ငရုတ်ကောင်း ပြည်တွင်းပြည်ပဈေးကွက်အခြေအနေ

မေး - ငရုတ်ကောင်းစေ့ ထုတ်လုပ်ရောင်းချမှု ပြည်တွင်းပြည်ပ ဈေးကွက်အခြေအနေလေးကို သိချင်ပါတယ်။

ဖြေ - ငရုတ်ကောင်းတွေကို ပြည်တွင်းဈေးကွက်အနေနဲ့ ပရဆေးဆိုင်တွေနဲ့ စားသောက်ကုန် လုပ်ငန်းကြီးတစ်ခုက ဝယ်ယူနေပါတယ်။ ၂၀၂၁ ခုနှစ်၊ ဧပြီလ (၅)ရက်နေ့အထိ ရန်ကုန်တိုင်း၊ ဘုရင့်နောင်ကုန်စည်ဒိုင် ပေါက်ဈေးတွေအရ ငရုတ်ကောင်းစေ့ (အမဲ) တစ်ပိဿာကို (၆၅၀၀) ကျပ်နဲ့ ငရုတ်ကောင်းစေ့ (အဖြူ) တစ်ပိဿာကို (၂၅၀၀၀) ကျပ် ဝန်းကျင် ပေါက်ဈေးတွေ ရှိခဲ့ပါတယ်။ ၂၀၂၁ ခုနှစ်၊ ဧပြီလ နောက်ဆုံးပတ်ကစပြီး ငရုတ်ကောင်းစေ့ (အမဲ) တစ်ပိဿာကို (၉၀၀၀) ကျပ်၊ ငရုတ်ကောင်းစေ့ (အဖြူ) တစ်ပိဿာကို (၂၇၀၀၀) ကျပ်အထိ ဈေးတွေမြင့်တက်လာပါတယ်။ ကုန်စည်စီးဆင်းမှုမရှိတဲ့အတွက် ငရုတ်ကောင်းဈေးတက်လာတာပါ။ ဒီနှစ်ရဲ့ ပြည်တွင်း ငရုတ်ကောင်းအထွက်နှုန်းက အရင်နှစ်ကထက် နည်းပါတယ်။ ဒါ့အပြင် နယ်စပ်လမ်းကြောင်းတွေပိတ်တော့ အိမ်နီးချင်းနိုင်ငံ ဗီယက်နမ်နိုင်ငံဘက်က ငရုတ်ကောင်းတွေလည်း မဝင်လာနိုင်ဘူး။ တချို့ ပြည်တွင်းမှာ စိုက်တဲ့သူတွေကလည်း လမ်းပန်းအခက်အခဲကြောင့် ဘုရင့်နောင်ကုန်စည်ဒိုင်တွေအထိ တင်ပို့ဖို့ခက်ခဲတာကြောင့် ပုံမှန်ထက်ပိုပြီး ဈေးတွေထိုးတက်လာတာပါ။ ဒီလိုရာသီက အမှန်တကယ်ဆို ငရုတ်ကောင်းစေ့ဈေးတွေ ကျဆင်းတတ်တဲ့ ကာလအပိုင်းအခြားပါ။ သင်္ကြန်တွင်းကျော်သွားတာနဲ့ ငရုတ်ကောင်းစေ့ဈေးတွေ ကျတတ်ပါတယ်။ ငရုတ်ကောင်းတွေ တင်သွင်းလို့မရတော့တဲ့အတွက် ဒီနှစ်မှ ထူးထူးခြားခြားကို တောင်သူတွေအနေနဲ့ ဈေးကောင်းကြုံရတာပါ။ တကယ်ဆို ဈေးတက်တယ်ဆိုလည်း တစ်ပိဿာကို ငွေငါးရာလောက်ပဲ အတက်အကျရှိရမှာ။ အခုကျတော့ တစ်ပိဿာကို သုံးထောင်လောက်ကြီး တက်သွားတာပါ။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်