့်များကို စနစ်တကျ သိုလှောင်ထားရပြီး သစ်စေ့သိုလှောင်ရုံ အနီးရှိ မြစ်/ချောင်းအတွင်းမှ ရေငန်ဖြင့်    နှစ်ရက်လျှင် တစ်ကြိမ်ခန့်  ရေလောင်းပေးရသည်။ နှစ်စဉ် ဖေဖော်ဝါရီ၊ မတ်လလောက်များ ဆိုလျှင် အသီးတောင့်များကို စတင်စုဆောင်းရရှိနိုင် ပြီဖြစ်သည်။ ဧပြီ၊ မေ လဝန်းကျင်တွင် စိုက်ပျိုးမြေနေရာ၌ ခြုံနွယ်ရှင်းလင်းခြင်း၊ မြေပြုပြင်ခြင်းတို့ကို အပြီးသတ် ဆောင်ရွက်ရမည်ဖြစ်သည်။ ဇွန်၊ ဇူလိုင်လများ အတွင်း ရေထရက်များတွင် အသီးတောင့်များအား ဒီရေတောစိုက်ခင်းနေရာတွင်စိုက်ပျိုးကြပါသည်။ ထို့ကြောင့် ဒီရေတောပင်တစ်ပင် ဖြစ်လာစေရန်မှာ အသီးတောင့်စတင်စုဆောင်းခြင်း၊ လက်ရွေးစင်အသီးတောင့် များအား‌ရွေးချယ်ခြင်း၊ အသီးတောင့်များ အား စနစ်တကျထားသိုလှောင်ခြင်း၊ မြေနေရာရှင်းလင်းခြင်း၊ စိုက်ပျိုးမြေနေရာတွင် စိုက်ပျိုးခြင်း အစရှိသည့် လုပ်ငန်းများကို အဆင့်ဆင့် ဆောင်ရွက်ရပါသည်။  

စိုက်ပျိုးပြီးသော ဒီရေတောများရေရှည်တံ့တည်ခိုင်မြဲရေးအတွက် ဒေသခံပြည်သူများ၏ ပူးပေါင်းဆောင် ရွက်မှုကအဓိက အချက်ဖြစ်သည်။ ထို့ကြောင့် ကမ်းရိုးတန်းဒေသတစ်လျှောက်တွင်နေထိုင်သည့် ဒေသခံ ပြည်သူများ အား ဒီရေတောများအကြောင်းနှင့် ၎င်းတို့၏ အရေးပါမှုကို အသိပညာပေးရန် လိုအပ် မည်ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more